vastushastra ka mahatva evan parichay vastu shastra ka vaigyanik aur adhyatmik adhar hai. yadi ap vedon par aur bhagvan par vishvas karte hain to koi karan nahin ki vastu par vishvas n karane. jis prakar hamara sharir panchmhabhuton se mil kar bana hai, usi prakar kisi bhi bhavan ke nirman men panch mahabhuton ka paryapt dhyan rakha jae to bhavan men rahne vale sukh se rahenge. a tharvaved ka ek upved hai sthapatya ved. yah upved hi hamare vastu shastra ka adhar hai. parmpita parmatma ki asim kripa se brahma ji ko jab srishti ki rachna ka karya saunpa gaya, to brahma ji ne apne charon mukhon se char ved utpann kie tatha vastu vidya, dhanurvidya, chikitsa yani ayurvidya tatha sangitvidya ki rachna ki. vedon men jyotish se sanbandhit kul 242 shlok hain. rigved men 37, yajurved men 44 tatha atharvaved men 162 shlok hain. ye shlok hi jyotish ka adhar hain. sthapatya ved bhi atharvaved ka hi ek bhag hai. bina jyotish ke vastu vidya adhuri hai. vastu aur jyotish ka choli daman ka sath hai. vastu men muhurt ka bhi bahut mahatva hai aur bina jyotish ke gyan ke ap muhurt nahin nikal sakte. brahma ji ke manas putra shri vishvakarma ji ne jis vastu shastra ko sansar ke kalyan ke nimitt vistar se kaha hai usi ki charcha yahan ki gai hai. prabhu shri krishn ji ne mathuravasiyon ke lie ek nai nagri basane ka vichar kiya, to vishvakarma ji ko bulakar yah agya di ki tum samudra ke bich ek aisa nagar basao, jismen mathuravasi v brajvasi sukhpurvak rah saken. tab vishvakarma ji ne vahan dvarka nam ki aisi nagri basa di, jiska parkota sone ka bana hua tha tatha sabhi bhavan svarn nirmit evan ratn jarit the. vapi, kup, talab, sarovar, udyan adi sab banakar charon varnon ke rahne ke lie alg-alag sthan banae tatha sena, rath, hathi, ghore adi ke sthan bhi bana die. us samay varun devta ne shyam varn ghore, kuber ne shreshth rath aur ratn adi evan indra ne sudharma namak sabha ko dvarikapuri men pahuncha diya. yah drishtant yahan islie diya hai ki vishvakarma ji ki kripa ho jae to nirman karya men koi badha nahin aegi. kisi bhi nahar, durg, shahar, makan, bhavan, jalashay v bag ke prarambh se purva vastu purush ki puja ka bhi vidhan hai. vastu purush ka janm bhadrapad mas ke krishnapaksh ki tritiya tithi, shanivar, kritika nakshatra, vyatipat yog, vishti karan, bhadra ke madhya men, kulik muhurt men hua. brahma ji se vardan prapt vastu purush ki puja griharambh tatha grihapravesh ke samay ki jati hai. vastu purush ke sath griharambh karne vale karigar ko vishvakarma ka rup samajh kar puja jata hai. vastu shastra ka vaigyanik aur adhyatmik adhar hai. yadi ap vedon par aur bhagvan par vishvas karte hain to koi karan nahin ki vastu par vishvas n karane. jis prakar hamara sharir panchmhabhuton se mil kar bana hai, usi prakar kisi bhi bhavan ke nirman men panch mahabhuton ka paryapt dhyan rakha jae to bhavan men rahne vale sukh se rahenge. ye panchmhabhut hain- prithvi, jal, agni, vayu aur akash. hamara brahmand bhi inhin panch tatvon se bana hai, isilie kaha jata hai ‘‘yatha pind tatha brahmande’’. bhagvan ne hamen ye panch vastuen di hain bh se bhumi, g se gagan arthat akash, v se vayu, a (a) se agni aur n se nir arthat jal. bhagvan ko ¬ chinh dvara bhi rekhankit kiya jata hai. ¬ ke pratirup a se agni u se jal m se vayu, e a...rdhachandra se bhumi aur n shunya se akash in panch tatvon ka bodh hota hai. isi prakar vastu shabd bhi panch tatvon ka bodh karata hai. v se vayu, a (a) se agni, s se srishti (bhumi), t se tat arthat akash aur u se jal. jab panch mahabhuton se sharir