shani bhagvan ka mandir tirunallur karaikal, pandicheri abha bansal bharat pavanasthalon aur mandiron ka desh hai. in pavanasthalon aur mandiron ki apni-apni mahima hai. ye bharat ki sanskriti aur ishvar men nishtha aur astha ke pratik hain. inhin mandiron men ek hai shri shri darbharanyeshvar svami devasthanam. tamilnadu ke samip pandicheri ke karaikal se panch kilomitar ki duri par tirunallur men sthit yah shani ka prachinatam mandir hai. yah ek matra aisa mandir hai, jahan shani ki bhagvan ke rup men puja ki jati hai. yah mandir 2000 varsh purana hai. mandir men sthapit shani ka shrivigrah atyant sundar hai. shani ka yah durlabhatam vigrah unka ashirvad rup hai. is mandir ko shanishvar bhagvan mandir ke nam se bhi jana jata hai. tirunallur bhagvan shani ka pavitra sthal hai. yah kendra shasit pradesh pandicheri ke ek madhyam akar ke urvar aur safsuthre shahar men sthit hai. prachin kal men yah mandir jalmarg se ghira tha. kintu barhte samay ke sath-sath ve jalashay sukh gae aur unhen mitti se bhar diya gaya. aj mandir ke charon or sarken hain. bhaktagan is mandir men mata anbal aur bhagvan shani ke darshan karne ate hain. desh bhar men bhagvan tiyagesar (tyageshvar) ke sat mandir hain. tirunallur unmen se ek hai. tirthon men iska apna alag sthan hai. mandir ke parisar men do sundar, pavitra aur vishal rath hain. ye rath apni bhavya kalatmak nakkashi ke karan prasiddh hain. vishesh utsavon ke avsron par in rathon men bhagvan aur bhagvti ki shobha yatra nikali jati hai. mandir ke prangan men kai akarshak aur naynabhiram gopur tatha mandap hain. inke atirikt brahm, vani, anna, agtiyar (agatyar), nal adi pavitra sarovar hain. inmen nal sarovar sarvadhik pramukh hai. manyata hai ki is sarovar men snan karne se sabhi papon aur kashton se mukti mil jati hai. is sarovar ke samip hi nalkup hai. katha hai ki bhagvan shiv ne apne bhakt raja nal ke lie apne trishul ka upyog kar ganga ko yahan pahunchaya. bhaktagan is kup ki puja karte hain, kintu is par snan karna varjit hai. shraddhalujan mandir men sirhiyon par til ke tel ke dip jalate hain. ye sirhiyan sangamaramar ki bani hain aur dhulai-safai ke karan hamesha saf rahti hain. mandir men roj chah bar puja hoti hai. shanivar ko vishesh archana ka ayojan kiya jata hai. shani bhagvan ke darshan ko ane vale bhaktagan til ke tel ke dip jalate hain aur prarthana karte hain. shani (shani bhagvan) ke rashi- parivartan ke avasar par vishesh puja vishisht dhang se ki jati hai. manyata hai ki is avasar par shani ki puja karne se unke ashubh prabhavon men kami aur shubh prabhavon men vriddhi hoti hai. yahi karan hai ki shani ke rashi-parivartan ke samay lakhon ki sankhya men bhaktagan yahan puja archana karne yahan ate hain. yahan sthit mukhya mandir bhagvan shiv ka hai jismen sthit shivling panna ratn ka hai. mukhya mandir shiv ka hai, lekin shani ka sthal adhik lokapriya ho gaya hai. iska mukhya karan yah manyata hai ki shani ki upasna karne se shani bhagvan prasann hokar jivan se sabhi kathinaiyon v taklifon ko dur kar dete hain. yah sthan dakshin bharat men prasiddh hai kintu durasth hone ke karan uttar bharat ke bahut kam log ise jante hain. iska ek karan yah bhi ho sakta hai ki samachar madhyamon ne ab tak iska koi vishesh prachar prasar nahin kiya hai. is mandir ki yatra utni kathin nahin hai jitni pratit hoti hai. atah shani bhagvan ki kripa v ashirvad prapt karne ke lie har vyakti yatn aur prayatnapurvak yahan jae to avashya hi unka ashirvad prapt hoga. shani navagrahon men se ek hai aur aisa mana jata hai ki shani jivan men samasyaen aur badhaen utpann karta hai. shani ke ek rashi men dhai varsh ke gochar ki avdhi men yahan par shanipeyarchi utsav manaya jata hai, jismen samast bharatavarsh se lakhon ki sankhya men shraddhalujan bhag lete hain. tirunallur ka vastavik nam darbharanya hai jiska shabdik arth hai kush ka jangal. pauranik kathaon ke anusar brahm tatha anya rishiyon ne yahan bhagvan shiv ki aradhna ki thi aur bhagvan ne unhen darshan dekar tatha ved parhakar ek ling ka rup le liya. brahma ne devshilpi se agrah kar is sthan par ek mandir sthapit karaya tatha iska nam adhipuri bhi rakha. yah prasiddh saptavidangar mandiron men se ek hai. katha hai ki sant tirugyansambadar ne madurai men shastrarth men jain acharyon ko parast kiya. unhonne tirunallur ki aradhna men likhi kavita ke chandon ko agni men dal diya lekin agni ne un chandon ko jalaya nahin. tirunallur ek matra sthal hai jahan par shani ki vishesh mahima hai. puranon ke anusar manyata hai ki raja nal ko yahan shani ke kop se mukti mili thi tatha shani ke prasann hone par raja nal ne unse yah vardan prapt kiya tha ki jo vyakti yahan akar raja nal ki kahani sunega aur shani ki puja karega use shani kasht nahin pahunchaenge. shanibhgvan ki katha: rishi machichi ke putra kashyap aur kashyap ke putra surya bhagvan hain. vishvakarma ki putri samigna ka vivah surya bhagvan se hua. vah surya ki kirnon ki ushnata ko sah nahin pain. islie unhonne (samigna) apni parchain se chayadevi nam ki ek ek dusri stri ko utpann kiya. ab chayadevi surya dev ke sath rahne lagin. surya bhagvan aur chaya devi ke do putra v ek putri hui. pratham putra ka nam savarni shani mandir men homam (havn) karne ke lie agrim buking hetu devasthanam ke karyakari padadhikari se fon nan. (04368) 236530 aur i-mel:
ekenasa/dapabanpad par sanpark kiya ja sakta hai. manu tatha dvitiya ka shani bhagvan hai. unki tisri santan ka nam patra hai. shani bhagvan ke kop se amatair par sabhi log ghabrate hain. inhen sarvadhik papi grah ki sangya di jati hai. lekin vastav men shri shri shani bhagvan utne krur nahin hain. vastutah shani ek udar grah hain aur un logon par apni vishesh kripa rakhte hain jo unki aradhna karte hain. shani bhagvan ka rang kala hai. vah kale vastra dharan karte hain. vah chaku aur dhanush dharan karte hain.unka vahan kaua hai. kaise jaen kahan thahren: yah mandir madras se lagabhag 300 kimi. ki duri par hai jahan bas ya taiksi ke dvara jaya ja sakta hai. mandir ke aspas thahrne ke lie hotal hain. inke atirikt vishramgrih bhi hain jahan prati vyakti 10 rupye ke shulk par thahrne ki vyavastha hai.
Kya aapko lekh pasand aaya?
Subscribe