kya narendra modi banenge pradhanmantri  

kya narendra modi banenge pradhanmantri ravi jain vyakti-vishesh ka janmang aur bhagya kitna bhi prabal kyon n ho, vah apne desh ke pradhanmantri pad ko tab tak sushobhit nahin kar pata jab tak ki us desh ke sitare uski apni grah dasha ke kram tatha chunav ke samay ke gochar se purnatah anurupta prapt nahin karte. aiye, karte hain, isi drishti se bharat evan modi ke janmang v gochar ka satik jyotishiya vishleshan. bharat aur modi ki kundliyon ke aiye, jyotish vidya ke sinddhatanusar shri narendra modi ke janmang ka jyotishiya vishleshan kar yah janne ka prayas karte hanai ki kya modi desh ke agle pradhanmantri ho sakte hain ? takniki sanchar madhyam se upalabdh jankari ke mutabik shri modi ka janm gujrat pradesh ke vadanagar men 17 sitambar 1950 ko dopahar 12.21 baje anuradha nakshatra dvitiya charan men 19 ansh par vrishchik lagn men hua. lagn men svagrihi mangal evan chandra grah ki yuti se lakshmi yog, mangal se ruchak yog, uchch budh ke sath surya ki yuti se budhaditya yog bana hai. iske alava prajasukh ke karak grah shani evan shukra ke kendra men hone se jatak parakrami, sahsi, tark ke sath shidhra nirnay lene ki kshamata, shatruon evan virodhiyo par kabu pane vala bade vyaktiyon v sadhu-santon ka adar karne vala evan prashasan ka safal sanchalan karne ki kshamata ke sath janta ko khush karne v sena nayak ke rup men apni chavi banane vala hota hai. in gunon ko shri modi ke svabhav men pratyaksh dekha ja sakta hai. aie, jante hain shri modi ke janmang evan grah nakshatron ke yog-sanyog kya batate hain? shri modi ki janmapatrika men surya 00. 39 ansh evan shani 29.40 ansh par uttarafalguni nakshatra men hai jiska svami surya hai. dono grahon ke ansh bal evan mritya avastha men hone se grahon ka krur prabhav nirbal ban gaya hai jisse dono ke madhya shatruta bhav kam hua hai. dasham bhav men shani ke sath shukra ki yuti hai aur shani -guru ka apas men drishti-sanbadh hone se janta men svachch chavi ke sath hi bhrashtachar par ankush evan suprashasan chalane men shri modi saksham rahe hain. ekadash bhav men uchch ke vakri budh evan ketu surya grah ke nakshatra men hain. in donon grahon ki yuti surya ke sath hone se gujrat rajya men desh evan videsh ke arthik nivesh ko lane men shri modi prashasnik, rajniti evan kutniti se anya pradesh ki tulna men adhik safal hue. vahin lagn men sthit bhagya bhav ka svami nich chandra v svagrahi mangal ki purn drishti sangathan bhav par hone se shri modi ki vichardhara se kabhi-kabhi sangathan ke sath vaicharik matbhed hote rahte hain. ve apni ahan chavi ke karan bhi desh-videsh men vivadit ho jate hai. lekin anttah modi ka hi paksh majbut hota hai. shri modi gujrat rajya men pahli bar aktubar 2001 se disambar 2002 tak shukra-budh-shukra ki dashantar men tatha disanbar 2002 se disanbar 2007 ke madhya dusri bar mukhyamantri bane. modi ki kundli men shukra prajakarak grah shani ke sath dasham bhav men hai aur ekadash bhav men uchch ke budh ki pratyantar dasha men modi ko mukhyamantri pad dilaya. isi prakar tisri bar disanbar 2007 men surya men shani ki antardasha chal rahi thi. sinh rashi me shani dasham bhav men hai tatha uchch ke budh ke sath surya ne budhaditya yog ka nirman kiya hai. surya-shani ki prakritik shatruta hote hue bhi is yog ne shri modi ko mukhyamantri pad ki shapath dilai. kundli men surya, shani dono hi kam anshon ke sath surya ke nakshatra men hone se surya balshali raha hai. guru-shani ki apas men purn drishti evan pancham bhav men rahu aur us par surya budh