ban jata hai to man, buddhi aur ahankar ke sahit atma ka usmen pravesh hota hai. panch mahabhuton ke lie panch grahon ko pratinidhitva diya gaya hai. prithvi ke lie mangal, jal ke lie shukra, agni ke lie surya, vayu ke lie shani aur akash ke lie brihaspati ko mana gaya hai. man ke lie chandrama, buddhi ke lie budh aur ahankar ke lie rahu ko mana gaya hai. ketu moksh ka karak hai. jis prakar sharir men in tatvon ki kami ya adhikta hone se vyakti rogi ho jata hai, usi prakar bhavan men in tatvon ki kami, adhikta ya sahi sammishran ke abhav men us bhavan men rahne valon ko kasht hota hai. panchmhabhut se nirmit sharir ko sukhamay aur svasthya rakhne ke lie jis bhavan ka nirman kiya jata hai yadi us bhavan men bhi agni, bhumi, jal, vayu aur akash tatvon ka sahi tal mel rakha jae to vahan rahne vale prani sharirik, mansik v bhautik rup se sampann rahenge. jis prakar sharir men in tatvon ki adhikta ya kami hone se vyakti rogi ho jata hai usi prakar bhavan men in tatvon ki kami ya adhikta hone se vahan ka vatavaran kashtamay ho jata hai. prithviah prithvi ke bina avas aur jivan ki kalpana bhi nahin ki ja sakti. prithvi gurutva shakti aur chumbakiya shakti ka kendra hai. inhin shaktiyon ke karan prithvi apne dharatal par banne vale bhavnon ko sudrirh adhar deti hai. vastu shastra men bhavan nirman ke lie bhumi ki pariksha, mitti ki gunavatta, bhumi ki dhalan, bhukhand ka akar, prakar, bhumi se niklne vali vastuon ka shubhashubh vichar, bhumi tak pahunchne ke marg v vedh adi ka vichar kiya jata hai. jalah prithvi ke bad jal ka nambar ata hai, kyonki jal hi hamare jivan ka adhar hai. adhikatar bastiyan samudra, nadi evan jhil ke kinaron par basi hain. shuddh jal ke kai satvik gun hain. jal ki adhikta hone se barh a jati hai aur kami hone se sukha par jata hai. vastu shastra men jal ki upalabdhata sunishchit karne ke lie nal, boring, kuna, bhumigat tanki, bhavan ke upar ki tanki, septik taink, sivej, nali, farsh ki dhalan, chat ki dhalan adi ka vichar kiya jata hai. agniah agni ka pramukh srot surya hai, jiski garmi, tej aur prakash se pura vishva v brahmand chalayman hai. surya ki sapekshata se prithvi par din aur rat bante hain. rituen parivartit hoti hain. jalvayu men parivartan ate hain. vastushastra men bhavan ke andar agni tatva ke uchit tal mel ke lie baramda, khirkiyan, darvaje, bijli ke mitar, rasoi men agni jalane ke sthan adi ka vichar kiya jata hai. vayuah jis prakar hamare sharir men vayu sharir ka sanchalan karti hai usi prakar bhavan men vayu svasth vatavaran ka sanchalan karti hai. manav ke sharirik evan mansik santulan ko banae rakhne ke lie bhavan men khuli jagah, baramde, chat ki unchai, dvar, khirkiyan v per paudhon ka vichar kiya jata hai. akashah akash anant hai. isse shabd ki utpatti hoti hai. akash men sthit urja ki tivrata, prakash, laukik kirnane, vidyut chumbakiya tarangen tatha gurutvakarshan shakti prithvi tatha anya grahon par bhinna-bhinn payi jati hai. vastu shastra men akash tatva ko mahatva dene ke lie brahm sthan khula rakhne ko kaha jata hai. chat ki unchai, baramda, khirki aur darvajon ka vichar karke bhavan men akash tatva ko sunishchit kiya jata hai. bhumi, jal, agni, vayu aur akash in panch tatvon ke uchit talmel se bhavan ke vatavaran ko sukhamay banaya ja sakta hai. pratyek vyakti dharm, arth, kam aur moksh chahta hai. sharir ko chalane ke lie arth, buddhi ko nirmal rakhne ke lie dharm, man ko khush rakhne ke lie kam tatha atma ko moksh chahie. panchatatvon ka sahi prayog kar unhen apne lie sukhamay banaya ja sakta hai.