shani ke kanya rashi men gochar ka fal pan. sunil joshi junnarakar shani ek rashi men lagabhag dhai varsh rahta hai. is prakar bhachakra ki 12 rashiyon ko par karne men use lagabhag 30 varsh ka samay lag jata hai. isi manthar gati ke karan surya putra shani 30 varsh pashchat 09 sitanbar 2009 ko bhartiya samyanusar madhya ratri ko thik 12 baje sinh rashi ko tyagakar kanya rashi men pravesh karega. shani budh se samyata rakhta hai aur shani se budh maitri bhav rakhta hai. mitra aur saumya rashi kanya men shani ka gochar prithvi aur prithvi vasiyon ko 50 pratishat shubhafal dega. medini sanhita men kaha gaya hai- ‘‘kanyayan suryaputre sakljnsukhan sangrah sarvadhanyam.’’ kharif ki fasal dal, chavan adi ka utpadan achcha hoga jisse inka bhandaran ho sakega. khadya padarthon ki kimten girne se mahangai par kuch rok lagegi tatha desh ki arthavyavastha men sudhar hoga jisse desh ki janta ko sukh-shanti ki anubhuti hogi. mahilaon ke vikas ki yojnae bananegi aur karyanvit hongi. faltah striyan teji se unnati karengi. svatantra bharat ki janmarashi kark se shani ka bhraman tritiya sthan men hoga. isse desh ke parakram men vriddhi hogi tatha arthik mandi se ubrne ke lie sarkar dvara kie ja rahe prayason ka achcha pratifal milega. shani ke kanya rashi men pravesh karte hi desh ke pradhanmantri par prabhavi sarhesati samapt ho jaegi, jisse ve rogmukt honge. pradhanmantri ki nitiyan safal hongi aur unka yash barhega. vah pahle se jyada behatar dhang se kam karenge. agle varsh 13 janvri se shani kanya rashi men vakri hoga jiske falasvarup atankvad, maovadi hinsa aur durbhiksh men vriddhi hogi. tula rashi ke jatak sarhe sat, kanya ke panch aur sinh, mithun tatha kunbh rashi ke jatak dhai varsh tak shani ke gochriya prabhav men rahenge. grahon ke gochriya bhraman men manushya jati par shani ka sarvadhik prabhav dikhai deta hai. gochar ganna ke anusar janm rashi se jab shani bhav 12, 1 ya 2 men hota hai tab un rashiyon vale jatak shani ki sarhesati se prabhavit hote hain. shastron men ise brihat kalyani kaha gaya hai. jab gochar bhraman men janm rashi se shani bhav 4 ya 8 men hota hai, tab un rashiyon vale jatak dhaiya se prabhavit hote hain. ise laghu kalyani ya kantki kahte hain. is varsh 09 sitanbar ko gochar karta hua shani jab kanya rashi men aega to kark rashi par chal rahi sarhesati tatha vrish aur makar rashi par chal rahi dhaiya samapt ho jaegi. mithun evan kunbh rashi ke jatkon par shani ki dhaiya, tula rashi valon par sarhesati shani ki pratham, kanya rashi valon par dusri aur sinh rashi valon par tisri aur antim dhaiya praranbh hogi. parishram ka karak aur stri evan svayan ke lie kashtadayak siddh hogi. tula rashi valon par aranbh hone val sarhesati shani ki pahli dhaiya dhandayak siddh hogi. is dauran jatak ko achanak arthik labh hoga, sharirik aur mansik sukh ki prapti hogi tatha svayan ke shubh karya banenge kintu santan aur stri ke karya ki chinta rahegi. mithun rashi valon par prabhavi dhaiya mansik chinta, parivar janon ke virodh arthik hani adi ka karak siddh hogi. sath hi yah yog jatkon ke svabhav men krodh ki vriddhi bhi karegi. kunbh rashi valon par prabhavi dhaiya shubh siddh hogi. jatkon ko arthik samriddhi, bhumi, evan mansik sukh adi ki prapti hogi aur santan ke karya safal honge. mesh aur vrishchik rashiyon par prabhavi dhaiya ashubh hogi. in rashiyon ke jatkon ko chintajanak sthitiyon ka samna karna parega. dhanu tatha min rashiyon ke logon ke lie un par prabhavi dhaiya shubh hogi. unke ghar shubh karyon ka sanpadan hog. kark aur kunbh rashiyon prabhavi dhaiya lakshmidayak siddh hogi. jatkon ko samriddhi ki prapti hogi. vrish aur makar ke lie yah yog kashtadayak rahega. jatkon ko anek prakar ke kashton ka samna karna parega. kanya rashi men shani ka bhraman. sinh rashi ki utrti sarhesati dhandayak, shubhflkari, vyapar men unnatikarak hogi aur dhan aur yash ki prapti kara kar jaegi. kanya rashi par prabhavi dusri dhaiya mansik chinta, sharirik pira aur sarhesati men shani ka vas aur uska fal vas sthan samyavdhi nivas ka fal mukh 3 mah 10 din haniprad dahini bhuja 1 varsh 1 mah, 10 din vijay, utsah dahina pair 10 mah bhraman bayan pair 10 mah bhraman hriday 1 varsh 4 mah 20 din dhan-sanpatti ki prapti bain bhuja 1 varsh 1 mah 10 din pira mastishk 10 mah shanti aur sukh ki prapti bayan netra 3 mah 10 din shubh fal ki prapti dayan netra 3 mah 10 din shubh fal ki prapti guda 6 mah 20 din chinta, vikar, pira dinank 12 agast se 17 disanbar 2009 tak shani uttara falguni nakshatra men rahega. janm nakshatranusar uttarafalguni nakshatra men shani ke gochar ka fal nimnavat rahega. janm nakshatra vas sthan fal ashvini, bharni, krittika bain bhuja labh rohini, mrigshira, adrra bayan pair nash punarvasu, pushya, ashlesha dahina pair pravas magha, pu.fa., u.fa., hast dahini bhuja saukhya chitra chehra sukh svati, vishakha pith bhay anuradha, jyeshtha netra sukh mul, purvasharha, uttarasharha sir vijay shravan, dhanishtha, shatbhisha kukshi vilas purva bhadrapad, uttara bhadrapad kukshi vilas revti bain bhuja labh
Kya aapko lekh pasand aaya?
Subscribe