yantra-ek vishleshn  

yantra: ek vishleshan yantra vishisht devi-devtaon ka pratinidhitva karne vali aisi akritiyan hoti hain jo akriti, kriya tatha shakti namak tin siddhanton ke adhar par sanyukt rup se karya karti hai. parantu in yantron ki akriti nishthapurvak aur vidhi-vidhan se ki gai puja evan pran pratishtha se hi jagrit hoti hai. bina pran-pratishtha ke yantra ko puja sthal par bhi nahin rakha jata hai kyonki aisa karne se sakaratmak prabhav ke sthan par nakaratmak prabhav hone lagte hain. shastron men yantron ko devi-devtaon ka nivas sthan mana gaya hai. jab yantron ka nirman aur pran-pratishtha shastrokt vidhi dvara ki gai ho aur sadhak purn vishvas tatha shraddha ke sath unki aradhna karta ho to yantra-sadhna karne valon ko sukh-aishvarya aur samriddhi ki prapti hoti hai. yantra kya hai? ismen kitni divya shakti vidyaman hai? bhinn prakar ke yantron ki rekhaen, bijakshar aur bijank divya shaktiyon se prabhavit hote hain. rekhaon ki akriti, kram v ankon aur aksharon ke adhar par hi yantra ko koi vishisht nam diya jata hai. ismen ankit ank aur akshar devta se sanbandhit bijank shakti ka pratik hote hain. yantra v mantra ek dusre ke purak hain. donon hi alaukik hain. alaukik shakti se paripurn hone ki vajah se ye insan ki ichcha-purti karne men samarth hai. yantra-sadhna men vishvas aur shraddha ke sath-sath sadhna ka sarvangin gyan bhi avashyak hai. tabhi divya yantron ka chamatkar ham pa sakte hain. jis prakar mantron men dhvani tarangon ki akriti ka mahatva hai, usi prakar yantron men bindu, rekha, trikon, vritt, chaturbhuj ityadi ka vishisht mahatva hota hai. tantrik sadhnaon men yantra-sadhna ka bara mahatva hai. sadharan bhasha men yantra ka tatparya mashin se hota hai. jis tarah devi-devtaon ki murti puja ki jati hai aur un murtiyon se logon ki astha aur shraddha juri hoti hai, usi tarah yantra bhi kisi devi ya devta ke pratik hote hain. inki rachna jyamitiya hoti hai. yantra men sari daiviya shaktiyan sukshm rup se vidyaman hoti hai. yantra adhyatmik drishtikon se vibhinn devi-devtaon ke rang-rup ke rahasya hote hain. isilie sadhnaon ke madhyam se inmen jitni shakti utpann ki jati hai, yantra utne hi chamatkari hote hain. yantra kis siddhant par karya karte hain? yantra devi-devtaon ka pratinidhitva karte hain. kisi lakshya ko shighra prapt karne ke lie yantra-sadhna ko sabse saral vidhi mana jata hai. tantra ke anusar yantra mane chamatkarik divya shaktiyon ka nivas hota hai. yantra samanyatah tamrapatra par banae jate hain. iske alava yantron ko tanbe, chandi, sone aur sfatik men bhi banaya jata hai. ye charon hi padarth kasmik tarange utpann karne aur grahan karne ki sarvadhik kshamata rakhte hain. kuch yantra bhoj-patra par bhi banae jate hain. yantra mukhyatah tin siddhanton ka sanyukt rup hain- akriti rup, kriya rup, shakti rup aisi manyata hai ki ve brahmand ke antrik dharatal par upasthit akar v akriti ka pratirup hain. jaisa ki sabhi padarthon ka bahri svarup kaisa bhi ho, uska mul anuon ka paraspar sanyukt rup hi hain. is prakar yantra men, vishva ki samast rachnaen samahit hain. yantra ko vishva-vishesh ko darshane vali akriti kaha ja sata hain. ye samanya akritiyan brahmamand se nakshatra ka apni ek vishesh akriti rup-yantra hota hain. yantron ki praranbhik akritiyan manovaigyanik chinh hain jo manav ki antrik sthiti ke anurup use achche bure ka gyan, usmen vriddhi ya niyantran ko sanbhav banati hain. isi karan yantra kriya rup hain. ‘‘yantra’’ ki nirantar nishthapurvak puja karne se ‘antrik sushuptavastha samapt hokar atmashakti jagrat hoti hain aur akriti aur kriya se age jakar ‘‘shakti rup utpann hota hain. jisse svatah utpann antrik parivartan ka mansik anubhav hone lagta hain. is sthiti par akar sabhi rahasya khul jate hain. yadyapi yantra ka sthul arth samjhna saral hain. parantu iska antrik arth samjhna saral nahin, kyonki multah shraddhapurvak kiye gae prayason ke atmik anubhav se hi ise jana ja sakta hain. yantra ki pran-pratishtha panchagavya, panchamrit evan gangajal se pavitra karke sanbandhit mantra se ki jati hain. bina pran-pratishtha ke yantra ko puja sthal par nahin rakha jata. aisa karne se nakaratmak kirnon ke prabhav se hani hone ki sanbhavna rahti hain. puja hetu margadarshan, anek prakar ke yantron ko ek bar pran-pratishtha ke pashchat niyamit puja ki avashyakta nahin hoti aur ve jivan paryant rakhe ja sakte hain. yantron par adharit kuch vishesh mandir yantron ki adbhut mahima ko dekhte hue, yahan prachin kal se hi yantron par adharit mandiron ka nirman kiya jata raha hain. yah bhi manyata rahi hai ki jo mandir yantra adharit hote hain, ve apna vishesh dharmik mahatva rakhte hain. aise hi kuch mandiron ki sankshipt jankari yahan di ja rahi hain. 1. ayal ka mendhak mandir bharat ka ekmatra mendhak mandir hain. yah mandir uttarapradesh men lakhnau ke aeyal kasbe men hain. mendhak mandir desh men apne dhang ka akela aur anokha mandir hain. iska nirman rajya ko sukhe v barh jaisi apdaon se bachane ke uddeshya se kiya gaya tha. manduk yantra par adharit yah mandir gyarhvin shati ke shaskon ke dvara kiya gaya tha. iski rachna tantravad par adharit hain. iski parikalpana ek prasiddh tantrik ne ki thi. 2. shri yantra mandir: shri yantra mandir haridvar ke kanakhal namak sthan ka vishesh mandir hain. yah mandir apne ap men adbhut kala ka adarsh namuna hain. is mandir men vishesh rup se tripur sundri ki puja ki jati hain. yantron ki upyogita yantra devashaktiyon ke pratik hain. jo vyakti mantron ka uchcharan nahin kar sakte, unke lie puja men yantra rakhne se hi manorath siddh ho jate hain. pratyek yantra ka apna alag mahatva hai. kai yantra hamen sukh-samriddhi pradan karte hain. prachin kal se hi, bhartiya sanskriti men sukh-samriddhi, dirghajivan, evan achche svasthya ke lie, yantra, tantra-mantra ka mahatvapurn sthan raha hain. vibhinn prakar ki adhyatmik mahatva ki akritiyon yantra ke rup men, sone, chandi, tanba, ashtadhatu athva bhoj patra par vibhinn shaktiyon ko jagrat karne ke lie banai jati hain.