holivud abhinetri - juliya robatrs pan. sharad triapathi, kanpur sh nivar, 28 aktubar 1967 atlanta men jivan samanya raftar se chal raha tha. adhi rat ko bite abhi kuch pal hi hue the ki 33 varshiya beti lau rorbats ne kroford laung hospital men ek bachchi ko janm diya jiska nam rakha gaya juli fiyona. uske pita valtar robatrs ke pas aspatal ka bil chukane tak ke paise nahin the. aise men unke ek shubhchintak ne unki madad ki. valtar aur unki patni beti thiyetar kalakar the. san 1965 se 1970 ke bich sanskritik paridrishya men shahar men unka nam mashhur hone laga tha. unka grup jald hi ek har ank ki bhanti is ank men bhi ek vikhyat hasti ki kundli ka vishleshan prastut hai aur vah hasti hain holivud ki abhinetri juliya robatrs, jinhen abhinay ke lie 'auskara' jaise pratishthit puraskar se bhi sammanit kiya ja chuka hai. apne jivan men tamam sangharshon se niptne ke bad juliya ne kaise saflta ki unchaiyon ko prapt kiya, aie janne ki koshish karte hain. mashhur rang mandal ban gaya tha, lekin unki arthik halat kafi kharab rahti thi. juli se pahle robatrs danpti ke do bachche aur the - beti lija aur beta erik, par juli ke janm se donon khushi se jhum uthe the. juli jab matra 7 mah ki thi, tabhi man use jhule men dalakar apne sath kam par thiyetar le jane lagi thin. bad men isi bachchi juli arthat juliya ne filmo men kam karna shuru kiya to batate hain ki vah mushkil se mushkil kirdar bare aram se ada kar leti thi. robatrs dampati ka yah jadui sansar jyada din tik n saka, kyonki arthik morche par valtar kamjor hote ja rahe the. unhonne ek jagah selsamain ki naukri bhi ki. udhar patni se unki anaban barhti ja rahi thi. akhir donon men talak ho gaya aur beti lau ne 1972 men maikal mots se shadi kar li. samay bitta raha juli bari hone lagi aur filmi duniya ke ruphle sansar ki or barhne ka khavab pura karne ko 1985 men atharah varsh ki ayu men nyuyark pahunch gai. aie is ghatna chakra ko jyotishiya drishti se dekhen- janm ke samay juliya ko ketu ki mahadsha prapt thi. kundli men ketu chaturth sthan men surya aur budh ke sath sthit hai. navam sthan se dekhen (navam ko lagn manen), jo ki pita ka bhi sthan hai, to ketu ashtam bhav men shashthesh surya aur saptamesh budh ke sath sthit hai. falasvarup navam bhav se dekhne par janm samay men pita ko arthik v samajik pareshaniyon se jujhna para. kark lagn ki kundli men budh vyay aur tritiya bhavon ka svami hota hai. tritiya bhav arthat chaturth bhav ka dvadash bhav hai aur budh inke chaturth men hi sthit hai. atah is budh ke chaturth men baithne ke karan jivan men sab kuch hote hue bhi ghar ke sukh ka abhav raha. varsh 1985 men nyu york pahunch kar juli ne filmon men kam ki talash ke dauran kai anya kam bhi kie jinmen restaran aur aisakrim parlar ki naukri bhi shamil hai. fir usne modling ki, halanki yah kam use bilkul pasand nahin tha. agle varsh use film men kam karne ka pahla mauka mila. yah film thi 'fayar haus'. yah ek sasti v samanya renj ki film thi. is film men juli ko 15 sekend ka kirdar karna tha jismen koi sanvad nahin bolna tha. ek tarah se bhir men khare rahne jaisa tha. iske bad mili 'blad red'. kayde se abhinay ka yah pahla mauka tha. is film men uska bhai erik mukhay bhumika men tha. uske kahne par hi use kam mila tha. filmo men kam karne ke lie 'ektars gilda' men panjikaran karvana jaruri tha. bachapan ka nam juli tha, par juli robatrs nam se pahle hi ek abhinetri panjikrit thi. islie usne apna nam juliya robatrs rakh liya. iske bad juliya ne ek laghu bajat ki film 'satisfaikshana' men kam kiya. yah ek achchi bhumika thi. is film ke nayak v apne se 16 varsh bare abhineta liyam nisan se juliya ko pyar ho gaya aur film puri hone ke bad vah nisan ke sath uske kailiforniya sthit apartament men rahne lagi. film 'mistik pijja' ke lie juliya ko 50 hajar dalar mile aur apni abhinay kshamata dikhane ka bharpur mauka bhi. is film men juliya ke damdar abhinay ke dam par use 'stil maignoliya' jaisi