bhartiya udyog ki rirh tata samuh  

bhartiya udyog ki rirh tata samuh ashok sharma kisi bhi udyog ki sthapna ke lie avashyakta hoti hai parakram aur sahas ki. sath hi dhan, bhagya aur karm bhi avashyak hain. yadi prayas lagan aur samarpit bhav se kie jaen to saflta prapt hoti hai. janm kundli men pratham bhav sharir evan vyaktitva, dusra dhan, tisra parakram, chaitha janta, bhumi, bhavan evan sukh, pancham buddhi-vivek, saptam vyapar, navam bhagya, dasham karm, ekadash ay v labh ka bhav hai. tata samuh ke sansthapak ne jab lagan, mehanat aur vishvas se udyog ki sthapna ki tab shayad unhonne socha bhi nahin hoga ki unki sanstha itna vishal svarup dharan kar legi. iski bagdor jinhonne bhi sanbhali, uÿaroÿar pragti karte gae. samuh ki tin pirhiyon ki kundliyon ke vishleshan se yah spasht hota hai ki vyapar se labh ke prabal yog yadi kundli men hon to vyapar, vyavsay men saflta avashya prapt hoti hai. aj sheyar bajar men aisi kanpniyan bahut kam hain jinmen niveshak bina sanshay ke nivesh kar sakte hain. tata samuh unmen se ek mahatvapurn v vishvasniya nam hai. aie jyotishiya vishleshan se janne ka prayas karte hain ki aisa kyon hai? ashok sharma s vyapar bhav (saptama) ke svami ki karm bhav dasham men sthiti jatak ke safal vyapari ya udyogpti hone ki suchak hoti hai. s yadi kendra ka svami kendra ya trikon men ho, to ‘vistar yog’ hota hai. aise vyakti ki siddhi, karya kshetra ya vyapar vyavsay ka kshetra vistrit hota hai. sar dorbji tata ki kundli men saptamesh karm bhav men tatha karmesh surya svagrihi hai. kendra ke svami surya aur shukra ke kendra men v shani tatha mangal ke trikon navam bhav men sthit hone ke karan vistar yog banta hai. tata samuh ka udyog, vyavsay aur prasiddhi anya kisi bhi udyog gharane se kam nahin hai. dasham, ekadash tatha dvitiya bhav ke svamiyon ka apsi sanbandh dhan prapti aur dhan sangrah ka yog banata hai. is kundli men dashmesh surya v ekadshesh budh donon ki yuti tatha budh ki mithun rashi men sthit dhanesh brihaspati ki dhan bhav par saptam drishti ke karan dhan sangrah ka shreshth yog bhi ban raha hai. dhan sthan tatha dhanesh par pap grah ki drishti n ho to bhi dhan sangrah ke achche avasar prapt hote hain. is kundli men dhan bhav tatha guru donon hi rahu aur shani ki drishti se mukt hain. kundli men chandra aur mangal ki yuti hai aur sath men shani hai. yah yog dhandayi hota hai aur iske falasvarup dhan sthir bhi rahta hai. lagnesh nich ka hokar bhagya sthan men hai. kal sarp yog ke karak rahu ki navam bhav, lagn, lagnesh tatha ekadash bhav par drishti hone ke karan dorbji tata samuh ke sansthapak bane. vastutah arthik saflta men kalasarp yog ki bhumika bhi aham hoti hai. kendra ke svami kanedra men hi hon, to akhand samrajya yog banta hai. jab char ke yag men se yadi tin kendra men hi hon to vyakti vishvavikhyat hota hai. jevm tata ki kundli men yah yog vidyaman hai. ubhychari yog, gajkesri yog, raj yog, shash yog jaise vishesh faldayak yogon ke sath sath parakram yog bhi hai. lagnesh parakram bhav men sthit hokar ashtam drishti se shani ko dekh raha hai tatha parakramesh budh par rahu ka prabhav jokhim ke sath parakram dikhane ka sahas pradan kar raha hai. lagnesh ka shani se tatha parakramesh ka rahu se sanbandh ho to vyakti dussahas bhare kadam uthata hai aur apne kshetra men khyati prapt karta hai. shri je. tata ki kundli men yah yog vidyaman hai aur yah sarvavidit hai ki unhonne ek injin ka havai jahaj urane ka vishva rikard banaya tha. dhanesh tatha lagnesh ka drishti sanbandh karmesh tatha saptamesh ka drishti sanbandh bhi hai. is yog ke karan tata apne jivan kal men saflta ke shirsh par pahunche aur sanpurn vishva men vikhyat hue. s panchmesh tatha navmesh kendra men hon aur shubh grah se yut hon to vyakti athah sanpÿia ka svami hota hai. yah yog jevm tata ki kundli men vidyaman hai. do grahon ke apas men sthan parivartan ko mahayog kahte hain. grahon ke vyatyay ko tin bhagon men banta ja sakta hai - shubh, samanya tatha ashubh. is parivartan ko sthanantar yog bhi kahte hain. is yog men janme vyakti ko kabhi bhi dhan ki kami nahin hoti. kend, trikon v dvitiya bhav se in grahon ke sanbandh hane to jatak par lakshmi sadaiv dhan barsati hai. shri ar. tata ki kundli men yah yog vidyaman hai. lagnesh tatha chaturthesh guru ke dhanesh v parakramesh ke sath sthan parivartan yog ke karan mahayog ban raha hai. saptamesh, karmesh, bhagyesh, labhesh aur dhanesh kendra men hain. is yog ke karan vah ek safal udyopti v adarsh audyogik gharane ke safal sanchalak bane. atah tata sadrish kanpni ke sheyar khariden, jinke mukhiyaon ki kundli men labh evan dhan sangrah ke shreshth yog hain, to koi mand bhagya niveshak bhi labhanvit ho sakta hai. is samuh ke labh ka anupat kisi bhi prakar se sandehaspad nahin hai.