satik faladedga ke lie badhak dosh ka bhav akalan jaruri da. arjun kumar garg, palaval adhikansh jyotishigan prashnakarta ki lagna-kundli, chandra-kundli aur navmansh kundli dekhakar faladesh karte hain, lekin aise men faladesh men truti hone ki puri sanbhavna rahti hai. kya satik faladesh ke lie us kundli ki badhak rashi v badhak grah ka vishleshan vishesh labhdayak hoga? ku dali men shashth, ashtam aur dvadash bhav ko nikrisht sthan ki sangya di gai hai. in bhavon ke svami aur in bhavon men sthit grah apni dasha ya antardasha men jatak ke lie kasht utpann karte hain. in bhavon ke atirikt dvitiya aur saptam bhav yash, dhan, pad aur sanpatti dayak hone par bhi marak sthan kahlate hain, kyonki in bhavon ke svami aur inmen adhishthit grah apni dasha ya antardasha men mrityu ya mrityu tulya kasht pradan karte hain. shashth, ashtam ya dvadash bhav ke svami jis bhav men sthit hote hain, us bhav ke fal ko bhi nasht kar dete hain. udahrnarth, saundarya aur yauvan ka pratik shubh grah shukra mesh lagn ki kundli men dvitiya aur saptam bhav ke svami tatha dhanu lagn ki kundli men shashth aur ekadash bhavon ke svami hokar dhanaprad hone par bhi rog, rin, shatruon ke dvara mrityu jaisa duahkh dene vala hota hai. atah krur bhav shashth, ashtam ya dvadash bhav ke lie kundli men inke svamiyon ka svagrihi hona apekshit hai. aisi avastha men in bhavon ke svami apne hi bhavon ki ashubhta ko nasht karke shubh yog banakar shubhfldayak ho jate hain, jaise, svagrihi shashthesh se harsh yog, svagrihi ashtamesh se saral yog aur svagrihi dvadshesh se vimal yog yog banta hai. kundli adhyayan hetu kendra dosh aur marak dosh ki bhanti badhak dosh ke adhyayan ka vishesh prachalan nahin hai, kintu iske akalan se satik fal prapt hote hain. badhak kya hai? kisi karya men badha ya rukavat utpann karne vala badhak kahlata hai. kundli ke adhyayan ke samay koi grah vaise to yogkari, labhkari aur pad-pratishthakari pratit hota hai, parantu vastav men vah anishtakari siddh hota hai, tab grah ki aisi avastha badhak kahlati hai. janmalagn char svabhav ki rashi (mesh, kark, tula, ya makr) ho to ekadshesh, janmalagn sthir svabhav ki rashi (vrish, sinh, vrishchik ya kunbh) ho to navam sthan, uska svami aur usmen sthit grah aur janmalagn dvisvabhav rashi (mithun, kanya, dhanu ya min) ho to saptam sthan, uske svami grah badhakari hote hain. badhak dosh keval janmalagn ke lie hi nahin hai, balki pratyek bhav ke lie hota hai. jaise, mesh lagn ki kundli men char svabhav ki mesh lagnarashi ke lie badhak sthan ekadash bhav, dvitiya bhav (jahan sthir svabhav ki vrish rashi hai) ke lie badhak sthan dasham bhav (jo dvitiya se navam sthan par hai) aur tritiya bhav (jahan dvisvabhav mithun rashi hai) ke badhak sthan navam bhav (tritiya se saptam sthan par) hai. ek udaharan sthir sinh lagn rashi ka dekhte hain. man len sinh lagn men brihaspati aur pancham bhav men mandi hain. sthir sinh rashi ke lie navam bhav, navmesh mangal aur usme sthit grah badhak honge. isi prakar tritiya bhavagat char tula rashi ke lie tritiya se ekadash sthan arthat lagn bhav, lagnesh aur ismen sthit grah badhak honge. mandi sthit dhanu rashi ka svami brihaspati jo tritiya se ekadash sthan par sthit hai, tritiya bhav ke lie badhak hoga, jiski dasha ya antardasha men tritiya bhav ke fal prapti men badha utpann hogi. dhanu lagn ki kundli kramank 1 men saptam bhav aur saptamesh budh badhak hain. svagrihi aur bhadrayog hone ke karan is budh ko ham vidya-buddhi, naukri-vyapar aur yash-dhan hetu yogkari aur labhkari mante hain, kintu vastav men aisa nahin hai. dhanu aur min lagn valon ke lie svagrihi budh ki dasha ya antardasha men abhisht fal nahin milte. jyotishi aur jatak donon chintit hote hain ki aise balvan grah ke fal kyon nahin mil rahe? yahi badhak dosh hai. fir bhi, aise jatak ka vivah shighra ho jata hai, basharte ki saptam bhav shani se drisht n ho. isi prakar, mithun aur kanya lagn valon ke lie saptam bhav aur saptamesh brihaspati badhak hain. saptam bhavagat brihaspati se hans yog banne par bhi iska sarvadhik asar vaivahik sukh par parta hai. iska udaharan jayllita ki kundli hai, jiske saptam bhav men brihaspati hai, lekin badhak brihaspati ne unka vivah nahin hone diya. jyotish granthon men badhak dosh ka vistrit varnan nahin hai, islie yah vyapak shodh ka vishay hai. ek prashn hai ki badhak sthan ke svami ke lie kundli men kaun sa upyukt sthan hai? ham jante hain ki kundli men kendra aur trikon bhav unnayan ke sthan hain, magar tritiya, shashth, ashtam aur dvadash bhav avanayan ke. is karan kendra aur