hanuman ke tin rup lanka nagri ke bahar subel parvat par shriram ke sainya dal ki asthayi chavni thi. shriram ke pramukh sakha tatha sevak sugriv, vibhishan, angad , jambavan, hanuman adi unke samip hi rahte the. bhagvan ram ki agya se jab hanuman ji ne apne tin rup prakat kie, tab sabhi ashcharyachkit evan bhav-vihval hokar dekhne lage. ek hanuman ji sushen vaidya ko ghar-sahit lekar lanka lagri men chale gaye. dusre hanuman ji shriram ki seva men upasthit rahe aur tisre hanuman ji sanjivni parvatkhand le jane ke lie uske nikat pahanuche. parvatkhand uthane ke purva hanuman ji ne pahle ki bhanti hath jorakar uski parikrama ki fir adrpurvak use pranam kiya. is bad unke pranam ka uÿar kuch bhinn prakar se mila, kyonki tab tak sanjivniyan hanuman ji ke vastavik svarup se parichit ho chuki thin. sab ki ek sammilit madhur dhvani gunji- ‘‘anek rup rupay, vajrangay, prabhu vajrangay, namostute.’’ unke vandan ko man svikar karke hanuman ji ne jaise hi parvat-khand uthaya, vaise hi sanjivniyon ne uchch svar men udgh ‘‘ram-lakshmana-janki, jay ho jay hanuman ki.’’ divya sanjivniyon ka svar divya tha. atah ram-dal ke atirikt iski pratidhvani sare vishva men gunj gai. ise lankavasiyon ne suni, nandigram men bhartji ne suni tatha ayodhya men dhatrughna-urmila adi ne suni. shriram ki paduka ke sammukh dhyanasth baithe bhartji anand vibhor ho gae. shatrughn ne prasann hokar charon vibhutiyon ko mansik pranam kiya. apne sadhna-kaksh men tallin baithi urmila tanik muskai, fir hath jorakar donon anguthon se jhuke hue mastak ke agrabhag ko sparsh kiya. yahi uska pranam tha. itna karke vah sadhna men punah lin ho gai. hanuman ji jab sanjivni parvatkhand uthakar akash-marg se se uÿar disha ki or ur chale, tab unka ek hi rup shriram ki seva men rah gaya. sanyog se usi samay devarshi narad vina ki madhur jhankar karte hue tatha mukh se ‘narayn’ ka uchcharan karte hue shriram ki or ate dikhai pare. unke ane par shriram sahit sabhi log uthakar khare ho gaye. shriram ne apna uÿariya jharakar ek shubh prastar khand par bicha diya aur narad ji se us par virajan aosh kiya- ki prarthana ki. jab narad ji us par sukh purvak baith gae, tab shriram-lakshman ne, fir kram se sabhi ne, devarshi ke charnon men pranam kiya. ashirvad rup men narad ji ek ungli se vina ka ek tar cher dete the aur mukh se ‘narayn’ kah de the. sabke pranam kar chukne par ram-lakshman munivar ke sammukh baith gaye aur shesh sabhi hath jore rahe. shriram ne vinit bhav se kaha, ‘‘devarshe! apka koi sthayi nivas sthan to hai nahin, ap trilok men sada-sarvatra vicharan kiya karte hain. isi main yah puchne ki dhrishtata kar raha hun ki is samay kahan se apka padharna hua?’’ narad ji bole, ‘‘he mridu-madhur-bhashi raghvendra! is samay main sidhe brahmalok se a raha hun vahan mere pitaji ki dainik archana-vandna karne ke lie suryadev ae the. pujan ke pashchat unhonne inka (hanuman ji ki or ungli uthakr) yashogan aranbh kiya, jise sunakar mere man men inke darshan ki lalsa jagi. mainne socha, lanka jane par apke aur inke darshan sath-sath ho jaenge. bas, main chala aya.’’ ‘‘suryadev ne inki kirti ka jo varnan kiya, use main bhi sunna chahta hun. ap uchit samjhen, to vah sab kahne ki kripa karen.’’ apni prashansa men ruchi n hone ke karan hanuman ji bich men hi bol pare, ‘‘prabho! bina agya ke bolne ke lie kshama chahta hun. mera namra nivedan yah hai ki puri rat apka jagaran hua hai. ab apko vishram ki avashyakta hai. shri narad muni to sada ate-jate hain. mere vishan men suryadev ne vahan jo atishyoktipurn kathan kiya hai, use devarshi fir kabhi suna denge.’’ mand smit muskan ke sath shriram ne kaha, ‘‘main janta hun hanuman tum aisa kyon kah rahe ho? main purn svasth hun, mujhe vishram ki kuch bhi avashyakta nahin hai. (narad se) han, munivr! suryadev ka kathan mujhe vistar se sunaie.’’ narad ji bole, ‘‘avashya sunaunga prabho, vistar se kahunga apke svabhav se main bhali bhanti parichit hun. apko apne gungan se kahin adhik apne bhakton ka gungan priya hai. achcha, ab surya dev ka kathan sunie. unhonne pranam karte hue kaha ki hanuman ji sarvatma-param atma hain, kyonki vayu putra hone ke karan ve sab jivon ke pran hain. ve bhagvan rudra hi hain, atah sarvashaktiman hain. iska parichay unhonne balyavastha men hi de diya tha. unhonne jab mujhe apne mukh men rakh liya aur devraj indra ne meri mukti ke uddeshya se un par vajra ka prahar kiya, tab unhonne vajra ko is tarah lapak liya jaise bachche gend ko ya gilli ko lapak lete hain. fir apni hanu (thori) men lage vajra ko khilaune ki tarah lekar bal-vinod se kuch terha mukh karke indra ko chirhane lage. ve chahte to vajra ko torakar fenk dete, kintu maharshi dadhich ki haddiyon ka tatha indra ke devrajatva ka man rakhte hue use unhonne use indra ki or vapas uchal diya. anttah samast devon ki vinay sunakar mujhe bhi mukt kar diya.’’ is par shriram ne ek muskan bhari drishti hanuman ji par dali. hanuman ji sankuchit hokar dharti ki or dekhne lage. anya daivi shaktiyon ko ravan ke bhishan panje se mukt karaya. surya dev ne yah bhi kaha ki shri hanuman ji keval bhagvan shankar hi nahin ve lakshmi-pati narayan vishnu tatha sarveshvar vasudev bhagvan shriradhakrishn bhi hain. unhonne hi vamnrup hokar danvraj bali se tin dag dharti mangi thi aur uske svikar kar lene par aisa virat rup dharan kiya ki do hi dag men sari srishti samahit ho gayi. tisre tag men unka charan brahmand bhedakar apke brahmalok men a gaya tha. tab apne atyant prem se us charan ka prakshalan kiya aur us jal ko apne kamandal men bhar liya. kalantar men vahi jal devndi bhagvti ganga men parinit ho gaya. mere pitaji ne bhi surya ke is kathan ka samarthan kiya tha.’’ jab narad ji yah sab kah rahe the, tab vahan upasthit anya sab vanr-bhalu ativ ashcharya evan adrpurvak apalak drishti se hanuman ji ko dekh rahe the. narad ji ne age kaha, ‘‘he purushoÿam! aise hanuman ji apke sath hain. apka aur inka sath aj ka nahin, chirantan hai. yah pahle bhi tha, aj bhi hai aur bhavishya men bhi yug-yugantar tak rahega. jahan shriram vahan shri hanuman, donon abhinn hain, kabhi prithak nahin ho sakte.’’ ab narad ji ne ek vihangam drishti shriram ki vishal vanri sena par dali aur kaha, ‘‘bhagavan! apne vanron ki itni bari sena ekatra karli ki shayad hi kahin aur koi vanar shesh ho.’’ shriram ne ek vyangbhri musman bikherte hue kaha, ‘‘he munivr! vanri sena meainne narad ji age bole, ‘‘jinke dvara sadhak ki pratyek kamna purn ho sakti hai. kuch vishisht tantra hain damrtantra, uchchisht damar tantra, uchchisht bhairav tantra, uchchisht uddis tantra, uchchisht bhairav uddis tantra adi nau tantra. isi tantrik gyan ke bal par ravan ne ham sabhia grahon ko apne adhin kar rakha tha, kintu tantra-shastra ke srishta hanumanji ne ank jyotish-vidya ke madhyam se uski tantra-shakti ki kat karke hamen tatha ekatra ki nahin, mujhe karni paui. yah apke anugrahypi shap ka pratap hai. ap hi ne to kaha thaki tumne hamen vanar ka mukh diyato vanar hi tumhari sahayta karenge, unke bina tumhen saflta prapt nahin hogi. apne yah bhi kaha tha ki tumne us rajakanya ke sath mera vivah nahin hone diya, atah tumhen bhi patni virah ka dukh sahan karna parega. so sahan kar raha hun.’’1 ‘‘ap mera svabhav to jante hain devarshi ki chahe mera vachan anyatha ho jae, kintu apne bhakton ka vachan main anyatha nahin hone deta. ve jo kah dete hain, vah avashya hota hai. ‘‘us prasang ka smaran mat dilaie prabho, mujhe mansik vedna hone lagti hai. main apne ap se ghrina karne lagta hun aur man ashant ho jata hai.’’ ‘‘man shant karne ka yahi upay hai ki ap shivji ka nam jap kijie aur yah vishvas man se kabhi mat hataie ki bhagvan shankar ke samne priya koi anya mujhe nahin hai.’’1 ‘‘apne bahut achcha upay bataya ramanath. main yahan se sidhe kailash jakar umanath bhagvan shankar ke darshan karunga aur unke nam ka jap karunga.’’ aisa kahakar narad ji vina jhankarte hue vahan se sidhar gaye. udhar sanjivni parvat khand lie hue hanuman ji uÿar disha ki or akash marg se ure chale ja rahe the. veg atyant tivra hone ke karan sanjivniyon ke kuch kan jhar-jhar kar niche gir rahe the iske pahle, sab devtaon, grahon tatha shaktiyon ko pushpanjli-rup men hanumanji dvara gaye divya pushp pavndev ne jahan-jahan girae the,2 vahan-vahan sanjivniyon ke kan gire, to unke chamatkarik prabhav men vriddhi ho gayi. kshirsagar men parvat-khand sthapit karke hanuman ji bhagvan narayan ki or chale. us samay devraj indra apni patni shachi sath vishnu bhagvan ki seva men upasthit the. bhagvan ne donon ko hanuman ji ka svagt-satkar karke lane ke lie bheja. indra aur shachi age barhakar hanuman ji ke sammukh pahanuche aur hath jorakar bale, ‘‘prabho! apka darshan karke ham dhanya ho gaye. bhagvan lakshmi-pati ki agya se ham apka pujn-vandan karke apne ko bhagyashali banana chahte hain’’ itna kahte hi unke hathon men pujn-samagri se purn ratnajatit kanchn-thal prakat ho gaya. donon ne vidhivat vajrang dev ki puja karke unki stuti ki. hanuman ji nra prasannatapurvak unki abhayarthana svikar ki. fir sankshep mi shrisitaram ka samachar sunakar unhonne kshirsagar men apne pahanuchne ka karan bataya. sahsa vahin golokeshvar bhagvan shriradhakrishn prakat ho gaye. ve ratnamay divya sinhasan par asin mand-mohak bikher rahe the. tinon ne unhen sabhakti pranam kiya. shriradhakrishn ne hanuman ji ke karyon ki prashansa karte hue unhen apni bagal men asan par baithne ka sanket kiya, kintu hanuman ji hath jore hue sankuchit hokar khare hi rahe. tab bhagvan bole, ‘‘dekho pavan kumar! main