videshon men shivling puja panditavarya shrikashinathji shastri bhartiyon men anadikal sertiyon men anadikal se ab tak shivling puja chali a rahi hai- yah to pratyaksh hi hai. dvadash jyotirling tatha asankhya shivlingon ki puja archana ka kshetra hai bharat. pashchatya deshon men bhi kai prachin shivalyon ke hone ka pata laga hai, jisse anuman hota hai ki isai-mat ke prachar ke purva un deshon men bhi shiv-sthan nirman kiye jate rahe honge. kisi-kisi ko is bat se ashcharya ho sakta hai. parantu yah ashcharya ka karan nahin hai kyonki jin shiv ne is prithvi ke saptadvipon tatha nav khandon ko janm diya hai unka sanbandh un samast khandon ke sath hona bilkul svabhavik hai. isapurva men pashchatya deshon men prayah sabhi jatiyon men kisi n kisi rup men ling puja sarvatra prachlit thi. rom aur yunan men kramshah dibhepaksh aur falluru ke nam se lingarchan hota tha. puja ka vidhan hinduon ke saman hi tha. misra men falgun mas men vasantotsav ke saman shivlingarchan samaroh hota tha. isi prakar ka lingarchan sare pashchimi deshon men tha. prachin chin aur japani sahitya men bhi lingpuja ke praman milte hain. amerika ke mahadvipon ke prachin nivasi bhi lingpujak the. ‘shivnirmalyaratnakr’ namak granth ki prastavna men frenchdeshiya luds sahab ke granth ke adhar par videshon men shivlingon ke hone ka ullekh kiya gaya hai. vah likhte hain ki uttara-afrika khand ke ‘ijipta’ prant men, ‘mefis’ aur ‘ashiris’ namak kshetron men nandi par virajman, trishulahast evan vyaghracharmambaradhari shivki anek murtiyan hain, jinka vahan ke log belapatra se pujan aur dudh se abhishek karte hain. turkistan ke ‘babiln’ nagar men ek hajar do sau fut ka ek mahaling hai. prithvibhar men itna bara shivling aur kahin nahin dekhne men aya. isi prakar ‘hedraepolis’ nagar men ek vishal shivalay hai, jismen tin sau fut ka shivling hai. muslmanon ke tirth makka sharif men bhi ‘makeshvar’ namak shivling ka hona shivlila hi kahni paregi. muhammad sahab ke pradurbhav se purva tatha unke samay men bhi arab men lat namak devta ki ling ke rup men upasna ki jati thi. vahan kaba men sthit sange asavad makkeshvar ling hai. muhammad sahab se purva ijrayli aur yahudilog uski puja karte the. unke samay men iski puja char kulon ke pande kiya karte the. bad men mohammad sahab ke adesh se us ling ko uske vartaman sthan par lakar sthapit kiya gaya. ajakal iska archan jal se nahin hota lekin jo bhi muslman haj karne jate hain, is ling rup ka charn-chunban avashya karte hain. vahan ke ‘jamajam’ namak kuen men bhi ek shivling hai jiski puja khajur ki pattiyon se hoti hai. amerikakhand ke brejil-desh men bahut se shivling milenge jo atyant prachin hain. yurop ke ‘kerintha’ nagar men to parvati-mandir bhi paya jata hai. itli ke kitne hi isai log ab tak shivlingon ki puja karte aye hain. skaetlaind (glasgo) men ek svarnachchadit shivling hai jiski puja vahan ke log bari bhakti se karte hain. ‘fijiyan’ ke ‘etis’ ya ‘niniva’ nagar men ‘eshir’ namak shivling hai. yahudiyon ke desh men bhi shivling bahut hain. isi prakar afridistan, chitral, kabul, balkh-bukhara adi sthalon men bahut se shivling hain, jinhen vahan ke log ‘panchsher’ aur ‘panchvir’ namon se pukarte hain. french-rajyadhin anam-desh men anek shiv mandir milte hain. yah anam indochaina men hai. ise prachinkal men ‘champa’ kahte the. us desh ke sabhi prachin