vidyarthiyon ke lie pariksha ka samay pas a raha hai aur pariksha pas ate hi vidyarthiyon ko uska bhay satane lagta hai. parhai men man nahin lagna, path yad n hona, pustak khuli hone par bhi man ka parhai men ekagrachitt n hona, rat ko der tak nind n ana ya madhya ratri men nind uchat jana adi pariksha ke bhay ke lakshan hanai.
pariksha parhai ka keval ek mapak hai, yah vidyarthi ke gyan ka akalan matra hai. vyakti ke jivan men utar charhav ya labh-hani iske dvara nirdharit nahin hote. kisi bhi pariksha men safal hone ke lie kuch sutra hote hain. in sutron ko jan lene, samajh lene aur unke upyog karne se achchi saflta sahjta se prapt ho sakti hai. pariksha ke bhay se mukti ke lie nimnalikhit sutra labhdayak siddh ho sakte hain-
- pathyakram ki taiyari pariksha men sanbhavit prashnon ke anusar hi karni chahie. atah pichle varshon ke pariksha patron ka abhyas bhi uprokt sutron men se ek sutra hai.
- pathyakram brihat hone ke karan yah sanbhav nahin hota ki pariksha ke samay pure pathyakram ko dohraya ja sake ya uska abhyas kiya ja sake. atah mahatvapurn pathyakram ke laghupatrak bana lene chahie. pariksha ke samay unka upyog samay ki bachat kara sakta hai.
- sabse pahle kramse adhik mahatvapurn bhagon ko nirdharit kar len. keval mahatvapurn anshon ka adhyayan karen aur samay bachne par hi anya anshon ki parhai karen.
- jab pariksha ke bhay ke karan pariksha men man lagna bilkul band ho jae, to us samay keval ek mahatvapurn path ya prashn par apna dhyan kendrit karen. use puri tarah se samajh kar yad kar len. ek prashn taiyar hone ke bad man svatah hi dusre prashn men lagne lagega.
- parhai men man nahin lagne ka ek karan hota hai samay ka abhav aur pathyakram ka vistrit hona. aise men yadi pathyakram ka vibhajan kar mukhya bhag ki taiyar kar len to 80 pratishat tak ki taiyari 50 pratishat samay men ho jati hai. yadi is mukhya bhag par koshish kar achchi taiyari kar li jae to adhik ank prapt kie ja sakte hain.
- jyotishanusar shani ki sarhesati aur dhaiya bhi parhne men aruchi paida kar deti hanai. atah kisi gyani pandit dvara vidyarthi ki patri ko parhvakar uske upay karna uchit rahta hai. iske lie sarson ke tel ka chaya dan ya shani ki vastuon ka dan labhdayak hota hai. shani ke mantron ka jap v shani mandir ke darshan man ko ekagrachitt karte hain.
- man ko ekagrachitt karne ke lie pranayam atyant prabhavshali paya gaya hai. isse sharir ke andar ki ashuddh vayu bahar nikal jati hai aur svachch vayu sharir ke snayuon ko punah kriyanvit v urjit kar deti hai. isse sharir men shakti v sfurti paida hoti hai aur man ekagra ho jata hai. iske lie ek samay men keval 5 se 10 bar sans lene aur chorne ki prakriya ko puri karen. parikshaon ke samay 5 se 10 bar tak apne parhne ke sthan par hi pranayam kar lena labhdayak hota hai.
- sarasvati yantra ki sthapna aur sarasvati mantra ka jap bhi pariksha men uttam ank prapt karne ke lie labhaprad hai.
-
.. un ain hrin klin sarasvatyai namah ..
- nimn devi ke mantra ka jap vidya prapti ke lie atyant uttam hai.
-
ya devi sarvabhuteshu vidyarupen sansthita .
namastasyai namastasyai namastasyai namo namah ..
- gayatri mantra ka jap rudraksh v sfatik mishrit mala par karna shreyaskar hai.
-
un bhurbhuvah svah tatsaviturvarenyam .
bhargo devasya dhimhi dhiyo yo nah prachodyat..
- sarasvati mantra sahit sarasvati laeket budhvar ko dharan karen.
- char mukhi aur chah mukhi rudraksh yukt panne ka trishakti kavach parhai men dhyan kendrit karne men atyant labhdayak labhaprad hai.
- budhvar ko ganesh ji ko ladduon ka bhog lagaen.
- parhai ke kamre men man sarasvati ka chitra lagakar rakhen.
- parhte samay apna mukh purva ya ishan ki or rakhen. isse man ekagra rahega.
- sote samay apne pair uttar v sir dakshin disha men rakhen. isse nind gahri aegi aur pratah kal taja v urjavan mahsus karenge.
pariksha ke samay pariksha ki taiyari to avashya karen lekin kitne ank prapt honge is par vichar nahin karna chahie kyonki fal ki asakti hi manushya ko kamjor banati hai. dusre, ham yadi ane vale ankon par vichar bhi karenge to isse ankon men barhotri to hogi nahin, balki soch ke karan man n lagne se ank kam avashya ho sakte hain. atah sada yad rakhen:
karmanyevadhikaraste ma faleshu kadachan.– gita