ekagrata vardhan hetu tantra evan mantra priya gupt pravin a j ke yug men tantra-mantra par vidyarthigan kam vishvas karte hain tatha sarasvati sadhna bhi asan nahin hoti, jise pratyek kar sake. jansadharan tatha kamjor vidyarthiyon hetu ek asan vidhi ka varnan kiya ja raha hai, jisse sadhak ko nishchit labh hoga. ganesh bhagvan evan vidya datri man sarasvati ka ek chitra len. pujan samagri sammukh rakhen (gay ke ghi ka dipak, dhup, kapur, pile chaval, safed, ya pila mishthann, ganga jal, bhoj patra, gorochan, kunkum, kesar, lal chandan, anar, ya tulsi ki kalam ityadi) sarvapratham guru ka dhyan karen. mantra: guru sath guru hath guru hain vir, guru sahab sumiron badi bhant singi dhoron ban kaho, man naun kartar. sakal guru ki har bhaje, chatta pakar uth jag chait sanbhar shri parmhans.. ganesh dhyan: ¬ vakratundamahakay kotisuryasamaprabh. nirvighnan kuru me dev sarvakaryeshu sarvada.. ganesh mantra: ¬ vakratunday hun.. dishabandh: ¬ vajrakrodhay mahadantay. dasha disho bandh bandh hun fat svaha.. tatpashchat gorochan, kesar, kunkum aur lal chandan ko ganga jal men ghis kar syahi bana len aur bhoj patra par nimn mantra likh kar, man sarasvati ke chitra ke sath rakh kar, 1 mala roj mantra ka jap karen. sarasvati gayatri mantra: ¬ vagdaivyai ch viùhe kamrajay dhimhi. tanno devi prachodyat. pratham din 5 mala ka jap karne se sakshat man sarasvati prasann ho jati hain tatha sadhak ko gyan-vidya ka labh prapt hona shuru ho jata hai. nitya karm karne par sadhak gyan-vidya prapt karne ke kshetra men nirantar barhta jata hai. iske alava vidyarthiyon ko dhyan karne ke lie tratak avashya karna chahie. 10 minat roj tratak karne se smaran shakti barhti hai tatha sadhak ko ek bar parhne par kanthasth ho jata hai. islie nimn chitra par vidyarthiyon ko tratak abhyas karna chahie. labh svayan sadhak dekhega. pathak tratak vritt ko patrika se nikal kar safed kagaj par, athva safed divar par apni drishti ke samantar chipkaen tatha padmasan men baith kar samast dhyan kendrit karte hue ‘¬’ par drishti ko sthir kar nitya adhikatam 10 minat abhyas karen.
Kya aapko lekh pasand aaya?
Subscribe