raja shivabhakt hi the. bharat ke virshaivon men bhi vaise ‘shivabhaktashikhamni’ ajakal dekhne me nahin ate. kisi kal men us desh ka ‘mison khera’ is sanbandh men kashi ki samanta kar sakta tha. vahan ke sundar shiv-mandir tatha unke vishal shilalekh is bat ki sakshi dete hain ki shivabhakti ki itni unnati bharatavarsh men shayad hi kabhi hui ho. ‘misen gram ke ek shilalekh men likha hai ki bhadravarma namak maharaja ne ‘bhadreshvar’ shivling ki sthapna ki aur uske bhog-rag ke liye mahaparvat aur mahandiyon ke bich ke ‘sulh’ aur ‘kuchk’ namak sthal bhent men charhaye. yah lekh i. saki panchvin shatabdi ka hai! kalantar men ‘bhadreshvar’ ka mandir nasht ho jane par kisi rudravarma ke putra shambhubhadra varma namak raja ne ‘shambhubhadreshvar’ mahadev ki sthapna ki. champadesh (anam) ke shivlingon ke andar is ‘bhadreshvar’ ka ek mukhya sthan hone par bhi vahan isse bhi adhik prachin shivling virajman hain. ek ‘mukhling’ mahadev ati prachin hai. aj se ath lakh tirasath hajar ek sau teis varsh purva vichitrasagar namak maharaja ne is ling ki sthapna ki thi. ‘lingapratishtha’ ki itni prachinta bhi kahin nahin payi jayegi. champa desh ke itihas ko dekhne se yah pata chalta hai ki yah desh prachinkal men shivlingamay tha. vahan ki kai murtiyon se aisa bhi pratit hota hai ki vahan ke log shivji ki puja lingakar aur manushyakar men bhi karte the. adhik sankhya lingakaron ki hi hai. vahan lingpith chaikor aur gol hain. ban (ling) bhi bahut sundar hain. kuch devalyon men sat-sat ling tak sthapit kiye gaye hain. kuch raja log lingon ke mukh apne chehre ki akriti ke anurup bhi banvakar ‘mukhling’ nam se sthapit karte the. ‘trakya gram men shivji ki ek manushyakar murti mili hai. yah sarpaveshtit aur jatajutdhari khare hue shiv ki hai. ‘yanmum’ gram men ek murti trinetra aur trishulpani baithe hue shivki hai. ‘dranlay’ gram men nandivahnmurti virajti hai. apne desh ki bhanti vahan bhi pratyek shivmandir ke samne nandi sthapit hai. kuch jaghon men tandveshvar murtiyan bhi dekhi gayi hain. frenchon ke adhinasth ‘kambodiya’ men bhi shivling virajman hain. is desh ka prachin nam ‘kamboj’ malum parta hai. itihasaprasiddh ‘java’ aur ‘sumatra’ dvipon men, jinka prachin nam kramshah ‘yab’ aur ‘suvarnadvip’ tha, anek shivling hain. halaind ke laidan yunivarsiti ke profesar dae en. jekrom namak mahoday ne dach bhasha ki ek sachitra pustak prakashit ki hai, jiska nam hai ‘yavadvip ki prachin shilpakala’ jismen anek shiv lingon ka ullekh hai. javadvip ke bich ‘pranbanan’ nagar ke samip ‘larajongrang’ nam shivmandir hai. vahan iski vari prasiddhi hai. is mandir men manushyakar mahadevji khare hai. bharat ke parausi desh nepal men bhi pashupti nath mandir sthit svayanbhu ling bhi vishvavikhyat shivarchan sthal hai. panataran namak gram men bhi ek bhari shivalay hai. us desh ke anek bhagon men bahut se shivalay hain, jo ajakal jirnavastha men pare hain. frans men bhi anek prasiddh sthanon par ab tak shiv ling dekhne men ate hain yadyapi ab unki vidhivat puja-archana nahin hoti. amerika mahadvip men peruviya namak sthan ke prachin nivasi yadyapi suryavanshi the lekin ve shibru arthat shiv nam se apne aradhya ki archana karte the. bhumandal ke sabhi pranton men shivalyon ko dekhakar yah kahne men kisi ko sankoch n hoga ki shivling mahima vilakshan hai.
Kya aapko lekh pasand aaya?
Subscribe