kainsar : ek abhishap acharya avinash sinh, dilli kainsar ek asadharan rog hai. rogi ko agar doktara-vaidya yah bata den ki use kainsar ho gaya hai, to usi pal rogi ko mrityu samne najar ane lagti hai. uski bhukh-pyas samapt ho jati hai. chintaen use gher leti hain aur har vakt mrityu ke devta yamraj uske apne jivan rath ke sarthi bane najar ate hain. kul mila kar vyakti jinda lash ki bhanti apni shesh jindgi jita hai. aie jyotishiya drishti se kainsar ke karnon ko samjhne ka prayas karte hain. vastav men kainsar ek ganbhir rog hai. kainsar sharir ke kisi bhi ang men ho sakta hai. sharir ke kisi bhi ang ya bhag ki koshikaen aniyantrit rup se vibhakt ho kar us ang men ganth ;jnauvanataddh bana deti hain, to kainsar rog hota hai. in ganth-koshon men ek vishesh prakar ke protin ka nirman hota hai, jo anya svasthya koshikaon ke lie vish ka karya karta hai. sath hi ganth ki koshikaen apni pramukh koshikaon se lag kar rakt dvara sharir ke anya bhagon men pahunch jati hain aur vahan bhi apne prabhav se nayi ganth paida kar deti hain. is prakar dhire-dh aire in ganthon ki sankhya sharir men itni adhik ho jati hai ki sharir use sahan nahin kar pata aur ant men rog ke dabav se vyakti mrityu ko prapt hota hai. kainsar ki in ganthon ko, apne vikas ke lie, aksijan ;v2ddh tatha sabhi poshak tatvon ki avashyakta hoti hai, jo use sharir men milte rahte hain. yadi kisi karan se yah poshak tatva rakt dvara n mile, to ganth kali par jati hai aur dhire-dhire sikur kar nasht ho jati hain, ya fir kainsar ki koshikaen anya svasth koshikaon par akraman kar ke unhen nasht kar deti hain aur unmen maujud poshak tatvon ko grahan kar ke apne astitva ko banae rakhne men jut jati hain. shuru men kainsar ki ganthon men pira nahin hoti. par bad men vedna men vriddhi hoti chali jati hai, jo kabhi-kabhi ashniya ho jati hai. kainsar ki ganth fatne se ghav se rakt tatha mavad ka srav shuru ho jata hai. iski pira aur akar ko kisi bhi aushadhi a se kam nahin kiya ja sakta. yadi rog shuru hone ke bad, jitni jaldi ho sake, chikitsa shuru kar di jae, to rog ko roka ja sakta hai, islie avashyak hai ki pratyek vyakti ko kainsar ki shuruat hone ke karnon evan lakshanon ka pata rahe. kainsar ke lakshan tra sharir ke mansal bhag men achanak ganth ka ban jana, ya mans ka sakhat par jana kainsar rog ke sanket ho sakte hain. islie ganth ke paida ho jane par chikitsakon se salah avashya len. tra sharir ke kisi bhi bhag men masse ya til men achanak vriddhi hona aur dard rahna bhi kainsar ka sanket ho sakta hai, jiski janch jaruri hai. tra khate-pite vakt gale men taklif hona gale ke kainsar ka sanket ho sakta hai. tra pachan kriya men achanak garabar, kabj rahna, ya dast shuru hona, shauch ke vakt dard hona, peshab men rukavat ya dard hona, ye sab sanket bari ant ya mutrashay adi men kainsar ka ho sakta hai. tra striyon ke stan men ganth ya gilti ka hona stan kainsar ka sanket ho sakta hai. striyon ko svayan apne hathon se stan daba kar dekh lena chahie. yadi kahin tvacha kisi bhag men sakhat ho, ya ganth ho, to chikitsak se paramarsh len. chikitsa adhunik chikitsa pranali men kainsar ke upchar hetu shalya kriya, vikiran tatha kimotherpi ka sahara liya jata hai. shalya chikitsa : shalya chikitsa ka sahara us vakt liya jata hai, jab kainsar bahut kam faila ho aur doktaron ko yakin ho ki kainsar grast bhag ko katne se rogi thik ho jaega. rakt kainsar evan snayu tantra ke kainsar men shalya chikitsa ka upyog nahin kiya ja sakta. sharir ke bahri ang, jaise stan, janan ang, tvacha adi aur bhitri ang, jaise anten, malashay, garbhashay, haddi adi angon men hue kainsar ki chikitsa ke lie shalya chikitsa ka sahara liya jata hai. garbhashay, stan, svar yantra adi angon men kainsar hone par shalya chikitsa dvara in angon ko kat kar nikal diya jata hai. uprant rogi ka jivan samanya jaisa hi rahta hai. usmen vishesh parivartan nahin ata. vikiran chikitsa : rediyodharmi kirnon ki sahayta se kainsar grast bhag ke upchar ko vikiran chikitsa kahte hain. inmen mukhay hai kobalt kirnen. is upchar men kainsar grast bhag ko kirnon dvara garmi pahunchayi jati hai, jo us bhag ki koshikaon ko prabhavit karti hai, jisse unki vibhajan kshamata nasht hoti hai. rediyodharmi kirnon ka