trikon ke svami ki balvan avastha aur dusht bhav ke svami ki nirbal avastha abhisht hai. is tathya ke adhar par ham kah sakte hain ki badhak sthan ke svami ki apne bhav se kendra ya trikon sthan men upasthiti balvriddhi karak hogi aur aise men uska badhak dosh barh jaega, kintu apne bhav se tritiya, shashth, ashtam aur dvadash bhav men sthit hokar vah balhin hokar badhak dosh se mukt hoga. dhirubhai anbani ki kundli kramank 2 men badhak grah budh dvadash bhavagat hai, jo saptam se shashth sthan par hone ke karan badhak dosh se mukt hai aur yash, dhan evan vyapar vriddhi ke lie labhkari hai, kintu kundli kramank 1 men yahi budh shubh grah brihaspati se yukt ho svagrihi hone par bhi vyaparik karyon ke lie prabal badhak hai. budh ke atirikt saptam bhavagat brihaspati aur ketu bhi badhak hain. in grahon ki antardasha me jatak ko yash, dhan, vidya-buddhi aur vaivahik sukh hetu koi shubhafal nahin mila. aisi avastha men jatak ke lie naukri karna upyukt hai, vyapar karna nahin. surya-brihaspati ki dasha men jatak ki patni sir ke dard, badan ke dard, joron ke dard aur chakkaron ke ane se bahut bimar ho gayi thi, jinse vah ab tak pareshan hai. badhak grah ki ek aur paribhasha hai ki jis bhav men khar aur mandi upasthit hon, us bhav ka svami bhi badhak dosh se yukt hota hai. iske atirikt jin sthir lagn rashiyon ki kundliyon men dirghayu ka abhav hai, unmen badhak navmesh marak sthan (tritiya, shashth, saptam ya ashtam bhav ) men sthit hokar marak ho jata hai. is prakar ek yog karak grah bhi achcha fal nahin de pata. aise men yah prashn uthta hai ki kya vrish lagn valon ke lie navmesh shani navam se tritiya sthan par min rashi men, navam se saptam sthan par kark rashi men, navam se ashtam sthan par sinh rashi men aur navam se dvadash sthan par dhanu rashi men marak hoga? kya sinh lagn valon ke lie navmesh mangal navam se ashtam sthan par svarashi vrishchik men marak hoga? kya kunbh lagn valon ke lie navmesh shukra navam se ashtam sthan par svarashi vrish men marak hoga? vidvanon ka ek vichar yah bhi hai ki badhak grah ka dosh tab prakat hota hai, jab vah shashthesh se yukt ho. aisi avastha men jatak shatruon ke dvara arthik, daihik, samajik aur rajnaitik rup se kasht bhogta hai. anek panch sitara hotlon ke malik mohan sinh obray ki vrish lagn ki kundli kramank 3 men navmesh shani navam se dvadash sthan par dhanu rashisth hai. unki ayu 90 varsh se adhik thi aur unhonne apne jivan men bahut yash, dhan evan sanpatti ekatra ki. unke jivan men anek bar shani ki antardasha ane par bhi unhen koi hani nahin hui. prashn marg men badhak sthan ki paribhasha arurh lagn ki sthiti ke adhar par di gai hai. arurh lagn char, sthir aur dvisvabhav rashi men sthit hone par us arudh se kramshah ekadash, navam aur saptam sthan badhak hai. badhak sthan se kendra sthan bhi badhak hota hai. sinh, kanya, vrishchik aur dhanu rashiyon ke lie vrishchik badhak hoti hai. vrish rashi ke lie makar, kunbh ke lie kark aur mithun tatha min ke lie dhanu rashi badhak hoti hai. badhak sthanadhipti aur usse yukt grah apni dasha men rog, shok aur duahkhdayak hote hain. inki dasha men videsh jana parta hai. uparyukt vivechan se yah spasht hai ki- s sabhi char rashiyon ke lie sthir rashi adhishthit sthan badhak hain. s sabhi sthir rashiyon ke lie char rashi adhishthit sthan badhak hain. s sabhi dvisvabhav rashiyon ke lie dvisvabhav rashi adhishthit sthan badhak hain. kundli kramank 4 kark lagn ki kundli hai. char lagn rashi hone ke karan ismen ekadash sthan aur iska svami shukra badhak dosh se yukt hai. is prakar, ekadash bhavagat ketu bhi badhak hai. samanyatah chaturth aur ekadash bhav ka svami hone ke karan shukra ek yogaprad aur shubh faldayak grah hota hai. is kundli men shukra svagrihi hone ke karan malavya yog ka bhi nirman ka raha hai, jiske shubh falon ki jyotish ke sabhi ganrathon men ullekh hain, kintu is kundli ke lie shukra badhak hokar duahkhdayak bana baitha hai. is vyakti ke jivan men shukra ki mahadsha mai 1991 se shuru hui. shukra-rahu ki dasha men is vyakti ki arthik sthiti nirbal hone lagi, ay ke sadhan simit hone lage. badhak ketu ka pratyantar kafi duahkhaprad raha. thore din pahle is vyakti ka putra ek durghatana men buri tarah ghayal ho gaya, jiske bachne ki ummid dhumil ho gai thi. uske ilaj men lakhon rupye kharch ho gae. shukra men guru, shani aur budh ki antardashaen bhi vishesh sukhdayi nahin rahin, jinmen pag-pag par badhaen ati rahi hain. is prakar, shubh aur yogaprad pratit hone vale grah bhi badhak dosh se grast hone par vyakti ko atikasht pradan karta hai.