parhai men man ki ekagrata hetu saral, chamatkari tips apne adhyayan kaksh men man sarasvati ka chota sa chitra lagaen v parhne ke lie baithne se purva uske samaksh kapur ka dipak jalaen athva tin agarabatti hath jor kar jalaen, prarthana karen v parhai shuru karen. ek thali men kesar men gangajal milakar bani syahi se svastik chihn banaen. us par naivedya charhaen. samne shuddh ghi ka dipak jala kar rakhen. upar varnit kisi stotra (sanskrit athva hindi) se man sarasvati ki stuti karen. iske bad thali men jal milakar gilas men dalakar pi len. aisa karne se shiksha ke kshetra men purn unnati hoti hai. adhyayan kaksh ke dvar ke bahar adhik prakash dene vala balb lagaen use sham hote hi jal den. vidyarthi apni mej par glob rakhen aur din men tin bar use ghumaen. parikshaon se panch din purva se bachchon ko mitha dahi niyamit rup se den. usmen samay parivartan karen. yadi ek din subah 8 baje dahi diya hai to agle din 9 baje, uske agle din 10 baje, uske agle din 11 baje den. is kriya ko dohrate rahen aur pratidin ek ghanta barhate rahen. parhte samay vidyarthi ka munh purva athva uttar disha men hona chahie. pashchim ki thos divar ki or pith karke baithna chahie. kanpyutar agney kon men (dakshin-purva) tatha pustakon ki almari nairriratya kon (dakshin-pashchim) men rakhen. almari khuli n rakhen. us par darvaja n ho to parda avashya lagaen. ek kristal bael athva kristal ka shriyantra lakar apne adhyayan kaksh men rakh len. yah nakaratmak urja ko sokh leta hai. vidyarthi subah uthte hi ‘‘¬ ain hrin sarasvatyai namah’’ ka 21 bar jap karen. jo bachche parhte samay shighra sone lagte hain, athva man bhatkne ke karan adhyayan nahin kar pate unke adhyayan kaksh men hare rang ke parde lagaen. jin bachchon ki smaran shakti kamjor ho, unhen tulsi ke 11 patton ka ras mishri ke sath niyamit rup se den.
Kya aapko lekh pasand aaya?
Subscribe