vidya aur buddhi ke yog  

vidya aur buddhi ke yog abha bansal jya tish shastra men chaturth sthan se vidya ka aur pancham se buddhi ka vichar kiya jata hai. uchch shiksha evan vidya janit yash ka vichar dasham bhav se kiya jata hai. vidya aur buddhi men ghanishth sanbandh hai. vidya ki alag alag vidhaon ke alag alag grah hain. brihaspati se ved, vedant, vyakaran, jyotish, budh se vaidyak, shukra se sangit aur prabhavshali vyakhyan shakti, mangal se nyay, shasan evan ganit, surya se vedant, chandra se vaidyak tatha shani evan rahu se anya deshiya vidyaon (angreji adi) ka vichar kiya jata hai. kundli men budh ki sthiti se vidya adhyayan aur vidya grahan ki shakti aur brihaspati se vidya ke vikas ka vichar kiya jata hai. sarvarth chintamni, jyotish ratnakar, jatak parijat adi vibhinn granthon men vidya ke anek sutra die gae hain jinke adhar par kundli ka vishleshan kar dekh kar ham jatak ki vidvatta gyan aur vidya ke bare men jan sakte hain. yahan kuch udaharan kundliyon ka vishleshan prastut hai jiske adhar par un sutron ki jankari prapt ki ja sakti hai. parantu yah kshetra bhi apvad se achuta nahin hai. anek kundliyon men ye yog n hone par bhi unke jatak vidya athva vigyan ke kshetra men bahut nam kamate hain. kundni san. 1: yah kundli adi guru shri shankracharya ji ki hai. ismen dvitiyesh uchch surya kendra arthat dasham sthan men sthit hai. chaturthesh shuakra bhi dasham sthan men surya ke sath hai. navmesh, jisse adhyatm vidya ka vichar kiya jata hai, uchch evan kendrasth hai aur navam evan pancham bhav ko purn drishti se dekh raha hai. buddhi ka data budh bhi dasham bhav men surya v shukra ke sath hai. brihaspati lagn men uchch rashi men sthit hai aur mangal bhi chandra se kendra men hai. yah sarvavidit hai ki shankracharya ji mahan evan apne samay ke advitiya vidvan hue. sarvarth chintamni ke anusar vidya karak brihaspati aur buddhi karak budh donon ek sath hon athva ek dusre se drisht hane to bhi jatak raja athva janta se bahut samman pata hai. kundli san. 2: yah kundli shri surya narayan rav ji ki hai. ismen chaturth bhav ka svami surya pancham bhav ke svami budh ke sath dasham arthat vidya janit yash sthan men sthit hai. budh dvitiyesh evan panchmesh hokar brihaspati ke sath dasham men hai. chandra se panchmesh surya aur lagn se panchmesh budh donon guru ke sath kendra men sthit hain. inhin yogon ke karan ye bharat men hi nahin anya deshon men bhi mahan vidvan ke rup men prasiddh the. jyotish ke kshetra men inka yogdan atulniya hai. kundli san. 3: yah kundli jyotish ko apne kanpyutar saeftaveyar dvara jan-jan tak pahunchane vale evan bharat men kanpyutrikrit jyotishiya saeftaveyar ke janak shri arun bansal ji ki hai. is kundli men dvitiyesh budh vak evan kalpana shakti karak hokar panchmesh guru ke sthan men aur lagn se panchmesh evan chandra se navmesh guru vidya ka karak hokar dvitiyesh budh ke sthan men sthit hai aur vidya janit yash ke dasham bhav par uski navam drishti hai. donon grahon ke paraspar parivartan ne unh atyant buddhiman, mridubhashi, vidvan, ganbhir evan tark shakti ka ghani banaya. inhin grah yogon ke karan shri bansal ne apne saeftaveyar ki sahayta se jyotish ko atyant saral banaya. kundli san. 4: yah kundli desh videsh men prasiddh shri dhiru bhai anbani ki hai. ismen lagnesh evan panchmesh guru lagn tatha chandra donon se kendra dasham bhav men sthit hai. dvitiyesh