nae varsh men ghar ki sajavat men badlav lakar khushhali paen acharya priya arora ghar ke sajo saman aur antrik vyavastha vyakti ke jivan v bhagya ko gahre prabhavit karti hai. nae varsh men ghar ki vyavastha men parivartan laen aur aur har kshetra men saflta paen. va stu shastra evan jyotish shastra ke sanbandh kafi gahre hain. vastu ke gun tatha doshon ka grihasvami evan uske parivar par anukul aur pratikul prabhav parta hai. jis prakar kisi vyakti ki janmakundli ke adhar par uske bare men kafi kuch bataya ja sakta hai, usi prakar ghar ki sanrchna evan antrik vyavastha ko dekhakar usmen rahne vale sanpurn parivar ke vishay men jana ja sakta hai. pratyek vastu evan kakshon ke karak grah hote hain. nal, kuan, boring adi chandra se, rasoighar, ilektrik mitar, gijar, kolam, khanbha, tikona akar, lal int, patthar ka malba adi mangal se aur andhera kamra, vriksh ka mota tana, tuti int ya darar vali divar, kuradan, gandgi adi rahu se sanbandhit hote hain. puja sthal, parhai ke kamre, goshala, pakke makan adi ka karak guru mana jata hai. anaj bhandar, bhojan kaksh, ovrhed bim, lohe ki vastuen, khanbha, indhan, adi ka karak grah shani hai. baithak kaksh, bagicha, lanba galiyara, dirghakar shayanakaksh, vriksh, jhari adi budh se talluk rakhte hain. toylet, bathrum, nali, septik taink adi ka pratinidhitva ketu karta hai. shayan kaksh, shringar ke sadhan, tijori, do jurvan vastuon, shreshth rang pradhan vastuon adi ka karak shukra tatha unchi jamin, patthar, agnisthan adi ka karak surya hai. ghar ke bhitar se purva disha ki dayin khirki ka karak surya aur bayin khirki ka karak chandra hai. ghar men mukhay darvaje se ghuste samay dayin taraf ke kshetra ka karak rahu tatha bayin taraf ka karak ketu hota hai. ajakal jyadatar log vastu ke adhar par hi vibhinn parisron ka nirman karte hain tatha vastu doshon ko dur karne ke lie fengshui aur piramidon ka upyog bhi karte hain. parantu kuch aise dosh hain jin par hamara dhyan nahin jata. in d a esh a a en k e k a r k vibhinn grah yogon ka vivaran yahan prastut hai- mangl-shani yog rasoighar men hi anaj ka bhandaran hone se ghar mangl-shani yog ke dosh se prabhavit hota hai. is yog ke karan vastu doshrhit rahne par bhi ghar men kasht, atyadhik vyay evan pati-patni ke bich jhagre hote rahte hain. mangl-guru yog yadi rasoi men hi puja sthal ho ya puja sthal men koi hathiyar (talvar, bhala adi) ho ya puja sthal ke thik upar ilektrik mitar ho to parivar ke mangl-guru yog ke dosh se pirit hone ki sanbhavna rahti hai. is yog ke falasvarup grihasvami ya uske putron men kisi ko rakt sanbandhi bimari ho sakti hai. vahin yah yog ghar men vas karne valon ko ghamandi banata hai. shani-ketu yog yadi anaj bhandar shauchalay se sata hua ho to ghar ke shani-ketu yog ke dosh se prabhavit hone ka bhay rahta hai. is dosh ke karan ghar ke log nirashavadi hote hain, unhen mansik kasht ghere rahta hai tatha ve svayan ko dukhi mahsus karte hain. guru-ketu yog yadi puja sthal shauchalay se sata hua ho to parivar guru-ketu yog ke dosh se prabhavit ho sakta hai. is dosh se grast parivar men grihasvami apne parivar se vimukh ho jata hai aur matra apne hi vishay men sochta rahta hai. vah vairagya ki or bhi pravritt hota hai, parantu n to vah sannyas le pata hai aur n hi sansarik sukh prapt kar pata hai. rahu-guru yog yadi puja kaksh men adhik andhera ho, khirki n ho ya divaren ubr-khabar hon, divaron men dararen hon ya un par garha rang puta ho to ghar ke rahu-guru yog ke dosh se pirit hone ki sanbhavna rahti hai. is dosh ke falasvarup ghar men rahne valon ko sharirik kashton tatha sangharshon ka samna karna parta hai. shani rahu yog yadi anaj bhandar kaksh men atyadhik andhera ho tatha divaron par se plastar ukhar gaya ho to yah ghar ke shani-rahu yog ke dosh se prabhavit hone ka suchak hai. is sthiti men grihasvami ke shatruon ki vriddhi hoti hai tatha galat nirnayon ke karan dhan ki hani bhi ho sakti hai. mangl-rahu yog yadi rasoighar men andhera ya dararen hon to parivar ke mangl-rahu yog ke dosh se prabhavit hone ka bhay rahta hai. is yog ke falasvarup parivar ke sadasyon ka svasthya prabhavit ho sakta hai tatha grihasvami ke bhai ko kathinaiyon ka samna karna par sakta hai. ghar ki mahilaen apne pati ka samman nahin kartin. budh-mangal yog yadi baithak (droing rum) men khana banane ki vyavastha ho ya koi khanbha ho to ghar ke budh-mangal yog ke dosh se pirit hone ki sanbhavna rahti hai. iske karan grihasvami apayash ka patra banta hai. achche mitron se uske sanbandh tut jate hain tatha parivar ke sadasyon ki shiksha men badha ati hai. is prakar, aise anek grah yog hain jinse prabhavit gharon men khushhali nahin a pati. aise men ghar ki sajavat ya vyavastha men parivartan kar in doshon ko dur kar inke karan hone vale nuksan se parivar raksha ki ja sakti hai. to der kis bat ki hai, navavarsh men ek nai shuruat karen aur khushhal jindgi jite hue saflta ki nai kahani likhen.
Kya aapko lekh pasand aaya?
Subscribe