shriyantra ka antarnihit rahasya  

shriyantra ka antarnihit rahasya yantraraj shriyantra sakshat shiv-shakti svarup mana jata hai jiske darshanamatra se suflon ki prapti anayas hi ho jati hai kyonki iski vibhinn jyamitiya akritiyane ka pratyek bhag apna ek sunishchit rahasya aur prabhav rakhta hai. is lekh men unhin akritiyon ke rahasyon ki yogshastriya vyakhya ki gai hai. yantra sanskrit bhasha ka shabd hai, jiska shabdik arth hai ‘hathiyar ya aujar’. jiska prayog kisi bhi prakar ki vishisht kriya ki purnata hetu atiavashyak hai. jis prakar kisi bhi karya ka safal evan purn nishpadan usse sanbandhit yantron ka prayog kiye bina sanbhav nahin hai, usi prakar daiviya shaktiyon ki prapti bhi yantropasna ke bina sanbhav nahin hai. arthat yantra- ‘‘daivi shaktiyon ke uchchatam shikhar par arurh hone evan asim anant tatha divya shaktiyan prapt karne ka advitiya sopan hai.’’ ‘‘shivashakti’’ ka sharir yantra kahlata hai. jis prakar mantrochcharan ke dvara ham parmsÿaa ki anubhuti karte hain, vaisi hi vibhinn yantron ki vidhivat puja, archana evan niyamit darshan ishvar ka samujya prapt karne men sahayak hote hain. yantron ko shivashakti ka nivas aur sanyog mana gaya hai. yantra ko shastron men chakra bhi kaha gaya hai. jo yantrit kare, vahi yantra hai. yantra ko bhagvan ke baithne ka asan bhi kaha gaya hai. vibhinn prakar ke yantra anekanek devi-devtaon ko samarpit mane gaye hain. chakra athva yantra, shakti evan shaktiman ka nivas-sthan hai. yantra ka mul svarup aklniya, avarnaniya evan mahimamay hai. yadi ham sthul rup se iski vyakhya karen to kah sakte hain ki ‘‘yantra anant srishti’’ chakra ka rekhatm evan sankshipt manchitra hai. yantron men mahashakti paramabrahm rup men vidyaman rahti hai. yantron men ‘shriyantra’ ko ‘yantraraj’ ki sangya di gai hai. dharmik drishti se ise kameshvar aur kameshvari ka svarup mana jata hai jiske darshan matra se shubh falon ki prapti anayas hi ho jati hai. shri yantra ke darshan matra se 100 yagya karne ka fal, mahashodash dan karne ka fal, sarhe tin karor tirthon ke snan ka fal, nirdhanata, shatru, krodh evan rogon ka samul nash, ashubh samay evan ashubh grahon ka prabhav samapt hokar sabhi prakar ke shubh falon men vriddhi hoti hai. - pind (sharir) evan shrichakra ka sanbandh atah spasht hai ki manav sharir ke vibhinn avyvon men upavarnit chakron ka vas hota hai. shriyantra ki sankshipt vyakhya - shriyantra men vibhinn prakar ki jyamitiya evan ganitiya akritiyon ka samavesh hota hai jinka arth evan svarup is prakar se hai- mahabindu - shriyantra ka kendrasth trikon ‘mahabindu’ kahlata hai, jise ‘parachakra’ bhi kahte hain. ise ‘turiya bindu’ bhi kaha jata hai. isi mahabindu men anadikal se shivashakti svarup dampati (parm-purush-para-prakriti) ka vilas chalta rahta hai. bindu - kendrasth trikon ke andar sthit bindu. ise ‘sarvaanandmyi’ chakra ki sangya di gayi hai jiska sanbandh purn anand se mana gaya hai. ismen sampurn brahmand ka bijatva nihit hai. trikon - shriyantra men avasthit trikon ‘pranv’ ka svarup hai. yah kendrasth trikon men samahit bindu hai jise ‘sarvasiddhiprad’ chakra kahte hain. ashtakon - yah trikon ke bhitar ath trikonon ka samuh hai, jise ‘sarvarog har’ chakra kaha gaya hai. is kon par dhyanavasthit karne se sabhi rogon ka shaman hota hai. antardashar - yah das anrtatrikonon ka samuh hai, jo manav jivan ke lie raksha-kavach ka karya karta hai. atah ise ‘‘sarvarakshakar chakra’’ kaha jata hai. bahirdashar- yah das bahya trikonon ka samuh hai, jise ‘sarvaarthasadhak chakra’ ki sangya di gai hai. yah arthik samriddhi ka pradata kaha gaya hai. chaturdashar- ise ‘sarva saubhagyadayak chakra’ kahte hain. yah chaidah trikonon ka samuh hai, jo sabhi prakar ke shubh fal pradan kar jatak ke saubhagya men shri-vriddhi karta hai. ashtadala- ise sarva shankh shobhan chakra ki sangya di gai hai. yah kamal ki ath pankhuriyon ke samuh se nirmit vriÿa hai, jise saundarya, prasannata evan samriddhi pradayak mana gaya hai. shodshdl- shriyantra men shodashadal kamal ki 16 pankhuriyon ka purn vriÿa hai. chunki yah shodashadal vyakti ki sabhi ichchaon, ashaon evan manokamnaon ki purti karta hai, atah ise ‘asha purak chakra’ kahte hain. bhupur- shriyantra men char dvaron (purva, pashchim, uÿar, dakshin) se nirmit chaikor akriti ki vyakhya karen to bhup-ur arthat raja ya varmala ka hriday bhu-pur arthat prithvi lok. arthat yadi ham bhupur shabd ki vishad vivechna karen to payanege ki shriyantra ke charon or nirmit yah chaikor akriti ishvar ke hriday men pravesh karne tatha ‘bhulok par sukh samriddhi prapt karne ka divya ‘pravesh dvar’ hai. bhupur ko ‘trailok mohan chakra’ bhi kahte hain. aisa mana jata hai ki is chakra men daihik, daivik evan bhautik tapon ko shant karne ki adbhut shakti hoti hai. ismen trishakti tatha ashtasiddhiyan anima, mahima, garima, laghima, ishita, vashita, prapti tatha prakamya svabhavik rup se vidyaman rahti hain. arthat ‘bhupur’ ke sharir men avasthit sukshmatisukshm parmanuon ko prakashman karne, sharir ko shant rakhne evan daivatva men vilin karne, shanti pradan karne, ichchashakti, akarshan, vanchit ki prapti, ichchaon tatha soch ko sakar rup dene ki yogyata evan dhan, sukh, samriddhi ko upbhog karne ki kshamata pradan karne ki adbhut aur alaukik shakti pradan karta hai. yadi sadhak ke hriday men kisi bhi yantra visheshakar shriyantra ke prati sachchi shraddha, atut astha evan purn vishvas hai to vah shriyantra ki vidhivat puja evan niyamit darshan ke dvara shriyantra ke anekanek evan anant koti shubh falon ko nishchit rup se prapt kar sakega. kaliyug men shriyantra ko ‘yantraraj’ kahna purnataya sarthak hai, jiski upasna purnataya dhan, sukh, samriddhi, prasannata evan safltapradayak hai.