bare bajat ki film mili jismen use 90 hajar dalar ka mehntana mila. ek film men use dayalan maikdaramat ke sath pyar mohabbat ke sin filmane the. shuting ke bad bhi donon riharsal karte rahe aur kuch hi samay bad juliya ne liyam nisan ko chor diya. darasal yah to mahaj ek shuruat thi. age chalakar juliya ko bahut se dilon ko kuch samay ke lie jorna aur hamesha ke lie torna tha. uski mitra leksi batati hai ki flart karna mano juliya ki hobi thi. ap kabhi jan nahin sakte ki vah kitnon ke sath deting kar rahi hai. kuch to sirf 12 ghante men hi badal jate the. tabhi uski film 'priti vumen' pradarshit hui aur usne tahlka macha diya. is film ne 46 karor dalar ki kamai karvai. iske bad to juliya supar star ho gai. halat ye the ki yuva nayika ke kirdar ke lie sabhi nirmataon ki pahli pasand juliya ban gai. lekin ab vah apni pasand ke abhineta-nirdeshak ko chunne lagi thi. sitanbar 1990 men 'pipul maigjin' ke kavar par juliya robatrs cha gai. 'priti vumen' ke dauran abhineta richard gere ko juliya ne akarshit karna chaha, par gere profeshanal abhineta tha usne juliya ke sath keval shuting ki. aie, ab jyotish ki drishti se dekhen, kaisa raha yah samay. varsh 1985 men juliya ki shukra ki mahadsha men guru ka antar chal raha tha. shukra ekadshesh aur brihaspati navmesh hai. us varsh brihaspati makar rashi men gochar kar raha tha aur lagn par uski purn drishti thi. yahi brihaspati navmesh aur bhagyesh hone ke karan dhan aur bhagya men vriddhi karak raha aur labhesh shukra ki dasha bhi prapt hui. bare bhai-bahan ka vichar jatak ki kundli ke ekadash bhav aur uske svami ki sthiti ke adhar kiya jata hai. juliya ki kundli men ekadash bhav ka svami shukra dvitiya arthat dhan bhav men lagnesh chandra aur bhagyesh brihaspati ke sath sthit hai. isi yog ke karan use apne kairiyar men bare bhai ka sahyog prapt hua. dvitiya bhav men sthit ekadash ka svami shukra use age bhi dhan sanpatti dilata rahega. farvri 1992 men juliya bharat bhraman par ai. yahan vah madar teresa ke mishan men 2 hafte tak rahi. bharat ke prati apna udgar usne in shabdon men vyakt kiya, 'bharat jana ek asadharan anubhav tha. aisa anubhav apko apni pratidin ki jindgi men nahin mil sakta. ek asim shanti aur adbhut sukun.' kuch samay bad juliya fir se filmon men sakriya ho gai aur jindgi men romans ke nae adhyay bhi jurne lage. logon ko samajh nahin ata tha ki itni mashhuriyat, itna paisa aur duniya bhar ke logon ka itna pyar hasil karne ke bad bhi juliya aisa kyon karti hai. kintu is bar juliya shadi karna chahti thi deniyal de levis se, par de levis iske lie taiyar nahin hua aur sanbandh tut gaya. juliya ka dil tut gaya, vah hamesha layle lobet ke gane sunne men magan rahne lagi, aur ashcharya ki kuch samay bad donon sachmuch sath the. vah layle ke sath stej par gane bhi pahunch jati thi. fir uska nam film star maithyu pairi aur uske bad minocha se jora gaya jo unka parsanal teranar tha. varsh 2000 men 'maiksim' ki shuting ke dauran to 'daini madr' par uski ankhen atak kar rah gain. taintis sal ka larka sa dikhne vala daini sahayak kaimramain tha. juliya apne sathi kalakar braidpit ke sath lokeshan par khari bat kar rahi thi tabhi uski najar daini par pari. tab vah nahin janti thi ki daini shadishuda hai. amerika ke akhbar is nae prem-prasang ki khabron se bhare pare the. juliya-daini-vera (daini ki patni) ke trikoniya prem ki khabren log bare maje se parhte the. daini aur vera ke parivar vale juliya se nafarat karte the aur use pati chor mante the. varsh 2001 men daini ki man ki dil ka daura parne se maut ho gai. daini ke gharvalon ne iska jimmevar juliya ko thahraya. juliya ne sahanubhuti darshai aur madad ki peshakash bhi ki. arthik madad ke prastav se uske prati nafarat aur barh gai. usi varsh 11 sitanbar ko amerika par atmaghati hamle hue. tab juliya ne ghaylon ki madad ke lie dil kholakar dhan diya aur dhan jutane ke karyakram men barhacharh kar hissa bhi liya. kuch samay bad