yantrakriti men shiv-shakti sanbandh  

yantrakriti men shiv-shakti sanbandh yantron ko yadyapi mantron se alag mana jata hai lekin vastavikta yah hai ki yantra yadi shivrup hain to mantra unki antarnihit shakti hai jo danhen sanchalit karti hai aur jivan ke sabhi sadhyon ki prapti ka sadhan banti hai. is lekh men yantra men ankit vibhinn rupakaron ki darshanikta evan rahasyon ke vaigyanik adhar ka nirupan aur rahasyodghatan kiya gaya hai. manushya apni jigyasu pravriti ke karan prakriti evan brahmand ke rahasyon ke bare men janne ke lie sadaiv prayatnashil raha hai. yah bhi sarvamanya evan sarvavidit hai ki brahmand men sthit samast char achar jagat men apsi sanbandh hai tatha samast brahmand ek layabaddh tarike se nishchit niyamon ke adhar par karya karta hai. bhartiya vaidik shastron ke anusar brahmand ki samast kriyayen brahmamand men sthit vibhinn shaktiyon dvara sanchalit ki jati hai. chunki manushya bhi isi brahmand ka ek pramukh bhag hai atah manav jivan bhi bahut had tak inhi shaktiyon dvara niyantrit evan sanchalit kiya jata hai. ye shaktiyan manushyon ke jivan ko unke karmon ke anusar niyantrit evan nirdeshit karti hai. atah manav jivan ke sanchalan men in shaktiyon ki aham bhumika hoti hai. bhartiya vaidik sahitya men aisi anek vidhiyon ka varnan milta hai jiske madhyam se in shaktiyon ka avahan kiya ja sakta hai tatha inki kripa evan ashirvad prapt kiya ja sakta hai. hindu sanskriti men mandir jo ki devi-devtaon ke puja sthal hote hain, inka nirman vastu shastra ke siddhanton ke anusar kiya jata hai. mandiron ke sthan ka chayan, murti sthapna mandiron ke upar sthit gunbad evan dhvaja adi sabhi ka nirman vastu shastra ke niyamon ke anusar tatha upyukt mantrochcharan ke sath is prakar kiya jata hai jisse vahan par adhik se adhik adhyatmik evan daiviya kripa ;aichptpjnans kavudachavanataddh a sake. hindu sanskriti men devi devtaon ko avahan karne ke anek tarike batae gaye hain. puja karte samay baithne ka dhang ishvar ke samne dandavat, natamastak hona ek sthan par dhyan kendrit karna shvas prakriya atm niyantran adi ishvar ki aradhna ke mulbhut tarike hain. inke madhyam se manushya ishvar ke samaksh svayan ke sharir evan man ko purn rup se samarpit karta hai. yah kahna atyant saral hai. parantu iska palan karna kathin hota hai. sahi artho men dekha jae to sharir evan man ka ishvar ko purnatah samarpan sabse bara sadhan kaha ja sakta hai. yadi ham ismen safal ho jate hain to daiviya shaktiyon ki kripa patra avashya bante hain ismen koi sanshay nahin hai. is prakar koi bhi puja evan archana tab tak pura fal nahin deti hai jab tak ki aradhak ya yachak ise purn shuddhi evan gahnta se nahi kare tatha apne ap ko ishvar ke charnon men purnatah samarpit n kare. kyonki jara bhi ahankar sadhak ki sanpurn shakti ka kshay kar deta hai. yah samast brahmand shiv evan shakti ke sahyog se sanchalit hota hai. shiv ka arth sankshep men brahmand men sthit urja se hai jiska koi svarup nahi hai. jabki prakriti sakshat shakti hai tatha brahmand men sthit urja ko svarup prakriti men sthit panch tatvon ke sahyog se hi mil pata hai. in donon men se ek bhi abhav men sakar sansar ki kalpana bhi nahin ki ja sakti hai. shiv ke bina shakti balhin hai tatha shakti ke bina nirgun, nirakar shiv svarup hin v akar hin hai. atah yah sansar shiv evan shakti donon ke sahyog se hi sanchalit hota hai. manav sharir isi brahmand ka sukshm rup kaha ja sakta hai tatha yah bhi shiv (atma) evan shakti ke sanyog se hi sanchalit hota hai. is prakar manav sharir men sthit atma shiv dvara niyantrit hoti hai jabki manav sharir evan mashtishk prakriti jisko ki mahamaya bhi kaha jata hai dvara sanchalit hote hai. is prakriya men shiv rup anek bar gaun ho jata hai tatha mastishk evan sharir ka varchasva ho jata hai jisse atma ko karm bandhan men bandhakar janma-maran ki prakriya se bar-bar gujrna parta hai tatha anek kasht sahne parte hain. atah manav jivan ke santulit rup se sanchalan hetu shiv evan shakti men santulan hona avashyak hota hai. manav jivan men sthit is asantulan ko dur karne ke liye tatha inmen apsi samanjasya sthapit karne ke liye bhartiya vedon evan puranon men anek vidhiyon ka ullekh kiya hai. yantra, mantra