tumse pahle kah chuka hun ki mujhmen aur tum men koi bhed nahin hain, jo tum ho, vahi main hun aur jo main hun, vahi tum ho. dusri bat yah hai ki yah sthan bhautik jagat ka nahin hai aur n tum bhautik prani ho. fir sankoch kaisa? tum svayan sakshat parabrahm tatha sarva-shaktiman virat purush ho. achcha, lo main tumhara sankoch dur kar deta hun.’’ aisa kahakar bhagvan shri radhakrishn sinhasan se uthe aur hanuman ji ko pragarh alingan men abaddh kar liya. tatkal hanuman ji ki kaya sarvashaktiman prabhu shri radhakrishn hanuman ji ke virat rup men vilin ho gaye. yah apurva drishya dekhakar shesh, indra evan shachi ne us virat rup ko dandavat pranam kiya. devraj indra ne divya hanuman stotron se stuti karne ke anantar kaha, ‘‘he maruti! ap hi sarvashaktiman sarveshvar virat purush hain. apke is svarup ki kalpana tatha iska varnan karna atyant dushkar hai. main samast devtaon ki or se apka vandan karta hun. ap ham par sada kripa karte rahen. indradev ki stuti samapt hone par sanjivniyon ne murt rup dharan karke vandna aranbh ki. unhonne ek svar se kaha, ‘‘he sarva-shaktiman hanuman ji! ap sarvavyapt jagdatma hain, anadi-anant hain, nigun brahm hain tatha sagun avtari bhi ap hi hain. apke vastavik svarup ka gyan hamen ab hua hai. jab ap hamen lene ke lie dran giri pahunche oi, tab hamne apko pahchanne men bhul ki aur kuch pratikul vyavhar kiya. uske lie ham kshama mangti hain. ap mahan hain hamen kshama kar dijie aur kripa karke aisa vardan dijie ki hamara prabhav sarvada isi prakar akshannu rahe. hamari yah prarthana hai ki apki puja-stuti karke jo vyakti hamara upyog kare, uska rog tatkal nasht ho jae.’’ hanuman ji ne ‘evamastu’ kaha aur apna dahina hath varmudra men upar uthaya. udhar devarshi nardji prabhu shriram ki shubh sammati se kailash pahunche aur bhagvan parvati shankar ka darshan karke ve param anandit hue. fir sahasra bar unhonne ‘shiv’ nam ka jap kiya. tadnandar narayn-kahte hue bhagvan vishnu ka darshan karne ke lie ve kshirsagar ki or chale. unki gati avyahat hai. atah kuch hi kshanon men kshirsagar ve us samay pahanuche, jab sanjivniyon ki stuti samapt hi hui thi. narad ji ne varmudra men hanuman ji ka virat rup dekha, to unke mukh se akasmat nikal para, ‘‘virat rup bhagvan anjney ki jay ho, jay ho.’’ ab hanuman ji virat rup tyagakar samanya rup men a gaye. narad ji bhi prakri tisth hue aur bole, ‘‘prabho! abhi tak ap yahin virajman hain? koi bat nahin, yadi apki ichcha kuch samay aur yahan rukne ki ho, to ek anya rup se is parvat-khand ko dron parvat par pahunchane ki kripa karen.’’ hanuman ji kinchit muskaraye. fir parvat-khand uthakar ‘jay shriram’ ka udghosh kiya aur upar uthakar akash marg se uÿar marg se uÿar disha ki or ur chale. samanya prachlit prasangon se bhinn hone ke karan hi koi prasang athva varnan mithya nahin ho jata ya kori kalpana ki koti men nahin a jata. iske anek udaharan dharmik sahitya men bhare pare hain. keval kuch udahrnon ka sanket yahan kiya ja raha hai. maharshi vedavyas dvara rachit adhyatm ramayan (brahmand puran ka uÿar bhag) men ‘ram hridy’ nam ka pratham sarg hai. usmen varnan kiya gaya hai ki shriram ke adesh se sitaji ne hanuman