hathon men hanuman samae fir shani se kyon bhay khae bharti anand jab ham hath ki rekhaon men grahon ka vishleshan karte hain to bal, buddhi, vidya ke pradata mangal grah ka vishesh vichar karte hain. hanuman ji ko mangal ka hi dusra rup mana jata hai. hanuman ji ki shakti, buddhi, karmashilta aur svamibhakti se sabhi bhalibhanti parichit hain. bhagvan ram ke nam ki shakti ke bal par apni vanar sena ke sath milakar samudra par pul bandhne jaisa adbhut karya karne ka shrey pavnputra hanuman ji ko hi hai. yadi kisi vyakti ke hath men mangal ka chihn arthat hanuman ka chihn ho to shani ki sarhesati v dhaiya dashaen bhi uska kuch anarth nahin kar sakti hanai. hath ko prakashyukt kamre men lens ke niche rakhakar dhyan se dekhen. yadi hath men jivan rekha ke sath mangal rekha ek se adhik arthat pahli bari dusri, choti, tisri usse se bhi choti hon to yah hanuman rekha (mangal rekha) kahlati hai. yadi mangal grah utha hua ho, to vyakti ke jivan men hanuman ji ki bahut kripa hoti hai. dvitiya mangal par yadi mastishk rekha dvibhajit ho, mangal utha hua ho, vahan rekhaon ka jal n ho, hath bhari ho, ungliyan sidhi hon, khasakar shani ki ungli muri ya tirchi n ho aur n hi guru ya surya grah par jhuk rahi ho to vyakti par shani ki mahadsha, antardasha ya sarhesati athva dhaiya ka kuprabhav nahin parta. jivan rekha ke sath mangal rekha saf suthri ho, use rahu rekha n katti ho v mangal par shankh ka chihn ho to vyakti ko hanuman ji ki vishesh kripa ki prapti hoti hai. shani grah ke niche yadi hriday rekha spasht ho aur us par kamal ya tribhuj spasht rup se dikhai deta ho, to jatak hanuman ji ka upasak hota hai. us par hanuman ji ki vishesh kripa hoti hai aur use shani nahin satate. yadi hriday rekha men shani ke niche aur hriday rekha ke upar tin sidhi rekhaen banti hon, shani ki ungli sidhi ho aur uska adhar barabar ho, mangal grah donon hathon men ubhar lie ho, to jatak par hanuman ji ki vishesh kripa hoti hai. uske shatru uska kuch bhi bigar nahin pate. hanuman ki kripa se vah apar dhan-sanpatti ka svami hota hai aur uska man shant rahta hai. kahte hain, yah rekha unhin logon ke hathon men hoti hai jo janmajanmantar se hanuman ji ke bhakt hote hain aur jinhonne hanuman ji ke mandir ka nirman kiya ho. bhagya rekha ka shani grah se nikalakar manibandh tak jana aur shani grah ke niche trishul sa ban jana bhi hanuman chihn mana jata hai. is chihn se yukt jatak par hanuman ji ki vishesh kripa hoti hai. jigyasa uth sakti hai ki shubh mangal shani ki krur drishti se apne bhakton ki raksha kis prakar karte hain. yahan yah spasht kar dena uchit hai ki shani bhale hi apni krur drishti se jatak ko uske dushkarmon ki saja de, yadi vah hanuman ka bhakt ho to mangal uski raksha karte hain. shani ke pita surya hanuman ji ke guru hain. islie hanuman ji shani ko apna guru bhrata mante hain. iske atirikt anek kathin paristhitiyon men unhonne shani ki raksha ki thi. brahma ji se nyay karya prapt karne ke bad jab shani ravan par prabhavi sarhesati ke samay use uska fal dene gae to sarvashaktiman ravan ne apne tantra-gyan ke bal par anya grahon ki bhanti unhen bhi rassiyon se bandh liya. tab hanuman ji ne apni tantra-shakti ke bal par sabhi grahon ke sath shani dev ko bhi mukt karaya tha aur unke jakhmon par sarson ke tel ka lep kiya tha. tab shani ne hanuman ji ko vachan diya tha ki kaliyug men sarhesati ya dhaiya se prabhavit hote hue bhi yadi koi jatak mahavir hanuman ki shraddha v nishthapurvak puja archana karega use vah kisi bhi tarah ka kasht nahin pahunchaenge. shani ne yah bhi kaha ki jo jatak unki puja archana shanivar ke atirikt manglvar ko bhi karega use shanivar ki puja ke sabhi shubh fal milenge. tabhi se shani dev hanuman ji ke bhakton par vishesh kripa rakhte hain. shanidev ke sath-sath anya grah bhi hanuman ji ke prabhav men rahte hain kyonki grahon ke raja surya dev ne hanuman ko bhagvan shankar, vishnu aur vasudev krishn ka rup mana hai. ye sabhi grah hanuman ji ko sada naman karte hain. ketu par mangal ki vishesh kripa rahti hai. rahu hanuman ji ke nam se hi kanp jate hain. aise sarvashaktiman hanuman ji ko apni hast rekhaon men jagrat karne aur unse man chahe fal pane ke lie kisi hastarekha visheshagya ki salah lekar tadnurup upay karen, vanchit fal ki prapti hogi.
Kya aapko lekh pasand aaya?
Subscribe