mahadev prasann ho jate hain bam-bam bol se niraj sharma trilokinath, trikal drishta, trinetra, ashutosh, avdhrdani, jagtpita shiv adi anek namon se ham bhagvan mahadev ko pukarte hain mahapralay ke samay bhagvan shiv hi apne tisre netra se srishti ka sanhar karte hain parantu jagtpita hokar bhi bhagvan shiv param saral v shighrata se prasann hone vale hain. sampurn vishva ki manokamna ko purn karne vale bhagvan shiv ko svayan ke lie n aishvaryashali sthan ki avashyakta hai n anya padarthon ki. ve to kailash-shikhron men prakriti ke madhya hi nivaste hain. kandamul hi jinhen priya hain aur jo matra jal se hi prasann ho jate hain. jahan anya devon ko prasann karne ke lie kathin anushthan puja-path karni hoti hai vahin bhagvan mahadev keval jalabhishek se hi prasann hote hain. keval bilvapatra arpan karne matra se ashirvad pradan karte hain vaise sabhi samay mahadev ki puja kalyankari hoti hi hai parantu varshabhar men shravan mas men mahadev ki upasna ka vishesh mahatva hai. isi lie shravan mas men mahadev ke bhagat kavriyan kanvar lekar haridvar se gangajal lekar pad-yatra karte hue mahadev ko prasann karne ke lie gangajal se unka abhishek karte hain aur isi pad-yatra ke dauran sabhi bhakt bam-bam ka jaykara lagate hue milon paidal chalte hain. kanvriyon ke dvara uchcharit yah bam shabd bahut gudh mahatva rakhta hai jismen shiv aur shakti donon ka samavesh hai jinmen sampurn srishti nivas karti hai. vastav men bam shabd ko amrit bij kaha gaya hai. yah amrit bij hai aur is do akshar ke bijakshar ke uchcharan se mahadev shighra hi prasann ho jate hain aur bhakton ko vardan aur ashirvad pradan karte hain. jahan mahadev ko prasann karne ke lie anya kathin mantra adi kiye jate hain vahin is chote se bijakshar bam ka apna vishesh v atulya mahatva hai jiske uchcharan matra se kanvriyon ko vah shakti v kshamata prapt hoti hai ki ve milane lanbi duri ko bari sarlta se purn kar lete hain. is bam shabd ka jap rog mukti pradata v mrityu tulya kasht ko talne vala hai aur apki sharirik v mansik vikritiyon ki karne vala hai yadi ap kisi bhi karan mahamrityunjay jap n kar payen, to rudraksh ki mala se samathrya anusar bam-bam-bam-bam ka jap karen. yadi shraddhapurvak jap karen to nishchay hi mahadev prasann honge aur apko achcha svasthya arai samrii ddh padra an karenge. shravan mas men bhi shivling ka abhishke karen aur bam-bam japen, mahadev kalyan karenge.
Kya aapko lekh pasand aaya?
Subscribe