ji ko shriram-tatva ka updesh diya. unhonne kaha, ‘he vats hanuman! shriram shant, nirvikar, sarvavyapak, samast upadhiyon se rahit, sachchidanand, parabrahm hain. ye kuch nahin karte, kyonki ichcha, harsh, shok adi n karne vale ye avichal hain. inki janm se lekar ravn-vadh tatha rajya-shasan tak ke sare karya mere dvara hue hain. inhonne kuch nahin kiya.’ yah prasang valmikiya ramayan men ya anyatra kahin nahin hai. tab kaya ise kori kalpana kahakar mithya mana ja sakta hai? gosvami tulsidas ne vivah ke pahle ram-sita ke pratham darshan tatha ek dusre ke prati akarshan ka varnan kiya hai. unhonne svayanvar men sabhi rajaon ka ek sath ekatrit hona likha hai aur parshuram ji ko bhi bad men vahin bula liya hai. pratham prasang-valmikiya men hai n adhyatm men. shesh do prasang donon ramaynon se bhinn prakar ke hain. anand ramayan ke bhi rachiyata maharshi valmiki hi mane jate hain. ismen ek prasang hai ki sita-svayanvar ke avasar par ravan bhi upasthit tha. usne shankar ji ka dhanush uthane ka prayatn kiya to aisa gira ki dhanush ke niche dab gaya. dhanush hatakar niklne ke lie vah pura bal lagak har gaya, kintu nikal nahin saka. tab munivar vishvamitra ke adesh se shriram ne ek hath se dhanush ka ek sira upar utha diya aur ravan ko mukti mili. yah prasang sabhi ramaynon se bhinn tatha aprachlit hai. dakshin bharat ki ek ramaya ke anusar sitaji ravan ki kanya thin. ram ke sath sita ko vanvas ka kasht jhelna pare, is drishti se vah sita ko balpurvak lanka le aya tha. kintu jab sita ne rajamahal men rahna kisi prakar svikar nahin kiya, tab unhen ati ramnik ashok vatika men thahra diya gaya. is prasang ke prachlit hone ki bat to dur rahi, shesh bharat ka koi bhi ramyn-premi ise sunna bhi pasand nahin karega, sun bhi lega to ise satya nahin manega. isi prakar mahan sant kanban ne apni kanb ramayan men tatha mahakvi kalidas ne apne raghuvansh, kumar sanbhav, shakuntla adi natkon men aise kalpanik prasang likhe hain, jo anyantra nahin milte. is tathya ko sabhi vidvan jante aur mante hain ki koi-koi katha-prasang bhinna-bhinn prakar se varnit hai. adidev bhagvan ganesh ka janm tatha unka agrapujya hona, jaisa ganesh puran men hai, vaisa shivpuran ya anya puranon men nahin hai. unke anek charitron ka varnan bhi sab men ek sa nahin hai, bhinn prakar ka hai. yahi bat sabhi devi-devtaon ke vishay men hai. shri durgadevi ka charitra-varnan shri devi bhagavat aur markandey puran ke antargat shri durgasaptashati men bhinna-bhinn hai. shrimadbhagavat mahappuran men radha shabd ek bar bhi nahin aya, jabki brahmavaivart puran men shriradha maharani ke charitra ki hi visheshta hai. lok-prachlit katha yah hai ki shrikrishn ke sath radha ji ka vivah nahin hua, kintu garg sanhita ke anusar garg muni ne van men donon ka vivah brahmaji ki upasthiti men karaya tha. ab prashn yah ubhrta hai ki is bhinnata ka karan kya hai? iska ek uÿar gosvami tulsidas ne yah kahakar diya hai ki- hari anant hari katha ananta. kahhi sunhin bahu bidh sab santa.. tatparya yah ki bhagvan anant hain aur unki kathaen bhi anant hain. ‘bahubidh’ pad sanket karta hai ki anant kathaon ka kathan ek prakar se hona sanbhav hi nahin hai. unka