kanvar yatra chahe purn samarpan shri gangajal se bhagvan shiv ka abhishek nishchay hi sarvashreshth mana jata hai. tabhi to samanyatah shravan mas ke aranbh hote hi shiv bhakt apne kandhe par kanvar rakhakar ek lanbi yatra par nikal jate hain aur haridvar adi pavan tirthon se gangajal lakar shravan mas ki shivratri men shivling ka abhishek karte hain. parantu bhagvan shiv ki prasannata v kripa prapt karne ke liye milon paidal chalakar ane ka jivat hi paryapt nahin hai balki bhagvan ki prasannata prapti ke liye us ke piche jo mul vastu chipi hai vah to hai bas hamara unke prati prem aur sanpurn samarpan bhav jiske bina shiv bhav v shivmyta ka ranchmatra bhi abhas nahin hota. atah yadi vastav men ham bhagvan shiv ko prasann karna chahte hain to kanvar yatra ke dauran hamen purn satvik bhavna aur shuddh satvik vichar rakhne chahiye tatha pratidin sankalp karna chahiye ki main krodh, ahankar, asatya se pare rahunga, pratyek pran aimatra ka samman karunga aur sabhi men shivrup ke darshan karunga aur bhagvan shiv ke prati purn priti aur samarpan ke sath yatra puri karunga. aisi bhavna ke sath kanvriyan yadi ganga jal lakar bhagvan shiv ka abhishek karenge to nishchit hi bhagvan ashutosh sadaiv sarvavidh kalyan karenge.
Kya aapko lekh pasand aaya?
Subscribe