tara mahavidya sadhna dae. anil shekhar, durg tantra men das mahavidyaon ko shakti ke das pradhan svarupon ke rup men pratishthit kiya gaya hai. ye das mahavidyaen hain: kali, tara, shodshi, chinnamasta, baglamukhi, tripurbhairvi, matangi, dhumavti, bhuvneshvari tatha kamla. mahavidyaon ko do kulon men banta gaya hai: pahla kali kul tatha dusra shri kul. kali kul ki pramukh mahavidya hai tara. is sadhna se jahan ek or arthik samriddhi ka marg prashast hota hai, vahin gyan tatha vidya ka vikas bhi hota hai. is mahavidya ke sadhkon men jahan maharshi vashishth jaise prachin sadhak rahe hain, vahin vama khepa jaise sadhak vartaman yug men bangal prant men ho chuke hain. vishva prasiddh tantrik tatha lekhak gopinath kaviraj ke adrniya gurudev svami vishuddhanand ji tara sadhak the. is sadhna ke bal par unhonne apni nabhi se kamal ki utpatti kar ke dikhaya tha. tibbat ko sadhnaon ka garh mana jata hai. tibbati lamaon, ya guruon ke pas sadhnaon ki a it iv ish a sh t tatha durlabh vidhiyan aj bhi maujud hain. it b b t i sadhnaon ke sarvashreshth hone ke piche bhi unki aradhya devi manipadma ka hi ashirvad hai. manipadma tara ka hi tibbati nam hai. isi sadhna ke bal par vah asamanya tatha asanbhav lagne vali kriyaon ko bhi karne men safal ho pate hain. tara mahavidya sadhna sabse kathor sadhnaon men se ek hai. is sadhna men kisi prakar ke niyamon men shithilta svikarya nahin hoti. is vidya ke tin rup mane gaye hain: 1. nil sarasvati 2. ek jata 3. ugra tara. nil sarasvati tara sadhna tara ke nil sarasvati svarup ki sadhna vidya prapti tatha gyan ki purnata ke liye sarvashreshth hai. is sadhna ki purnata sadhak ko jahan gyan ke kshetra men advitiya banati hai, vahin sadhak ko svayan men kavitva shakti bhi pradan kar deti hai, arthat vah kavita, ya lekhan ki kshamata bhi prapt kar leta hai. is sadhna se nishchit rup se mansik kshamata ka vikas hota hai. yadi ise niyamit rup se kiya jae, to vidyarthiyon ke lie atyant labhaprad hoti hai. nil sarasvati bij mantra ‘ain’ ah yah bij mantra chota hai, islie karne men asan hota hai. jis prakar ek chota sa bij apne apmen sanpurn vriksh samete hue hota hai, thik usi prakar yah chota sa bij mantra tara ke pure svarup ko samete hue hai. sadhna vidhi is mantra ka jap nav ratri men karna sarvashreshth hota hai. apne samathrya ke anusar 108 bar kam se kam tatha adhikatam tin ghante tak nitya jap karen. kanse ki thali men kesar se uparyukt bij mantra ko likhen. ab is mantra ke charon or char chaval ke ate se bane dipak ghi se jala kar rakhen. charon diyon ki lau ain bij ki taraf honi chahie. kunkum, ya kesar se charon dipak tatha bij mantra ko gherte hue ek gola thali ke andar bana len. yah likha hua sadhna ke akhiri din tak kam aega. dipak roj naya bana kar lagana hoga. sarvapratham hath jor kar dhyan karenah nilavarnan trinynan brahmashaktisamanvitam. kavitva-buddhi- pradayinin nilasarasvati pranmamyaham.. hath men jal le kar sankalp karen ki man apko buddhi pradan karen. ain bij ko dekhte hue jap karen. pura jap ho jane ke bad trutiyon ke lie kshama mange. sadhna kal men brahmacharya ka palan karen. kam se kam batchit karen aur kisi par krodh n karen. kisi stri ka apman n karen. safed rang ke vastra dharan karen. buddhi ki adhishthatri devi sarasvati ki yah tantrik sadhna hai. pure vishvas tatha shraddha se karne par tara nishchit rup se abhishth siddhi pradan karti hai.
Kya aapko lekh pasand aaya?
Subscribe