shani ka shubhatva aur kripa paen naye varsh men do. vibhashri adhikansh log shani pira se trast hote hain. shani pira ki sthiti men agar vyakti nimn upay kare to pira se mukti tatha shani kripa prapt ho jae. nitya dakshin disha ko pranam karen aur dakshin men hi sirhana karke soen. pashchim disha men mukh karke sare karyon ka sanpadan karen. apne devalay men shanidev ka asan jarur banaen aur unki tasvir ke samaksh nitya tel ka dip jalakar unke mantra kk shan shanaishcharay namah ka jap karen. pratyek shubhkarya ke purva badha nivaran ki prarthana karen. kisi bhi din kisi bhi samay shanidev ke nam se pahle pipal par pani vala nariyal forakar adha pipal par chor den aur adha logon ko bant den. yah sab karne ke bad karya ke lie age barhen. prati shanivar ko kala vastra pahnen. ratri men sote samay ankhon men surma lagaen aur sarson ke tel men kapur milakar balon men tatha sharir par lagakar soen. koi shubh karya bhi shanivar ko hi karen. loha, koyla, tel, petrol, chamra, mashinri, faiktri, rasayan, medikal, vahan, gairej, auto parts, krishi, khadya samagri, krishi aujar, thekedari, nirman karya, thok vyapar, hardavear, pents, velding, chay ya kali vastu se jura vyapar karen, labh milega. koi bhi vyaparik samagri shanivar ya amavasya ke din n khariden. mahilaon se apne bhagyoday ke lie sahyog, samarthan aur margadarshan prapt karen, pragti hogi. apne se kafi bari umra ke vyakti ke sath karya-vyapar karen. apne se choti jati ke nirbal vyakti ki madad karke use apna sahyogi banakar karya karen, labh hoga. sarak ke kinare baith kar jute chappal banane jorne ka karya karne vale mochi (chamar) jati ke vyakti ko ek naya chata shraddhapurvak dan karen. dipavli ke din isi jati ke kisi sanpann shreshth vyakti se sahyog lekar labh uthaen. shanivar ko thora tel aur ek-ek mutthi gur, urad aur til kisi bhi shani mandir men ya pipal ko arpit karen. amavasya ke ek din purva ghar ya vyaparasthal ki saf safai ya dhulai bahut achchi tarah se karen aur amavasya ke din mukhay dvar par donon taraf do dip jalaen. amavasya ko kisi karya ki purti ki mannat lekar kisi garib ko ratri men bhojan karaen, shani ki kripa prapt hogi. shanichri amavasya ke din adhik garibon ko bhojan karaen ya ann banten, punya prapt hoga. isi din garib ko apna purana vastra bhi dan kar sakte hain.
Kya aapko lekh pasand aaya?
Subscribe