shani svagrihi hai. panchmesh evan dvadshesh mangal lagn se navam bhav men ketu ke sath sthit hai. dvitiyesh shani par lagnesh guru ki purn pancham drishti hai. yah sarvavidit hai ki dhirubhai anbani ne apni buddhi se apne chota sa vyavsay shuru kar bharat ke sabse bare vyapari ke rup men nam kamaya aur apni buddhi ke bal par hi apne bhagya aur karm kshetra men naye kirtiman sthapit kie. kundli san. 5: yah kundli atyant lokapriya ai. pi. es. adhikari shrimti kiran bedi ji ki hai. inki tikshn buddhi, vidvata, vakshakti, adhyatm vidya ka unka gahan gyan jag jahir hai. tihar jel men unhonne anushasan ke sath-sath kaidiyon ke uttam svasthya ke lie adhyatm evan vyayam ki kakshaen kin. unke utkrisht karyon ke lie unhen maigsese puraskar se sammanit kiya gaya. kiran ji ki kundli men lagnesh evan dashmesh budh shukra ki rashi men navam bhav men mangal aur surya ke sath aur dvitiyesh evan navmesh shukra budh ki rashi mithun men dasham bhav men sthit hai arthat navmesh evan dashmesh ka parivartan yog hai. chaturthesh guru pancham bhav men baithakar navam sthan men tritiyesh mangal ko pancham drishti evan dvitiya sthan ko navam drishti se dekh raha hai arthat guru evan budh ka dvitiya, tritiya, chaturth tatha navam sthan se sanbandh ban raha hai. jyotish ratnakar ke anusar aisa hone par vyakti ki shiksha uchch koti ki hoti hai. ek anya sutra ke anusar panchmesh jis bhav men ho, us bhav ke svami par yadi shubh grah ki drishti ho to buddhi tikshn hoti hai. yahan panchmesh shani dvadash bhav men surya ke ghar men sthit hai aur surya navam bhav men guru se pancham tatha chandra se saptam drishti se drisht hai. is tarah yog falibhut ho raha hai. ismen lagnesh evan dashmesh guru apni uchch rashi kark men panchamasth hai. dvitiyesh mangal chaturth sthan men aur chaturthesh budh dvitiya sthan men shukra aur surya ke sath hai. panchmesh chandra lagn men pancham sthan sthit guru se navam drishti se drisht hai tatha guru v chandra ke bich lagnesh v panchmesh ka ati uttam sthan parivartan yog hai. arthat is kundli men vidya evan buddhi ke anek yog upasthit hain. kundli san. 7: bharat ke bhutpurva rashtrapti sarvapalli radhakrishnan ji ko sabhi jante hon. inki kundli men vidya, buddhi ke sath-sath gunvan vyakti ki pratibha dekhne ko milti hai. lagn kundli se rashi kundli adhik balvan dikhti hai kyonki chandra kundli men sinh rashi men surya v chandra balvan hain. islie vah brihaspati ki mahadsha men bharat ke rashtrapti bane. yah samay 11.08.1967 tak raha. sinh lagn se pancham bhav ka svami guru chaturth bhav ke svami mangal ke sath chaturth sukh bhav men vidya ke sthan men raj yog banae hue hai kyonki mangal evan guru donon mile hain aur balvan bhi hain. lagn kundli men bhagya sthan men surya v chandra aur dasham bhav men shukra, budh aur shukra ka nich bhang raj yog ban raha hai. unki kundli men maha bhagya yog bhi vidyaman hai kyonki lagn visham rashi ka hai aur surya v chandra bhi visham rashi men hain aur janm din ka hai. aise log nishchit rup se bhagyavan hote hain. vidya, buddhi aur vivek ke sath-sath unmen gyan ka bhandar tha. shikshak ke pad se shuru karke apne gyan ki vajah se vah bharat ke rashtrapti pad tak pahunche. bahut vidvan aise hain jo kam parhe likhe hote hue bhi adhik gyanvan hote hain. pahle jamane men jyotish ke gyata sirf shlok parh kar bhavishyavani karte the. apne buddhi vivek se ganv ke