vastu dosh evan rog babu lal shastrai avas ke uÿar pashchim bhag (vayavya kon) ka sanbandh vayu tatva se hota hai. vayu ka pran se sidha sanbandh hai, atah is sthan ko khula rakhna shubh hai. is sthan par bhari saman nahin rakhna chahie evan n hi bhari nirman karana chahie, anyatha vayu vayu vikar tatha mansik rogon ki sanbhavna rahti hai. iske dharatal ka uÿar-purva ki apeksha thora uncha tatha dakshin pashchim se kuch nicha hona shubh hota hai. uÿar ka sthan adhik bara hone se parivar ki striyon ko tvacha sanbandhi rog ekjima elarji adi hone ka bhay rahta hai. uÿar ki apeksha pashchim ka sthan adhik bara hone se purushon ko sharirik vyadhiyan hone ki sanbhavna rahti hai. bhavan ke uÿar purvi bhag ishan kon ka sanbandh jal tatva se hai. yah sthan jyada bhari hone se bhavan ke nivasiyon ke sharir men jal tatva ka santulan bigar jata hai evan anek prakar ki vyadhiyan hoti hain. atah uÿar purva bhag ko jitna halka evan khula rakhen, utna shubh hai. is sthan par rasoi nirman nahin karna chahie, anyatha udar rogon evan parivar ke sadasyon men tanav ki sanbhavna rahti hai. is sthan par bhumigat jal bhandaran ho ya ghar men hone vali jal purti ki paip lain isi disha men ho to shubh hai. yadi parivar men koi sadasya bimar ho to use ishan kon ki or munh karke aushdhi ka sevan karane se jaldi thik hota hai. bhavan ka ishan kon kata hua nahin hona chahie, varna bhavan men rahne valon ko rakt vikar se grasit hona parta hai. striyon ko yaun rog bhi ho sakta hai, prajanan kshamata bhi dushprabhavit ho sakti hai. ishan kon men yadi uÿar ka bhag uncha ho to us parivar ki striyon ke svasthya par bura asar parta hai. ishan ke purva ka sthan uncha hone par purushon ke svasthya par bura asar parta hai. bhavan ke purvi-dakshin bhag agni kon ka sanbandh agni tatva se hota hai. is sthan par rasoi nirman karna shubh hain kintu jal stotra ya jal bhandaran karne se udar rog v pit vikar adi hone ki sanbhavna rahti hai. dakshin purva disha men yadi dakshin ka sthan adhik barha hua ho to parivar ke purushon ko sharirik v mansik pareshaniyon ka samna karna parta hai. vastu shastra ke anusar bhavan ke madhya kendra sthan ko brahm sthan ko ati mahatvapurn mana gaya hai jiska sanbandh akash tatva se hota hai. vastu men brahm sthan ka vahi mahatva hai jo manav ke sharir men nabhi ka hota hai. akash tatva se sanbandhit hone se ise khula rakhna parivar ke vikas v svasthya ke lie labhkari hai. is sthan par kisi prakar ki gandgi hone se parivar ke sadasyon ko svasthya sanbandhit pareshaniyan hoti hain. is sthan par shauchalay sirhiyan gatar septik taink adi ka nirman karne se apayash, hani aur shravan dosh adi paida hote hain. isse parivar men vikas men rukavat bhi hoti hain. atah is sthan ko khula rakhna avashyak hai. is sthan par tulsi ka paudha lagane se anek vyadhiyon v doshon se mukti milti hai.
Kya aapko lekh pasand aaya?
Subscribe