juliya aur daini ne ek parti di jiske bare men kaha gaya ki svatantrata divas ke avasar par di gai parti hai. din bhar chali parti ke bad rat men jab mehman sone ke lie jane lage to ekaek donon shadi ke jore men a gae aur 20 minat ke chote se karyakram men donon paranprik rup se pati-patni ban gae aur ab tak sath-sath hain. aie, ab ek bar fir se is pure ghatna kram ko jyotishiya drishti se dekhen. prem sanbandh, deting, flart adi ke lie jyotish men mangal aur shukra grahon tatha saptam aur pancham bhavon ki sthiti ka vishleshan kiya jata hai. juliya ki kundli men pancham bhav ka svami mangal chathe bhav men baithakar apni athvin drishti se lagn ko dekh raha hai. lagnesh chandra dusre bhav men shukra aur chathe bhagyesh tatha navmesh guru ke sath sthit hai. jaisa ki pahle bataya ja chuka hai, prem ke lie pancham bhav ko dekhna chahie. pancham ka svami mangal chathe bhav men hai, atah prem sanbandh adhik rahe. bhagya sthan arthat navam bhav jatak ke bhagya ko barhane vala hota hai. yadi is bhav men koi grah baith jae to vah jis bhav ka svamitva rakhta hoga us bhav se sanbandhit karya atyadhik karega. juliya ki kundli men navam arthat bhagya bhav men shani sthit hai jo saptam bhav ka svami hai. yah uske vivahetar sanbandhon aur vivah ka ek bahut bara karan raha. chaturth bhav men sthit vyayesh budh aur rajkiya grah dhanesh surya, jo dvitiya bhav ka svami hai, donon apni purn drishti se praja aur shasan bhav ko dekh rahe hain. usi samay surya men chartuthesh shukra ka antar bhi chal raha tha. is yog ke karan usne ameriki hadse men ghayal v mrit logon ke kalyan hetu bhari matra men sarkari kosh men dan diya aur vibhinn sansthaon ko arthik madad pahunchai. varsh 2000 men pani ki samasya par adharit film men utkrisht abhinay ke lie juliya ko pratishthit 'auskara' puraskar prapt hua is film ne use do karor dalar ki kamai bhi karai. is film ke bad use goldan glob, british ekedmi film avard aur 'skrin gilda' adi avard se bhi sammanit kiya gaya. 41 sal ki juliya ab daini ke sath 'sukhamay vaivahik jivn' bita rahi hai. shadi karne, bachche paida karne aur ghar basane ke bare men uske khayal bhi badal gae. juliya ke karibi logon ka kahna hai ki ab vah kafi badal gai hai. apne bachchon 'fineus' aur 'haijl' ki dekhbhal ke lie usne naukron ki fauj laga rakhi hai. unhen man ka pyar dene ke lie usne kuch dinon tak filmon se duri banae rakhi. umra, anubhav, pati ke pyar aur god men apne bachchon ke a jane ke bad juliya ab ek sthir parivarik jivan vyatit kar sakegi. aie ab jyotishiya vishleshan karen. vartaman samay men chandra ki mahadsha juliya ke svabhav ko dhire-dhire badal rahi hai. farvri 2000 se un par chandra ki mahadsha praranbh hui jo san 2012 tak rahegi. chandra lagnesh hai aur dhan bhav men bhagyesh aur labhesh ke sath sthit hai, atah isi dasha kal men dhan men ati vriddhi hui aur tamam puraskar v samman prapt hue. vartaman samay men juliya ke chandra men shukra ka antar hai jo 2009 ke agast tak rahega. varsh 2009 men labhesh shukra ki antardasha men juliya ki film hit hone ki puri sanbhavna hai. san 2010 se us par mangal ki mahadsha praranbh hogi. mangal panchmesh aur dashmesh hokar chathe bhav arthat pratiyogi bhav men sthit hai. mangal juliya ke jujharu vyaktitva ko bhi darshata hai, kyonki lagn ko bhi dekh raha hai. is yog v dasha ke karan mangal ki mahadsha men ek bar fir juliya vivadon aur samasyaon men to fansegi, lekin mangal ki dasha hi use ek safal mahila nirdeshak banaegi. kundli men vishesh yog : juliya ki janm kundli men ek jabaradast nich bhang raj yog hai. yadi janm ke samay koi grah nich rashi men sthit ho tatha us nich rashi ka svami chandra se kendra men ho aur jo grah jis nich rashi men hai, us uchch rashi ka svami bhi chandra se kendra men ho to nichta bhang ho jati hai arthat uttam rajyog banta hai. atah juliya ko jivanaparyant dhan, sukh, vaibhav, aishvarya adi ki prapti hoti rahegi.
Kya aapko lekh pasand aaya?
Subscribe