sarpanch ganv ki janta ka nyay karte the. unki antajrnyan shakti atyant prabal thi parantu har vyakti ka ek samay hota hai jiski avdhi ke andar hi use saflta milti hai. kabhi-kabhi gyani vyakti ka samay bhi kharab chalta hai. tab use n to gyan ka labh milta hai aur n hi vah uchit margadarshan men uska upyog pata hai. isi pariperakshya men dekhen to pate hain ki is kundli men prabhavi shani ki mahadsha ke dauran vah keval naunvi kaksha tak parhe hone ke bavjud mantri pad tak pahunche. pancham bhav ke guru ne tikshn buddhi di. lagnesh shani chaturth kendra men hai, par rahu ki mahadsha men parhai puri nahin kar pae kyonki rahu saptam bhav men ast hai. kabhi-kabhi aise vidvan vyakti bhi, jinki shiksha adhuri rah jati hai, dusron par raj karte hain. vidya aur buddhi se sanbandhit kuch mahatvapurn yog pathkon ke lie niche die ja rahe hain. buddhi budh svagrihi athva uchch lagn se kendra athva trikon men ho to vidya, vahan aur sanpatti ki vibhuti hoti hai. navamasth guru par budh aur shukra ki drishti ho to jatak uchch koti ka vidvan hota hai. yadi budh, brihaspati aur shukra navam bhav men hon to jatak prasiddh vidvan aur yadi budh aur brihaspati ke sath shani navam men ho to vagmi aur vidvan hota hai. yadi pancham sthan ka svami budh ho aur vah kisi shubh grah ke sath ho athva us par shubh grah ki drishti ho, yadi panchmesh shubh grahon se ghira ho ya yadi budh uchch ho, panchamasth ho, ya panchmesh jis navansh men ho, uska svami kendrasth ho aur shubh grah se drisht ho, to jatak buddhiman hota hai. panchmesh jis bhav men ho, uske svami par shubh grah ki drishti ho athva donon taraf shubh grah sthit hon to buddhi tikshn hoti hai. pancham sthan do shubh grahon ke bich ho, guru panchamasth sthit ho tatha budh doshmukt ho, to buddhi tikshn hoti hai. smaran shakti panchmesh shubh drisht ya yukt ho athva pancham sthan shubh drisht ya yukt ho ya brihaspati se pancham sthan ka svami kendra ya trikon men sthit ho, to smaran shakti achchi hoti hai. vyakaran vidya brihaspati aur dvitiyesh bali hane aur un par surya tatha shukra ki drishti ho, to jatak vyakaran ka vidvan hota hai. balvan guru dvitiyesh ho aur surya ke sath ho to jatak vyakaran ka gyata hota hai. ganit vidya ganit vidya ke lie guru ka kendra men hona avashyak hai. iske atirikt budh dvitiya bhav ka svami ho athva shukra uchch ya svagrihi ho to jatak ko ganit shastra se prem hota hai. yadi mangal dvitiya bhav men ho aur shubh grah ke sath ya budh se drisht ho athva budh kendra men ho, to jatak ganitagya hota hai. guru kendra ya trikonasth ho ya shukra uchch ho aur budh v mangal dhan bhav men hon ya shukra kisi kendra men budh dvara drisht ho to jatak ganit shastra gyata hota hai. chandra aur budh kendrasth hon ya tritiyesh budh ke sath kendrasth ho ya shani se budh shashth bhav men aur guru lagn se dvitiya men ho, to jatak falit jyotish ka gyata hota hai. vak shakti yog yadi dvitiyesh dvitiyasth ho aur guru baitha ho aur us par kisi pap grah drishti n ho to jatak uchch koti ka vagmi hota hai aur apne mantavya ka drirhtapurvak apne vyakhyan men upyog karta hai. yadi brihaspati aur budh dvitiya sthan men hon aur pap grah se drisht n hane to jatak ka vyakhyan atyant prabhavshali hota hai. yadi tritiya sthan bali ho aur budh v guru se drisht athva yukt ho ya budh aur guru tritiya sthan se kendra men hon, to jatak ka kanth svar atyant madhur hota hai.