yantra parichay, rahasya tatha vargikrn  

yantra parichay, rahasya tatha vargikaran ke. ke. nigam am admi ke lie yantra vibhinn akritiyon ka rekha samuh matra hota hai jabki vastavikta yah hai ki yantra ka pratyek akar ek vishesh devta aur tatva ki shakti ka pratik hota hai. jise ek nishchit vidhi-vidhan ke antargat mantron dvara jagrit karke lakshya siddhi hetu prayog kiya jata hai. in yantron ka vargikaran unke uddeshya aur prayojnon par adharit hai jiske bare men suvistrit jankari is lekh men di gayi hai. siddhayantra jo ari, tirchi rekhaon, binduon, ankon, chaturbhujon, trikon adi se purit hote hain vastav men inhin chihnon se sanchalit hote hain. in yantron ko yahi kal purje chalate hain. bhautik yantra ki karya-sanrchna dikhai parti hai aur usko dekhakar manushya prabhavit hota hai jabki yantra manushya ki jivnshaili badalakar apna prabhav dikhate hain. yantron men bahut shakti hoti hai. yah asanbhav karya ko bhi sanbhav karke dikhane ki shakti rakhte hain. yantron ki shakti inmen ankit chihn evan yantron ke dvara jagrit hoti hai. mantron ke kanpan se srishti ke sab padarth bante hain aur bigrte hain, yah vigyan bhi kahta hai. is karan se mantron men shakti hoti hai. kalantar men hamare rishiyon-muniyon ne dekha ki dusht log bhi mantron ke madhyam se ghrinit karya kar lete hain to inhonne is mantra shakti ko gupt rakhne ke lie mantron, rekhaon, chihnon se purit kar yantron ki rachna ki jisse mantron ka durupyog n ho sake, vastav men yantra bhi ilektraenik yantron ke jaise sarkit hote hain jo dekhne men ari-tirchi rekhaen hoti hain parantu unka jankar injiniyar unhin ke madhyam se rediyo, ti.vi., kampyutar adi ka prayog kar leta hai aur samanyajan ko labh pahuncha deta hai. yantron ke sankshipt shabd v ank- yantron ke sankshipt shabd evan ank vastav men devi aur devta hote hain jaise ki vigyan ka vidyarthi janta hai ki bh2v ka arth hai arthat pani jabki samanyajan nahin jan pate hain isi prakar yantron men ullikhit shabd hrin, krin, shrin aur klin ka kya arth hai ek jyotishi ya tantrik hi jan sakta hai yah sab devi ke sankshipt nam hain jaise hrin ka arth baglamukhi devi, krin ka arth mahakali se, shrin ka arth mahalakshmi se, klin ka arth bhagvti durga se hai. isi prakar se yantron ke nirman men prayukt hone vale chihn bindu ka arth brahm se, trikon ka arth hai shiv evan bhupur ka arth bhagvti se hota hai. yantron men shraddha evan vishvas: yantra tabhi apna karya karte hain jab inko nirman karne vala sadhak shraddha evan vishvas ke sath purn manoyog evan pavitrata ke sath tatha niyamon ki jankari prapt karke karta hai. yadi yantra ke nirman men sandeh hoga to yantra mrit ho jayega. isi ke sath yantron ke nirman men uprokt baton evan anya niyamon ka dhyan rakhna chahie anyatha yantra nirman karne vale ko hani bhi pahuncha dete hain. yantra urja vigyan ka ek shaktishali madhyam hai. yantra vibhinn prakar ke karyon ke lie nirmit kiye jate hain. inka vargikaran hota hai parantu unka shastranusar prayog, koi visham sthiti n ho to, achche karyon men hi karna chahie jinka vivaran nimn prakar hai- shantikarm yantra: yah vah yantra hote hain jinka uddeshya kalyankari aur shaktiprad karyon ke lie kiya jata hai. isse kisi ka ahit nahin kiya ja sakta hai. inka mul prayog rog nivaran, grah-pira se mukti, duahkh, garibi ke nash hetu, rojgar adi prapt karne men kiya jata hai jaise shriyantra. stanbhan yantra: ag, hava, pani, vahan, vyakti, pashuon adi se hone vali hani ko rokne ke lie is prakar ke yantron ka prayog kiya jata hai. iska prayog karne se uprokt karnon se ai hui vipdaon ka stanbhan kiya jata hai arthat un par rok lagai jati hai. sammohan yantra: ye yantra vah hote hain jinse kisi vastu ya manushya ko sammohit kiya jata hai. uchchatan yantra: ye yantra vah hote hain jinse prani men mansik asthirta, bhay, bhram, shanka aur karya se virat rahne ka karya liya jata hai. in yantron ka prayog varjit mana jata hai. vashikaran hetu yantra: in yantron ke dvara praniyon, prakriti men upasthit tatvon ka vashikaran kiya jata hai. inke prayog se sanbandhit vyakti dharan karne vale ke nirdeshon, adeshon ka palan karte hue uske anusar acharan karne lagta hai. akarshan hetu yantra: sammohan, vashikaran, is yantra men bahut mamuli-sa antar hai. samanyatah ye tinon ek hi yantra hain par akarshan yantra ke prayog se durasth prani ko akarshit kar apne pas bulaya jata hai. jumman hetu yantra: is yantra ke prayog se ichchit karya hetu sanbandhit vyakti ko agyanusar karya karne ke lie vivash kiya jata hai. iske prabhav men ane se vyakti apna astitva bhulakar sadhak ki agyanusar karya karne lagta hai. vastav men iske dvara prani men dasatva ki bhavna paida karke usse karya liya jata hai. vidveshan yantra: in yantron ke madhyam se praniyon men fut paida karna, algav karana, shatruta adi karana hota hai. isse prani ki ekta, sukh, shakti, bhakti ko nasht karna hota hai. maranakarm hetu yantra: in yantron ke dvara abhisht prani, pashu-pakshi adi ki mrityu ka karya liya jata hai. iske prayog se sanbandhit mrityu ko prapt ho jata hai. vastav men yah hatyakarm hai. in yantron ka prayog sapne men bhi nahin karna chahie. yah sabse ghrinit yantra hai. paushtik karm hetu yantra: kisi ka bhi ahit kiye bina sadhak apne siddh yantron se anya vyaktiyon ke lie dhan-dhanya, sukh saubhagya, yash, kirti aur man-samman ki vriddhi hetu prayog karta hai, unhen paushtik karm yantra kahte hain.