evan tantra unmen se pramukh hai. mantra: bhartiya vaidik sahitya men hindi varnamala ke pratyek akshar ko ek mantra ki sangya di gai hai. vahi nad brahm hai. pratyek mantra men kitne akshar honge. iska chayan mantra ke fal ke anusar kiya gaya hai. mantra men sthit aksharon ki sankhya k e ansu ar matran k e fal m ne parivatarn hate a hai. udahrnarth un namah shivay men 6 akshar h nai isliya e is e shadakshari matran kahte hain. ismen yadi un n prayukt kiya jaye evan keval namah shivay uchcharit kiya jaye to yah panchakshari mantra ban jata hai. isi prakar un namo naraynay ashtakshari mantra kahlata hai tatha un namo bhagvte vasudevay dvadshakshari mantra kahlata hai. is prakar mantron ka uchit chayan karke vibhinn daiviya shaktityon ka avahan kiya jata hai tatha vibhinan uddeshyon ki purti ki jati hai. yantra, mantra evan tantra in madhyamon ko apnakar daiviya shaktiyon ka avahan kiya jata hai evan unse prarthana, yachna ki jati hai jisse ki ve manushya ke bhautik, adhyatmik vikas men santulan sthapit kar saken tatha manav jivan ko sukhi bana saken. yantra, mantra evan tantra shastra ko ek purn viksit adhyatmik vigyan ki sangya di ja sakti hai. jiska udeshya sharir, man evan atma ke vikas men ek santulan sthapit karna tatha manushya ka bhautik evan adhyatmik vikas karna hai. yadi mantron ko vaidik riti se purn shuddhata evan shraddha ke sath uchcharit kiya jata hai to inke uchcharan se niklne vali tarange us daiviya shakti ke tarangon se sanpark sthapit kar sakti hai jisko prasann karne ke liye ye mantra uchcharit kiye jate hain. hamare rishiyon ko in tarangon ki jankari thi tatha unhonne mantron ke madhyam se in tarangon ka upyog manushya ki adhyatmik vikas evan mansik shanti ke liye kiya. mantron ka yadi vidhivat rup se uchcharan kiya jae to inse niklne vali tarange sharir men sakaratmak urja ke pravah ko barhati hai aur manav sharir se niklne vali tarange sanbandhit daiviya tarangon ke sanpark men akar manav mastishk evan sharir par sakaratmak prabhav dalti hai. tatha shabdon ke kram ka viparyay hone par nakaratmak urja ka pravah hone lagta hai. yantron ko sakriya ev shaktipurn banane ki kshamata bhi mantron men hi hain. uske bina yantra akar matra rah jaainge. yantra: mantron ki ek rekhachitra ke madhyam se abhivyakti ko yantra kahte hain. jis prakar manav sharir vishalkay brahmand ka sukshm rup hai. usi prakar vishalkay brahmand ko sukshm rup men abhivyakt karne ke liye ye yantra banaye jate hain. yahan yah ullekhniya hai ki mantron evan yantron ka avishkar kisne kiya hai yah kahna bahut kathin hai kyonki iska kahin par bhi ullekh nahin milta hai. chunki in yantro ka ullekh vedon evan puranon men milta hai aur vedon ke bare men kaha jata hain ki ve apaurupey hai islie unmen mantron ke rachyitaon ka itihas aur jivnvrit n hokar jivan darshan aur rahasya sutra rup men hi nirupit hua hai. jo ki bhasha aur shabdon ki shlesh shakti ka purn samavesh hai. atah yantra evan mantron ka rachna bhi daiviya shaktiyon dvara hi ki gai hai. in mantron ka rahasyodghatan hamare rishi evan muniyon ne kiya hai. jisse am admi inka labh utha sake. yantron men mukhyatah 5 prakar ki akritiyon ya rekhachitron ka prayog kiya jata hai. arthat bindu, vrit, trikon, varg evan shatkon. bindu: bindu akash tatva ka dyotak hai. bindu pratyek akar ka adhar evan aranbh ingit karta hai. dusre shabdon men bindu ke bina kisi akar ka aranbh v ant nishchit karna kathin hi nahin varan asanbhav hai. bindu ke andar naisargik gatishilta hoti hai jiske adhar par yah pratyek akar evan tatva men anupravishth ;chmadamajatanjamaddh hota hai. bindu ko akash ki sangya di jati hai kyonki prithvi par sthit samast char achar jagat ka aranbhik bindu ya jar akash hi hai. bindu ek prakar ki shakti hai jo ki urja pravahit karti hai. ye bindu kisi bhi yantra ka kendra hoti hai. tantra shastra men bindu ko sakshat shiv ki sangya di gai hai jo ki samast shaktiyon ka srot hai. kisi bhi yantra ke madhya men sthit bindu vibhinn rekhachitron se ghiri rahti hai ye rekhachitra vibhinn daiviya shaktiyon ko darshate hain tatha bindu inki shakti ke srot ke rup men dikhai jati hai. saral rekha: ek bindu ko jab dusre binduon se milate hain to