jab ashcharyarchachakit hueue hanumuman pra bhu sarvavyapt hain, sarvagya hain. prabhu ki kripa samast sansar ko chahie par ise prapt karne ka marg atyant jatil hai. iske lie nishchal bhakti chahie. bhakti men asim shakti hai. yah yadi niahsvarth ho to svayan prabhu bhakt ke bhakt ho jate hain. bhakti ke anek prasang hamen hamare dharmagranthon men mil jate hain. aisa hi ek prasang hai ramayan men us samay ka jab bhakt pravar mahavir hanuman sanjivni buti lane parvat par gae the. katha hai ki sanjivni parvat khand ko uthane ke purva hanuman ji ne bhakti aur adar ke sath uski pradakshina ki. pradakshina ke samay unhen apne andar apar shakti aur sfurti ka bhan hua aur man asim utsah se bhar gaya. parikrama puri karne ke bad bajrangbli ne vandan karne ke lie jaise hi shish jhukaya, un par akash se divya sugandhit pushpon ki varsha hone lagi, divya vadyon ki karnapriya dhvani chahun or gunjne lagin aur ek mamtamyi madhur vani sunai pari, “vats hanuman! tumhari jay ho. tumhare sabhi karya sada susanpann honge aur vijayashri tumhara varan karne ke lie hamesha atur rahegi.” hanumanji ne sir upar uthaya to dekha ki divya prakash-punj ke madhya mata sita antriksh men khari muskara rahi thin. unka dahina hath var mudra men tha. hanumanji ashcharyachkit rah gae. vah sochne lage ki mata to dusht ravan ki ashok vatika men thin, fir vah yahan kaise dikhai de rahi hain. lekin sitaji tatkal antardhan ho gain aur unke pichle ank men hamne prem ki mahima ka chitran kiya tha, is ank men bhakti ki garima ka varnan prastut hai jise parhakar pathkon ko uske mahatva ka gyan hoga aur unhen bhakti ki prerna milegi... sthan par bhagvan shriram prakat hue - jatajut bandhe hath men dhanush aur kandhe par tunir. fir to hanumanji ka vismay aur bhi barh gaya. vah kuch puchne hi vale the ki shriram antardhan ho gae aur unke sthan par lakshmanaji prakat ho gae. ab hanumanji ke ashcharya ki sima nahin rahi. unki ankhen band ho gain. unke man men aya ki jin mritapray lakshmanaji ke lie vah sanjivni lekar ja rahe hain, vah to puri tarah svasth hain. fir hanumanji ne ankhen kholin to dekha ki vahan bhagvan shankar apne ardhanarishvar rup men virajman hain. tab pavnputra ke hath svatah jur gae aur unhonne shraddhapurvak shish jhukakar ardhanarishvar ko pranam kiya. bhagvan shankar ne muskarate hue kaha, “vayunandn! ashcharyachkit kyon ho rahe ho? sarveshvar prabhu shriram ki lila vichitra hai. use dekh-sunakar agyani mohit hote hain, tum to ‘gyaninamagraganyan buddhimtanvrishthan’ ho. apne mul svarup ko smaran karo. jo main hun, vahi tum ho aur jo tum ho, vahi main hun. mujhmen aur tum men kuch antar nahin hai. aisa pratit hota hai ki sanjivniyon ko le jane ke utsah tatha ullas ke karan tumhari vichardhara bhautik star par utar gai hai. tanik socho, sanpurn srishti ki udbhava-sthiti-sanharini jagajjanani adi shakti sita mata ko dushth bhav se sparsh bhi karne ki shakti kismen hai? fir tuchch ravan dvara unka apaharan prabhu ki lila nahin to aur kya hai? isi prakar dhara ko dharan karne vale sheshavtar lakshman kisi rakshas ke prahar se murchchit ho sakte hain kya? ab prabhu shriram ki bat lo. vah sachchidanand svarup hain. maya, sat-raj-tam gun, rag, dvesh, harsh, vishad adi doshon se rahit hain. fir bhi raj-sukh ko tyagakar van-parvat men vicharan karte hue sardi-garmi-varsha ka kasht sahan kar rahe hain. kyon? unhonne manv-sharir dharan kiya hai. atah maryada purushottam ki bhumika ka nirvah karte hue sansar men manv-jivan ka adarsh sthapit karna hai. apni bhagavatta ka pradarshan vah nahin karna chahte. yahi prabhu dvapar men jab shrikrishn ke rup men avtrit honge, tab pag-pag par maryada ka ullanghan karne men vah tanik bhi nahin hichkenge. yahi nahin, vah apni bhagavatta ka udghosh bhi karenge. tab bhagvan shrikrishn ki prabhuta evan sarvashaktimatta dekhakar sabhi rishi-muni tatha devagan ‘sarva dev prati kritan puja vasudev svayan grahnti.’ siddhant ki ghoshna karenge. fir aise prabhu ki lila men ashcharya kya karna ki jo shri lanka men murchchit lakshman ke pas shokamagn baithe the, ve yahan kaise dikhai pade.“ hanumanji kuch kahen, iske pahle arddhanarishvari, adyashakti, bhagvti parvati bolne lagin, ”he anjni kumar! yadyapi anima, garima adi siddhiyan tumhen pahle se hi prapt hain to bhi tumhari siddhiyon ko sudrirh karne ki drishti se main tumhen vardan deti hun ki tum apne sharir ko ichchanusar ati sukshm, sthul, bharhin, mahabharyukt, lupt ya prakat kar sakte ho. mere is nirdesh ko dhyan men rakhna ki in siddhiyon ka upyog apne lie n karke prabhu ki seva ya bhagavad bhakton ka sankat dur karne ke lie vartaman athva bhavishya kal men karna. ab main tumhare mastak par vijayashri ke rup men sindur ka tilak karti hun.“ fir bhagvti ne mang se thora-sa sindur nikalakar hanumanji ko tilak lagaya. tab ek bar fir akash se pushp varsha hui tatha vibhinn vadyon ki madhur dhvani gunjne lagi. hanumanji ne atyant shraddhapurvak jagajjanani adyashakti ke pavan charan kamal sparsh kie. bhagvti ne kaha, ”hanuman! ab se sadaiv tum sindur se pujit hoge, sindur tumhen bahut priya hoga tatha pratyek vivahita sindur ke madhyam se apne pati ka ayu-vardhan karti rahegi.“ mata se vardan lene ke bad pavnputra ne samay ka anuman lagane ke lie akash ki or dekha aur yah dekhakar ashcharyachkit rah gae ki samay jahan ka tahan ruk sa gaya tha. samay vahi tha jo lanka se chalte samay tha. hanumanji ke man men yah prashn ghumrne laga ki kya samay sthir ho gaya? unke man men chal rahe is uhapoh ko antaryamini jagdanba ne bhanp liya aur snehsikt vani men bolin, ”vatsa! kya soch rahe ho? samay ki bat samanya buddhi valon ke lie hai, tum jaise mahagyaniyon ke lie nahin. tum sarvagya ho, sarvagunsanpann ho tatha sarva samarth ho. bachapan men rishiyon dvara die gae shap ke vashibhut bhole bane rahte ho. achcha suno, main tumhen samjhati hun. yog yogeshvar bhagvan shiv, sachchidanand shri sitaram, sarveshvar shri radhakrishn sab prakriti ke niyamak hain. apne bhakton ke manoranjan ke lie ve jab koi lila karte hain, tab kal evan prakriti donon astitvahin ho jate hain. surya, chandra aur nakshatron ki gati ruk jati hai. kshiti, jal, pavak, gagan aur samir sabko apni sthiti ka vismaran ho jata hai. tab sara brahmand prabhu men lay ho jata hai. maruti! tum bhagvan shri sitaram ke param kripapatra ho. asha hai, tum sab samajh gae hoge. ab apne vivek ke anusar age karya sanpann karo.“ itna kahakar bhagvan arddhanarishvar antardhan ho gae. shraddhavanat hanumanji ne prabhu ke charnon men shish jhukaya. tatparya yah ki nishchal bhakti men asim shakti hoti hai. yah nishchal bhakti hi thi ki anjni sut hanuman ko sarvatra apne aradhya shri sitaram dikhai dete the. yah bhakti men nihit shakti hi thi, jisne unhen param shaktishali banaya. islie, ishvar ki bhakti men dub jao - purnatah nishkam, niahsvarth hokar. dena sikho - badle men kuch pane ki lalsa ke bagair. fir apne men asim urja ke sanchar ka anubhav karoge.
Kya aapko lekh pasand aaya?
Subscribe