tatha ketu ki drishti hone ke karan modi vivadon men hokar nyayalay ke chakkar bhi lagate rahe hain. lagn evan shashtam bhav ke svami mangal ka svagrahi hokar lagn men hona sahsi, parakrami, nirnay kshamata men vriddhi karta hai jiske karan shri modi ko shatruo par vijay prapt hoti rahi. ‘‘ iska taja udaharan hal hi men bhajpa ki rashtiyakaryakarini ki baithak munbai men shri modi ne apni sabhi sharton ko bhajpa ke alakman se manvakar apna varchasva kayam rakhne men safal hue hain. dusri or svatantra bharat ki vrishabh lagn ki patrika ke tritiya bhav ki kark rashi men panch grahon (surya, budh, shukra, shani, chandra ) ki yuti hai. desh men abhi tak mangal, shukra, surya evan shani grahon vale vyakti hi pradhanmantri pad par asin hue hain. inmen se mangal evan shukra rashi ka varchasva pradhanmantri ke lie adhik raha hai. grahon ke man se san 1947 se 2012 vartaman samay tak bharat mane chaidah pradhanmantri hue hai. inmen grahon ka prabhav is prakar raha hai. mangal grah -sarvashri lalbhadur shastri , charnsinh , chandrashekhar , atlbihari vajpeyi , (4) shukra grah - shrimti indira gandhi , rajiv ganadhi , vishvanathapratapsinh , indrakumar gujral (4) shani grah - shri javahrlal nehru, guljarilal nanda (2) surya grah - shri morarji desai , manmohnsinh (2) budh grah - pi.vi. narsinhrav (1) bharat ke loksbha chunav 2014 men hone hanai lekin achanak rajnaitik ghatnakram badlne par chunav janvri 2013 men hone ki sthiti men akashiya grahon ki sthiti ke man se surya makar mane, shani tula men, vrishabh men guru, makar rashi men mangal tatha rahu tula men aur ketu mensh men gochar karegen. janvri men bharat ki kudanli ke man se surya men shani ki antardasha rahegi. shri modi ko us samay bhagya bhav ki rashi kark ke svami chandra men rahu men ketu ki dashantar rahegi. tula rashi men rahu aur shani dvadash bhav men gochar karegen. dvitiya evan pancham bhav ki rashi ka svami guru marak sthan saptam bhav men, dasham bhav ki rashi nisanh ka svami surya apni rashi se shashtam hokar tritiya bhav men gochar karega jo modi ko pradhan mantri banne men badhak ban sakte hain. vartaman loksbha ki niyat avdhi purn ho jane par navanbar 2014 men chunav hone ke samay bharat ki kundli men surya men shukra men surya ki dashantar hogi. vahin shri modi ke lie chandra men guru men chandra athva mangal ka dashantar gochar mane rahega. gochar grahon ke man se surya shani evan shukra vrishchik men, guru kark men, mangal dhanu men v rahu kanya men, rahegen. shri modi ki kundli ke man se lagn men dasham bhav ka svami surya, tritiya bhav evan chaturth bhav ke svami shani evan saptam v dvadash bhav ke svami shukra ki yuti rahegi. lagn tatha shashtam bhav ka svami mangal apni rashi se dvitiya evan navam hokar dvitiya bhav men gochar karega. guru uchch ka hokar bhagya bhav men hoga. us vakt shri modi ko lagn, pancham evan bhagya bhav ki danshatar rahegi aur bharat ke man se tritiya bhav men kark rashi men guru ki bhagya bhav par purn drishti hogi. surya, shani, shukra ki saptam bhav men yuti hogi tatha us samay bharat ki surya evan shukra ki danshatar hogi. bharat aur modi ki kundliyon ke grahon ki chal ke man se shri narendra modi ke bharat ke agami pradhanmantri banne ke prabal yog bante hain. lekin modi ke lie badhak grah, bhagya bhav ki rashi kark ka svami chandrama hota hai jo lagn men nich ka hokar mangal ke sath hai. mangal evan chandra ki purn drishti sangathan bhav saptam par purn hone ke karan modi evan sangathan ke madhya apsi matbhed ubhar sakte hanai jisse shri modi ko niptna hoga.