saral rekha banti hai. vastutah rekhaen bindu path hi hai. ye do bindu parmatma ek jivatma, sukh-dukh, ratri divas adi ko ingit karte hain. is prakar saral rekha ingit karta hai ki jivatma evan parmatma, sukh dukh adi ek hi sikke ke do pahlu hain tatha inhen alag nahin kiya ja sakta hai. dusre shabdon men saral rekha yah ingit karti hai ki jivatma parmatma ka hi ansh hai. vritta: vrit ki kalpana karte hi ek chakrakar akriti ankhon ke samne ubhar kar ati hai. jab ek bindu ke charo or dusri bidu ko ghumaya jae to uski chakrakar gati hoti hai. is chakrakar gati ko prakritik jagat men ghurnan ;eipatasachavavasaddh kriya kahte hain. vayu sadaiv chalayman hai atah vrit vayu tatva ban pratinidhitva karta hai. trikon: trikon ko vaidik sahitya men atyadhik mahatta di gai hai. dekha jae to trikon vah pahla dvi ayami rekhachitra hai jo ki ek sthan ko gherta hai. ughrva mukhi trikon agni tatva ka bodh karata hai kyonki agni ki gati sadaiv aghrvamukhi hoti hai. yah trikon unnati evan pragti ka dyotak hai. vaidik sahitya men ise shiv ki sangya di jati hai. iska upar se sankra tatha niche se faila hona ye ingit karta hai ki jivatma ka jar akash men hai tatha iska vistar prithvi par hota hai. adhomukhi trikon: jal tatva ka pratinidhitva karta hai. jal ke bina jivan asanbhav hai. jal ki gati adhomukhi hoti hai. iska niche se sankra tatha upar se faila hona jivatma ka panch tatvo ke madhyam se prithvi par failav evan iska sansarik jagat men bahut gahre tak uljhna ingit karta hai. varga: kisi bhi yantra ki bahri sima am taur par vargakar hoti hai tatha iska aranbh madhya bindu se hota hai. is prakar pratyek yantra brahmand ke vikas ko sukshm rup men prastut karta hai jo ki akash se aranbh hokar prithvi par purn viksit hota hai. vargakar rekhachitra prithvi tatva ka pratinidhitva karta hai kyonki vistar prithvi ka gun hai ya dusre shabdon men akash se ai urja ka vikas prithvi par hi hota hai. atah chaturbhuj bindu ka charon dishaon men failav prithvi tatva ka pratinidhitva karta hai. tantrikon ke kshetra men surya yog ke dvara hi akashiya shakti men se bhautik padarthon ka srijan kiya jata hai. shatkon: udhrvamukhi evan adhomukhi trikon se milakar banne vala shatkon shiv evan shakti donon ke sanyog ko pradarshit karta hai. iske bina sansar ki kalpana bhi nahin ki ja sakti hai. in shatkonon ke madhya men sthit khali sthanon ko yantron men shiv evan shakti ka krida sthal mana jata hai. isi karan in khali sthanon men vibhinn ank ya mantra is prakar likhe jate hain jisse ki in donon ki kripa evan ashirvad prapt kiya ja sake. yantron men uparyukt akritiyon ka prayog vibhinn prakar se kiya jata hai tatha brahmand ke vishalkay rup ko sukshm rup men darshaya jata hai. in akritiyon ka vibhinn yantron men vibhinn shaktiyon ke avahan lie bhinna-bhinn rup se prayog kiya gaya hai tatha inmen prayukt kiye jane vale mantron evan anko ka chayan bhi sanbandhit shakti ke anusar hi kiya gaya hai. yah mana jata hai ki jab koi vyakti mantron dvara abhimantrit yantra par apna dhyan kendrit karta hai to uska mashtishk evan sharir us yantra ki akar shakti se prabhavit hota hai aur dhire-dhire vyakti ko sanbandhit shaktiyon ki kripa evan ashirvad prapt hone lagta hai. is prakar yantra evan mantra brahmand men sthit vibhinn shaktiyon tak pahunchne ka ya unka avahan karne ka ek sashakt madhyam hai. yadi in yantron ko vidhivat prakar se abhimantrit karke inki puja archana ki jae tatha in par dhyan kendrit kiya jaye to ismen koi sandeh nahin hai ki ye hamen sanbandhit shaktiyon ki kripa ka patra ban sakte hain. jyotish shastra men yantra, mantra evan tantra ke atirikt bahut si durlabh samagriyon jaise aushdhi, ratn, rango evan padarthon ka bhi atyadhik mahatva hai. jaisa ki pahle hi bataya ja chuka hai ki sanpurn brahmand men sthit sabhi tatva paraspar sanbandhit hai. atah ek grah dvara manushya hi nahin varan brahmand ke anek dusre tatva bhi niyantrit hote hen. is prakar jyotish shastra men yadi kisi grah se sanbandhit kisi tatva ki manav jivan men kami pai jati hai to use ;unjnans tamevdandabamaddh paraspar sanbandh ke is siddhant ke adhar par us grah se niyantrit anya tatvon ka prayog karke pura karne ka prayas kiya jata hai.