chamatkari prayogegeg dae. nirmal kothari aj har vyakti kisi n kisi samasya se grast hai. vah us samasya se mukti to chahta hai kintu upay ki uchit jankari ke abhav men mukt ho nahin pata. yahan hanuman ji se sanbaddh anubhut upay ka vivaran prastut hai jise apna kar koi bhi vyakti samasya se mukti prapt kar sakta hai. is prayog ka anushthan karne se purva nimnalikhit baton ka dhyan rakhna chahie. kisi mas men shukla paksh ke manglvar ko yah anushthan shuru karen. kintu dhyan rahe, us din rikta tithiyan nahin hon. sadhak ki rashi se bhav 4, 8 ya 12 men chandra nahin ho. jannashauch ya marnashauch men bhi yah anushthan nahin karna chahie. prayog ke samay kshauradi karm ka tyag evan satvik ahar ke sath brahmacharya ka palan bhi anivarya hai. sadhak ko bhojan ek hi samay karna chahie. sankalpit karya ki siddhi yadi prayog kal ke bich men hi ho jae to bhi prayog ko pura karna chahie. anyatha nuksan hone ki sanbhavna rahti hai. prayog vidhi prayog praranbh karne se pahle din somvar ko sava pav gur, ek chatank bhune hue chane aur gay ka sava pav shuddh ghi ikattha kar lane. gur ki 21 choti-choti daliyan bana len, shesh yathavat rahne den. ghar ke kisi unche sthan ko saf aur pavitra kar us par tinon vastuen arthat gur, chane aur baÿai sahit ghi alg-alag rakh den. vahin ek diya salai, tin chote patra adi, jinmen pratidin uparyukt vastuen le jai ja saken, bhi rakh den. in sab ke atirikt channiyan bhi rakh den. yah prayog shri hanumanji ke mandir men karna hai, jo ganv ya shahar se dur ekant ya nirjan sthan men ho. mandir nivas sthan se kam se kam 2-3 farlang dur hona jaruri hai. jis manglvar se prayog aranbh karna ho, us din brahm muhurt men ya suryoday se pahle uthakar shauchadi se nivritt ho snan kar kapre pahanakar lalat par roli-chandan adi lagakar sabse pahle vahan jaen jahan tinon patron men gur, chane, baÿai sahit ghi rakhe hain. vahan rakhi ek channi men gur ki ek dali, 11 chane, ghi sani ek baÿai aur diya salai ko ek dhule hue svachch pavitra vastra se dhak kar hanuman ji ke mandir le jaen. dhyan rahe, shri hanuman ji ki murti ke sammukh pahanuchne tak piche, daen ya baen ghumakar dekhna nahin hai aur channi uthane ke bad ghar men, raste men ya mandir mane kisi se ek shabd bat bhi nahin karni hai. bina juta-chappal pahne shri hanuman ji ke sammukh pahunchakar bina daen-baen dekhe maun dharan kie hue hi pahle baÿai jalaen, fir chane aur gur ki dali hanuman ji ke samaksh arpit kar sashtang pranam kar hath jor purva sankalpit apni manokamna ki siddhi ke lie man hi man shraddha, vishvas evan bhaktipurvak unse prarthana karen. fir yadi koi anya prarthana ya stuti, hanuman chalisa adi ka path karna chahen, to maun hi rahakar karen. vapsi men murti ke samne se hatne ke bad jab tak apne ghar pahunchakar vah khali patra nishchit sthan par n rakh den, tab tak piche, daen ya baen ghumakar n dekhen aur n hi kisi se ek shabd bat karen. fir channi rakhakar sat bar ‘ram-ram’ kahakar maun bhang karen. isi kram evan niyam se 21 din tak lagatar prayog karte rahen. ratri men sote samay hanuman chalisa ka 11 bar path karke apni manokamna siddhi ke lie prarthana avashya karen. baisven din manglvar ko nityakarm se nivritt hokar sava ser ate ka ek rot banakar gobar ki agni men sanekakar paka len. yadi asuvidha ho to pav-pav ki 5 rotiyan banakar unmen avashyaktanusar gay ka shuddh ghi aur achcha gur milakar unka churma bana len. 21 daliyon ke bad jo gur bacha ho use churme men mila den. fir churme ko thali men rakhakar bache hue sare chane tatha shesh ghi sahit rakhi antim baÿai lekar pratidin ki tarah mandir men jaen aur baÿai jalakar shri hanuman ji ko chane aur churme ka bhog lagakar usi prakar ghar vapas aen aur ghar men pravesh ke bad hi maun bhang karen. sadhak us din donon samay keval churme ka bhojan karen. shesh churme ko prasad rup men bant den. shraddha aur nishthapurvak yah anushthan karne se hanuman ji ki kripa aur vanchit fal ki prapti hoti hai. kisi karanavash prayog men bhul bhi ho jae to nirash n hane, use fir se karen.
Kya aapko lekh pasand aaya?
Subscribe