vastu evan bhagya pan. gopal sharma, bi. i har vyakti ka bhagya uske purva karmon ke anusar pahle hi nirdharit athva nishchit hota hai. vastu bhi prakriti ke niyamon ka palan kar manushya ke bhagya ka uday karta hai. yadi vastu galat ho evan bhagya anukul to sangharsh kam to honge, parantu samapt nahin honge. yadi bhagya kharab ho evan vastu anukul, to pareshaniyan kam hongi, lekin khatm nahin. yadi bhagya evan vastu donon hi kharab hon, to manushya jivan bhar sangharshapurn sthiti se nijat nahin pa sakta. lakshmi, dhan, karobar ityadi vyakti ke bhagya ke alava ghar, dukan, faiktri ityadi ke akar, prakar evan antrik vibhagon ki avastha tatha uske aspas ke vatavaran par bhi nirbhar karte hain. vastushastra prakriti ke anusandhan par adharit vah uchch koti ka vigyan hai, jo hamen panch bhautik tatva jal, vayu, agni, akash v bhumi men santulan banae rakhne ki shiksha deta hai. uÿar disha se manushya ko chunbkiya ya gurutvakarshan shakti ki prapti hoti hai jo mastishk ko sajag rakhne men hamari madad karti hai. purva disha se saur urja ka agaman hota hai jo manushya ke sharir ko urjavan karne men sahayta karti hai. uÿar-purvi disha manushya ko kaesmik urja arthat pran-urja pradan karti hai jiske karan manushya svayan ko kriyashil mahsus karta hai. vastu dvara ham bhagya ko badal to nahin sakte, par apne jivan ko sukhamay banane aur uske marg men ane vali badhaon ko dur karne ki cheshta jarur kar sakte hain. vastu ke siddhanton ke anurup upay kar jivan ki anek kathinaiyan kam ki ja sakti hain. uÿar tatha uÿar-purvi disha men sthit bhumigat jal vyavastha se grihvasiyon ko dhan ki prapti evan karobar men vanchit unnati hoti hai. jis bhavan ke charon taraf ghumne ke lie paryapt rasta hota hai, usmen rahne vale logon ko apar dhan-sanpda evan yash-vaibhav ki prapti hoti hai. uÿar ki gali ke makan men uÿar ya uÿar-purva men darvaja lagvane se ay ke sroton men vriddhi tatha yash ki prapti ho sakti hai. purva disha vansh vriddhi ki disha kahlati hai, atah bhavan nirman ke samay bhukhand ka kuch sthan khula chor dena chahie. is disha men khushhali evan vyaktigat, parivarik v arthik vikas hetu per-paudhe lagane chahie. ghar men is sthan ko svachch rakhne par kisi bhi karya ke safal hone men der nahin lagti. dakshin-purva disha manushya ko svasthya pradan karti hai. is disha men kisi bhi prakar ke dosh ka hona svasthya ki hani, grih-svami ke krodhi hone, parivar men ek dusre ke vaimanasyata evan karobar men rukavat ki samasya ka karak hota hai atah is sthan par kisi bhi rup men jal vyavastha nahin karni chahie. dakshin disha dhan, saflta, khushi, sanpannata aur shanti ki datri hai. ise jitna bhari uncha rakha jata hai yah utni hi labhdayi siddh hoti hai. kintu is disha men shisha ho, to anavashyak vyay evan bimari ki sanbhavna rahti hai. dakshin bharat men sthit tirupti mandir sanpannata ka khas udaharan hai. dakshin men pahar aur usi disha men nirmit sirhiyon, bhandar aur shayanakaksh ke karan yah mandir dhan-dhanya, samriddhi, yash adi se yukt hai. rnai tya (dakshin-pashchim) disha vyakti ke namra evan charitravan hone men sahayak hoti hai. atah bhunkhad ka yah bhag grihasvami ke shayanakaksh hetu ati uÿam hota hai, kintu iske doshpurn hone (jaise iske barhe athva kate hone ya ismen jal ki bhumigat vyavastha, besment athva gaddha hone se) grihasvami chirkalik rahasyamyi bimari tatha arthik v mansik pareshaniyon se pirit hota hai. pashchim disha saflta, kirti, yash evan aishvaryadayini hoti hai, kintu is disha men dosh hone ke karan manushya ka jivan sangharshamay hota hai. vayavya arthat uÿar-pashchim disha mitrata evan shatruta ka karak hoti hai. yadi yah disha dosh rahit ho, to suavsron ki prapti ka yog banati hai, parantu is disha men maujud koi bhi dosh karyon men rukavat, mukdmebaji, akaran dushmani adi vibhinn samasyaon ka vahak hota hai. is disha ke band, barhe athva ghate hone ya ismen gaddha ya bhumigat jalashay hone se grihasvami ko vibhinn samasyaon ka samna karna parta hai. upar varnit binduon ka dhyan rakhte hue nimn baton ko apnakar bhagyonnati ki ja sakti hai tatha jivan men sangharsh ko kam kiya ja sakta hai. bhavan ke uÿar-purva ya uÿar men bhumigat taink, nal aur pani ki vyavastha karen. uÿar v purva ka jyada se jyada bhag khula rakhen. rasoi dakshin-purva, dakshin ya uÿar-pashchim men rakhen. chat v farsh ki dhalan uÿar-purva, uÿar v purva men ho. bhari murtiyan, foto adi yathasanbhav dakshin ki divar par lagaen, uÿar ki divar par nahin. hamesha dakshin ki or sir karke soen-isse svasthya aur ayu barhegi. adhik shram ke karan thakan hone par purva ki or sir karke soen. isse pratikul shaktiyan aur virodhi paksh anukul honge aur samasyaon ka samadhan bhi hota najar aega. bhukhand ka uÿar-purvi bhag nicha ho ya usmen koi gaddha, talab, jhil, bahta hua nala ya nadi ho to aise sthan ko kisi bhi kimat par kharid len. yah bhukhand lete hi apke karobar, sukh samriddhi adi men chamak a jaegi. thore prayatn se hi bare kam ban jaenge.
Kya aapko lekh pasand aaya?
Subscribe