anek prakaren varnan svabhavik he, trutipurn nahin hai. bhinnata vishayak prashn ka dusra uÿar yah hai ki ganrath-rachiyata rishi-muniyon ne ya mahakviyon ne jaisa anubhav kiya, vaisa varnan kar diya. unhonne is bat ki chinta nahin ki unka varnan purvaliait tatha prachlit vanran ke anukul hai athva usse bhinn hai. unhen unki atma se jo prerna prapt hui, usi ke anusar unki lekhni chali. unhen is siddhant ka gyan thaki jo log antratma ki avaj nahin sunte ya uske disha-nirdesh ke anusar nahin chalte, ve mrityu ke uprant aise lokon men jate hain, jahan surya ka prakash (gyan) nahin hai tatha jo ghor andhkar (agyan) se achchadit hain. un logon ko atmahanta kaha gaya hai. yatha- asurya nam te lokaah andhen tamsavritaah. tanste pretyabhigachchanti ye kechatmahano janaah.. ishavasya upnishad, shlok-3 isilie granthon ke praneta rishi-muniyon ne apni antaprrerna ko adhik mahatva diya, bhinnata ya samanta ko nahin. is sanbandh men vicharniya ek bat aur bhi hai. vah yah hai ki manv-mastishk vartaman sthiti se santusht nahin hota. vah apni kalpana evan vichar-shakti ke dvara apne vishyon ka saundarya nikharta rahta hai. parinam svarup pratyek kala tatha sahitya men kalakram se sanvarddhana-parivarddhan hota rahta hai. yahan tak ki ek hi natak jab anek bar anek sthanon par manchit hota hai, tab sutradhar athva lekhak apni kalpana aur buddhi ke sahare kuch parivartan karke natak ko adhik saras tatha manoranjan banane ki cheshta karta rahta hain jab laukik natak ki yah sthiti hai, tab us divya natak ki bat kya kahi jae, jo adi prakriti, mahamaya, sarveshvari, shriradha maharani dvara anant koti brahmandon men nitya-nirantar kheala jata hai. kathaen multah ek si hoti hain, kintu patron ke achar vichar-vyavhar men thora antar sabhi sthanon par hota hai. atah ek brahmand ki katha dusre brahmand ki katha dusre brahmand se kuch bhinan rup men rahti hai fir bhi kabhi-kabhi unhin srishti-svamini ki ichcha tatha anugrah se mahamaya kisi ek brahmand men anru brahmandon ke kalpana-chitra apni divya tulika se chitrit kar deti hai. us brahmand men ye chitra navin se pratit hote hain. uprokt prakriya ko samjhna atyant dushkar hai, kyonki yah samanya kalpana shakti se pare ki vastu hai. yah daivi krira alaukik tatha kalpanatit hai. fir bhi iska sakshya anek bar parilakshit hota vidit hai. ise yogijan kundlini jagaran athva brajoli mudra ka rasasvadan batate hain jo siddhi avastha men hi prapt kiya ja sakta hai. sthul drishti se yah divya krira nahin dekhi ja sakti, isilie yah mithya athva kori kalpana (gappa) pratit hoti hai. kintu rishi muniyon ne iska pratyaksh darshan kiya hai. rishi ka arth drishta kaha gaya hai, arthat rishi vah hai, jo parmatma ki adrishya lilaon ka darshan karen. atah yah sari daivi krira shashvat evan anubhut satya hai. jaise bhagvan anant hai, vaise hi kal bhagvan ke samy-khand kalp bhi anant hain aur jaise ek brahmand ki daivi lila anya brahmandon se kuch bhinn hoti hai, vaise hi ek kalp ki lila anya kalpon se thori bhinn hoti hai. jis muni ko, jis kalp ki, jaisi lila ka anubhav athva sakshatkar hua, usne us lila ka vaisa varnan kar diya. tab kaun kah sakta hai ki amuk lila amuk