samanya koshikaon ki apeksha kainsar koshikaon par jald prabhav parta hai. atah vikiran ki sahayta se kainsar koshikaon ko asani se nasht kiya ja sakta hai aur kainsar ganth ka akar chota ho jata hai. vikiran chikitsa purva kainsriya ganth ki sthiti ki sahi jankari avashyak hai. ganth ki sthiti, akar, prakriti tatha vyakti ki sharirik kshamata ke adhar par vikiran chikitsa ki jati hai. kimotherpi : yah ek rasaynik chikitsa hai. rasaynon ki sahayta se kainsar grast bhag ya ang ki (kainsr) koshikaon ko nasht kiya jata hai. rasaynik chikitsa ka prabhav vyakti ke sanpurn sharir par parta hai. ye sabhi rasayan koshikaon par vish ki tarah prabhav dalte hain aur koshika vibhajan ko rokte hain, jisse kainsar ki ganthen sikurne lagti hain aur dhire-dhire nasht ho jati hain. kainsar rogi ke lie ahar kainsar rogi ko apna ahar santulit rakhna chahie. ahar men tali v masalen dar bhojan nahin karna chahie. hari sabji sag, palak, gajar aur mausmi sabjiyon ka prayog adhik karen. vitamin protin, sodiyam salfar, klorin, ayodin yukt ahar rogi ko jald achcha karne men labhkari hota hai. falon men papita, angur, amrud, anar adi kainsar men labhkari rahte hain, kyonki in men vitamin 'si' bharpur matra men hota hai aur vitamin 'si' kainsar rog ke labhkari hai. iske alava ninbu pani din men do-tin bar pien. ubli hui sabji, sup, salad, patla daliya ankurit genhu, mung ityadi alp matra men shurukar dhire-dh aire samanya ahar par laen. seb ka ras, gajar, papita, patta gobhi, angur, kishmish, munakka, anar, santra, mausmi, shahad, tulsi patte, kachche fal evan sabjiyan atyant upyogi hain. inmen kainsar avrodhi tatva pae jate hain, islie iska bharpur sevan karen. chay-kafi, tanbaku-dhumrapan, nashile padarth, chini-namak, kold drinks, pan-masala, supari, mithaiyan, aiskrim, mansahari bhojan ityadi ka tyag karen. inse koson dur rahen. yad rakhen inhin ke sevan se sharir men hone vali prakritik kriyon-pratikriyaon men rukavat ati hai jisse kai prakar ke rog utpann hote hai, jinmen kainsar ek bhanyakar rog hai. atah apne ahar ko agar prakritik aur santulit rakha jae to kainsar jaise bhanyakar rog se bacha ja sakta hai. kainsar ke jyotishiya karan jyotish men kal purush ki kundli men surya, chandra, chatha, athvan, barhvan bhav evan unke svami, kark, kanya, tula, vrishchik aur min rashi ke dushit prabhav men rahne se kainsar rog hota hai. kainsar rog dhire-dhire sharir men failta hai aur shani-rahu purani bimari aur dhire-dhire failne vali bimari ke karak hote hain. islie kainsar inhin ke dushit prabhav se hota hai. kal purush ki kundli men jo bhav uparyukt grahon, rashiyon ke dushprabhav men rahta hai, usi bhav ke ang men kainsar rog hota hai. kainsar rog sharir ke kisi bhi ang men ho sakta hai. aie dekhen, kainsar vibhinn angon men kin grahon, rashiyon ke prabhav se hota hai : sir-dimag tatha mastishk : kundli men pratham bhav sir-dimag aur mastishk ka hota hai. surya is bhav ka karak hota hai. mesh rashi bhi sir ki karak rashi hai. mesh se chathi, athvin, barhvin rashiyan paraspar budh, mangal aur guru ki hoti hain. islie surya, budh, mangal, guru ke pratham bhav men dushprabhav men rahne ke karan sir ka kainsar hota hai. mangal lagn men ho, surya chathe bhav men, guru athven men, shani gyarhven men, rahu surya ke sath rahe, chandra shani se pirit ho, to sir men ganth ;jnaumataddh evan kainsar hota hai. fefre aur shvas nali : kundli men tritiya bhav shvas nali ka hota hai. fefre shvas nali se jure rahte hain. vyakti shvas leta hai, to vayu shvas nali dvara fefron men jati hai. yahan par auksijan alag ho kar hamare rakt men chala jata hai. mithun rashi evan budh grah shvas nali ke karak hain. chandra fefron ka karak hai, islie tritiya bhav, mithun rashi, budh evan chandra ke dushprabhavon men rahne se fefron ka kainsar hota hai. chandra-budh ka tritiya sthan par shashthesh, ashtamesh, shani ya rahu ke prabhav men rahne se fefron ka rog hota hai. chandra ka shani ke sath chathe ya athven bhav men jane aur tritiya sthan ke dushprabhav men rahne se bhi fefron ka kainsar hota hai. stan : kundli men chaturth sthan stan ya chati ka hota hai. kark rashi evan chandra grah chaturth sthan ka karak hai, islie chaturth bhav, chandra evan kark rashi