nyay ke svami shani pan. mahesh chandra bhatt shani ko nyay ka svami mana gaya hai. suryaputra shani ke prakop ke bhay se manushya to kya, devta bhi kanpte hain. iski drishti parne se hi parvati ke putra ganesh ka sir dhar se alag ho gaya. iski vakra drishti parne se hi lanka jalakar rakh ho gai. shani grah ke fal anya sabhi grahon ki apeksha adhik samay tak prabhavi rahte hain. inka karan hai shani ka mand gati se vicharan karna. dhimi chal chalne ke karan hi iska nam shanaishchar para hai. vrishabh, tula, mithun, makar, aur kunbh rashiyon men yah grah shubh aur sinh tatha vrishchik rashiyon men ashubh mana jata hai. shani ki drishti maha vinashkari hoti hai. kintu yadi shani anukul ho to sansar men aisa kuch bhi nahin jo prapt n kiya ja sake. shani jis bhav ko dekhta hai uske fal ko nasht kar deta hai. yahi karan hai ki logon ke man men uski vakra drishti ko lekar bhay rahta hai. shani sthan ki vriddhi karta hai. isilie shani ka baithna utna ashubh nahin hota jitni uski drishti. jyotish men makan, dhan-sanpÿia, mrityu, ayu, mukdma, hani, santosh, chori, vat rog adi ka vichar shani ki sthiti ke adhar par kiya jata hai. shani yadi shubh rashi ya bhav men sthit ho to jatak ka kalyan aur yadi ashubh rashi ya bhav men sthit ho to hani karta hai. shani ke shubh prabhav se yukt jatak ko mashinri, karkhane, faiktri, chamre, siment, lakri, lohe, tel, transport adi ke kamon men achchi saflta milti hai. iske viprit shani ke ashubh prabhav se pirit jatak ko pair ki bimariyan, dhan-sanpÿia ki chori yahan tak ki jel jane ki sanbhavna rahti hai. use ek hi samay men kai musibten gher leti hanai. sita mata ki khoj ke kram men jab hanuman ji lanka gae aur lanka ko jala dala to shanidev ko ek jagah jvalaane se ghire rudan karte hue paya. unke karun shabd jab hanuman ji ke kanon men pare, tab unhonne unse pucha- ‘‘tum kaun ho?’’ shanidev ne uÿar diya- ‘‘bhagavan! main shani hun aur akal mrityu ka gras ban raha hun. kripya meri raksha karen.’’ hanuman ji ne shanidev ke bandhan tor die aur unhen ravan ki kaid se mukt kar diya. shanidev ne kaha- ‘‘he mahavir! main apka sada hi rini rahunga.’’ vinit bhav se unhonne shri hanuman ji ke pair pakar lie aur premashru girane lage. fir unhonne hanuman ji ko vachan diya ki vah unke bhakton ko kabhi pira nahin pahunchaenge, balki sankat se unki raksha karenge. atah jo log hanuman ji ki bhakti shraddhapurvak karte hain, achche karm karte hain, shanidev unki manokamna puri karte hain.
Kya aapko lekh pasand aaya?
Subscribe