prakar se kabhi ghatit nahin hai. aisa kahne ka adhikari vahi hai, jisne samast kalpon ki tatha samast brahmandon ki bhagvt-lilaon ka gyan prapt kar liya ho. aisa hona sarvatha asanbhav hai. sari dharti ke raj gan aur sabhi sagron ke jal-bindu chahe gin lie jaen, kintu hari-charitron ki ganna nitant asanbhav hai- yah ek sthapit satya hai. ved, puran, shesh, sharda tatha munijan bhi hari-lilaon ka par nahine pa sake. aisi sthiti men kisi bhi katha-prasang ko mithya n kahakar yah samajh lena chahie ki yah prasang kisi brahmand men, kisi n kisi kalp men ghatit hua hoga. ramchrit manas ki ye do panktiyan drishtavya hain- kalap bhed hari charit suhae. bhanti anek munisanh gae.. kan-kan men vyapt, sarvantaryami prabhu ne manav ko nij svarup pradan kiya hai. at‘ vah prabhu pratyek lila ko dekhne ya jane ki samathrya rakhta hai. kintu iske lie manushya ko apne svarup men sthit hona anivarya hai. bich men maya ke a jane se vah aisa nahin kar pata. parinam tab yah hota hai ki samast brahmandon ki thore samay purva ki lilaon ka anubhav karna dur raha, apne brahmand ki thore samay purva ki lala dekhne-samjhne men bhi manushya aisa nahin kar saka. kabhi-kabhi akaran karuna karne apne mans-patal parankit karne men safal ho jata hai. fir avkash milne par vah apne anubhvon ka varnan bhi kar deta hai. aise anubhvon ko mithya kahne ka koi adhar nahin hai. prastut lekh-mala men prabhu-kripa prapt aise hi mahapurushon ke alaukik anubhvon ko shabdatmak rup dene ka prayas kiya gaya hai. itna sab kahne ka abhipray yahi hai ki purva ingit sabhi drishti konon se vichar karne ke uprant hi is lekh-mala ke katha prasangon ke satyasatya ka nirnay karna adhik shreyaskar hoga. fir bhi yadi inko kalpana manna hi kisi ka agrah ho, to kalpana shabd ki vyutpaÿia is prakar karni hogi kalpa$n =kalpana, arthat ye prasang is kalp ke nahin hain, kisi anya kalp ke hain. tab inki satyata men koi badha upasthiti nahin honi chahie. t satya katha prastut katha ek aisi jujharu mahila ki hai jinhonne sada apne karya ko prathmikta di aur jivan ke dukh-sukh ki parvah n karte hue auron ki khatir lagatar kam men vyast rahin. samira ka janm ek achche gaur brahman parivar men hua. janm se hi achche sanskar mile. bachapan men bahut mast rahti thin aur parhai men bhi avval hi ati thin. bina kisi vishesh prayas ke unhen embibies men pravesh mil gaya aur unhonne uÿam shreni se use pas kiya. kaelej men hi unka parichay vinay se hua aur unke rajput hote hue bhi unke parivar valon ne unka vivah bina kisi jhijhak ke kar diya. samira ne apna vaivahik jivan puri nishtha se gujara. unke pati jimmedariyon ko nibhane ke prati kafi udasin raha karte the. par samira ne pati ka karÿavya bhi khud hi nibhaya. unhonne chikitsa padadhikari ke pad par bhi puri jimmedari se kam kiya. yah sab karte hue unhen kabhi kisi prakar ka sharirik kasht nahin hua. ritayar hone ke bad vah ‘prayas’ namak sanstha se jur gain aur chikitsa samanvayak ke pad par karya karte hue jagh-jagah shivir lagakar garib bachchon ke bich kam karne lagin. tabhi unki rahu ki dasha shuru ho gai. chunki samira ko bhi jyotish ka gyan hai, unhen kuch n kuch anisht hone ka abhas ho raha tha.