ke dushprabhav men rahne ke karan stan kainsar hota hai. kark rashi men rahu, chandra badhak sthan par aur badh ak grah ka chaturth sthan men mitra grah ke sath rahna tatha rahu ya ketu se drisht evan prabhavit hona aur lagnesh ka badhak grah ke sath hona ya trik sthanon par rahne se stan kainsar hota hai. pet evan anten : kundli men chatha bhav pet evan anton ka hota hai. kanya rashi evan budh, chandra, surya, shani anton ke karak hote hain. chaturth, pancham aur ashtam bhav bhi anton ko prabhavit karte hain. islie chathe bhav evan chathe bhav men pare grahon ka dushprabhav men hona anton men kainsar deta hai. lagnesh trik sthanon par chaturthesh, pancham evan ashtesh ke sath ho, rahu kark rashi men rahe aur surya, chandra ko dekhe, budh-chandra shani se yuti banae aur lagn par badhak grah ki drishti ho, to vyakti pet evan anton ke kainsar se pirit rahta hai aur lanbi bimari ke bad dhire-dhire mrityu ko prapt karta hai. garbhashay : kundli men panchvan, satvan aur athvan bhav garbhashay ka hota hai. tula, vrishchik rashi evan shukra, mangal aur chandra grah garbhashay ke karak hote hain. stri ki kundli men in sabhi ka dushprabhav men rahne ke karan garbhashay ka kainsar hota hai. kundli men agar lagnesh trik sthanon men rahe, shashthesh evan ashtamesh pancham bhav men apne mitra grahon se drisht evan yukt ho, chandra shani ke prabhav men rahe, rahu-mangal ashtam sthan par hone se garbhashay ka kainsar hota hai. rakt : kundli men chaturth evan pancham bhav kramshah hriday, yakrit (livr) tilli ke hote hain. rakt livar men banta hai tatha hriday use sare sharir men dhamniyan dvara, pahunchane ka kam karta hai. islie kark, sinh rashi, chandra-surya aur mangal rakt ke karak mane jate hain. mangal rakt men lal kanon ko banata hai aur rakt men hone vale dushit prabhavon ko rokne men sahayak hota hai. vaise mangal asthi majja ;thavadam danttvuddh ka karak hai. kundli men lagnesh ki kamjor sthiti, pancham evan chaturth sthanon men shashthesh ya ashtamesh ka hona, surya-chandra, rahu ke prabhav men rahna, mangl-shani se buri tarah pirit hone se rakt kainsar hota hai. shani, mangal aur chandra ki yuti pancham bhav men dushit prabhav men rahen aur lagnesh chathe, athven evan barhven sthan par rahe aur lagn men rahu ya rahu ki drishti rakt kainsar se mrityu deti hai. gala (thayroed) : kundli men dusra-tisra bhav gale ka hota hai. vrish rashi, shukra aur surya grah iske karak hote hain, islie dusra-tisra bhav, vrish rashi, surya aur chandra jab dushprabhav men rahte hain, to gale ka kainsar hota hai. kundli men shani-chandra dusre bhav men badhak grah ke sath hon aur lagnesh tisre sthan par ekadshesh-ashtamesh ke sath yuti bana raha ho aur rahu lagn men ho, ya lagn par drishti ho, to gale ka kainsar hota hai. mutrashay : kundli men saptam bhav mutrashay ka hota hai. tula rashi, shukra evan chandra grah iske karak hote hain. kundli men tula rashi men rahu ho, badh ak grah saptam bhav men lagnesh ke sath ho aur lagn men chandra-shani yukt ho aur shukra shani se drisht ho, saptamesh ashtam bhav men mangal se yukt hon, to mutrashay ke kainsar ko paida karta hai, jo vyakti ki mrityu ka karan ban sakta hai. uparyukt sabhi yog apni dasha-antardasha men rog utpann karte hain. jab shani-rahu ka gochar dushprabhav vale grahon ki dasha par hota hai, to rog hota hai. agar antardasha thik ho aur dasha rog karak ho, to rog ho kar thik hone ki sanbhavna barh jati hai. chathe-athven svami ya janm lagn par jab shani-rahu ka gochar hota hai, to rog ki shuruat hoti hai. jab kainsar rog ka asani se pata chale, to aisa vrishchik rashi ke dushprabhav men rahne ke karan hota hai. kisi sthan par kainsar ki ganth lagatar barhti jae, to aisa guru ka uchch rashi men dushprabhavon men rahne se hota hai. shukra aur yogkarak shani ka anya dusre grahon ke prabhav men rahne se bhi aisa hota hai. jaldi se failne vala kainsar rog jal rashiyon ke prabhav men rahne se hota hai. dushit grahon ka chathe, athven bhavon ke svami ke sath, badhak grahon ka trik sthanon men jana aur trik svamiyon ka badhak bhav men ana, in grahon ki dasha-antardasha men rog utpann hota hai. svasth lagnesh, chandra aur surya vyakti ko jald rog mukt karne men sahayak hote hain.