shivpujan aur kanvar yatra ki pauranikta rashmi chaidhar kanvar yatra evan shivpujan (visheshakar shivling pujn) ka adikal se hi anyonyashrit sanbandh hai. is sandarbh men sarvapratham yah janna ati avashyak hai ki maheshvar shiv ji ka yah ling-rup itna mahimamay tatha punyatmak kyon mana gaya hai tatha iski pauranikta ka adhar kya hai? ling svarup shiv tatva ka varnan ling puran men is prakar kiya gaya hai - ‘‘nirgun nirakar brahm shiv hi ling ke mul karan tatha svayan ling-rup bhi hain. shabd, sparsh, rup, ras, gandh adi se rahit agun, aling (nirgun) tatva ko hi shiv kaha gaya hai tatha shabd, sparsh, rup, ras, gandhadi se sanyukt pradhan prakriti ko hi uttam ling kaha gaya hai.’’ vah jagat ka utpatti sthan hai. panch bhutatmak arthat- prithvi, jal, tej, akash vayu se yukt hain, sthul hai. sukshm hai, jagat ka vigrah hai tatha ling tatva nirgun parmatma shiv se svayan utpann hua hai. pradhan prakriti hi sadashiv ke ashray ko prapt karke brahmand men sarvatra chaturmukh brahma, shiv aur vishnu ka srijan karti hai. is srishti ki rachna, palan tatha sanhar karne vale ve hi ekmatra maheshvar hain. ve hi maheshvarakrampurvak tin rupon men hokar srishti karte samay rajogun se yukt rahte hain. palan ki sthiti men satvagun men sthit rahte hain, tatha pralay kal men tamogun se avisht rahte hain. ve hi bhagvan shiv praniyon ke srishtikarta, palak tatha sanharta hain. brahma tatha vishnu ke samaksh jyotirmay mahaling ka prakatya: ling ki utpatti kis prakar hui, ling kya hai tatha ling men shankar ji ki upasna kis prakar karni chahiye, is sanbandh men shri ling puran men ek prasang aya hai ki pralay ke upasthit ho jane par charon or samudra hi samudra vyapt ho gaya tatha ghor andhkar cha gaya. us samay satvagun se yukt sarvavyapi, sarvatma narayan jal ke madhya men kamal par shayan kar rahe the. usi samay unki maya se mohit hokar brahma ji ne krodhpurvak unke prati kathor vani ka prayog kiya. bhagvan vishnu ne bhi pratyuttar men svamhima ka varnan kiya. usi samay brahma tatha vishnu ke parasparik kalah ko dur karne tatha gyan pradan karne ke nimitt us pralay sagar men ek diptiman ling un donon devtaon ke samaksh prakat hua. ‘‘vah ling hajaron agni jvalaon se vyapt, kshay tatha vriddhi se rahit, adi, madhya tatha ant se hin, atulniya, avarnaniya, avyakt tatha vishva ka srishtikarta rup tha. us ling ki hajaron rashmiyon se brahma tatha vishnu donon hi mohit hea gaye tatha ling ke adi, madhya aur ant ka pata lagane ke liye bhagvan vishnu us anupam agni stanbh ke niche ki or tatha brahma ji shighra hi hans ka rup dharan kar uske upar ki or chale. kintu atyadhik prayatn karne par bhi ve donon devagan us ling ka spasht svarup n jan sake. usi samay unhen ‘un-un’ aisa spasht shabdarup nad sunai para, usi ekakshar pranav ‘un’ se akar sangyaka-bhagavan brahma, ukar sangyak param karan svarup-vishnu tatha makar sangyak parmeshvar nilohit ka punah pradurbhav hua. is vedvakya se shiv ko yathavat janakar vishnu tatha brahma donon vaidik mantron se deveshvar mahadev ki stuti karne lage. un donon ke stavan se prasann hokar mahadev divya shabdamay rup dharan kar prasann mudra men us ling men prakat ho gaye. bhagvan vishnu ne punah unhen pranam karke upar ki or dekha. tab unhen onkar se utpann budvivivardhak tatha sabhi purusharthen ko siddh karne vale atyant shubhra sfatik kalp ‘38’ aksharon vale ishadi tatha 24 aksharon se yukt gayatri adi panch pavitra mantra drishtigochar huye. in panchon mantron ko prapt kar bhagvan vishnu ne punah srishti-paln-sanharakarta mahadev ka abhisht mantron se stavan aranbh kar diya. usi samay se shiv ling pujan ki prasiddhi vyapt ho gai. samagra jagat ko apne men lay karne ke karan yah ling kaha gaya. ling vedi ke rup men parvati tatha ling rup men sakshat maheshvar pratishthit rahte hain. tadaprabhriti lokeshu lingarcha supratishthita. lingvedi mahadevi ling sakshat maheshvarah .. ‘‘ling rup ki isi pauranik mahatta evan tarkikta ko svikar karte huye hi kadachit kanvar yatra ka sanbandh bhi shivpuja se jora gaya. pauranik manyata ke anusar (jal) nadiyon men shreshth tarangini gangaji ka vas-shiv ji ki jataon men mana gaya hai. arthat shiv aur jal ka bhi abhinn sanbandh hai. atah tarkik rup se bhi dhire-dhire yah svikar kiya jane laga ki abhisht ki siddhi hetu evan manokamnaon ki purti ke uprant pavitra tirthon se gangajal lakar shivling ka abhishek karna param kalyankari evan mangalamay hai. isi pavitra bhavna ko man men rakhte huye shiv bhakt devadhidev mahadev ko prasann karne ke liye, manokamnaon ki purti hetu tatha daihik, daivik, bhautik tapon ki shanti ke liye pavitra kalshon men jal bhar kar shivling par arpit karte hain tatha unke vidhivat pujan ke dvara apna kalyan karte hain. kal ke anant antral men shivling ki puja brahma, vishnu adi sabhi devtaon, aishvaryashali rajaon, anushthanon tatha munignon ne ki hai. bhagvan vishnu ne (ramavtar) men sena sahit ravan ka sanhar karke samudra tat par shivling ki sthapna ki thi. samast lok lingamay hai aur sabhi ling men hi sthit hain. atah yadi shashvat paramapad prapti ki ichcha ke sath-sath apne kalyan ki kamna ho to, aise manushyon ko sarvarup men sthit shiv-parvati ka smaran karte huye shivling ka pujan a evan abhishek avashya karna chahie.
Kya aapko lekh pasand aaya?
Subscribe