prashna: kya ankshastra men jyotish ke saman dasha paddhati evan anya vidhaon ki tarah faladesh karne ki kshamata hai, yadi han to apne ki pushti men yathochit udaharan ke sath faladesh vidhi ka bhi vistrit varnan karen. han ankshastra men bhi jyotish ke saman dasha paddhati evan anya vidhaon ki tarah faladesh karne ki kshamata hai, inki faladesh vidhi udaharan sahit nimn hain- bhumika: jis prakar jyotish evan anya vidya ‘‘shabdon’’ se juda vigyan hai, thik usi prakar ank jyotish bhi ‘‘ankon’’ se juda vigyan hai arthat shabd evan ank ek hi sikke ke do pahlu hain, jinhen ek-dusre se prithak nahin kiya ja sakta hai. in donon ke bina hi dainik jivan ka karya asanbhav hai, atah donon hi upyogi/ mahatvapurn hain, lekin iska prachar- prasar videshon men hua hai. ankon ke bina jyotish, yantra-mantra-tantra, grahon v nakshatron tatha rashiyon ki sankhya, mantra jap sankhya, shabd sankhya, mala men mankon ki sankhya, mantra men shunya, nishchit akritiyan evan ank tatha vibhinn jyotishiya gannaen, tithi, dinank, mah, varsh adi jo ankon par nirbhar hain, mahatvahin ho jayegi. vartaman samay men sanpurn vishva ki gatividhiyan bhi ghadi ki suiyon ke anusar sekend, minat, ghante adi par sanchalit hain, ye bhi ankon se judi hain, atah bina ankon ke yah bhi faladesh men ankshastra ki bhumika astitvahin ho jayangi. vidhiyan: yadi ank jyotish ko vidhivat rup men dekha jaye to yah nimn tin paddhatiyon men prachlit hain- - malukan - bhagyakan (sayanktutakan ) - namakan mulank: ‘‘mulank’’ shabd mul+ank, do shabdon se milakar bana hai, jiska arth hai- mul ank, (mulank). mulank ka mukhya adhar janm tarikh hai. yah ek dijit men hi hota hai. arthat mulank = janm tarikh. ‘mulank’/‘ank’, multah nimn 9 hote hain, jinka sanbandh grah evan var se hai. 1 se 31 tarikh ke mulank ki sarni mulank janm tarikh grah 1 1, 10, 19, 28 surya 2 2, 11, 20, 29 chandra 3 3, 12, 21, 30 guru 4 4, 13, 22, 31 rahu 5 5, 14, 23 budh 6 6, 15, 24 shukra 7 7, 16, 25 ketu 8 8, 17, 26 shani 9 9, 18, 27 mangal yadi kisi vyakti ya anya ke tarikh ya ank adhik dijit jaise-2 ya 3 adi hone par inhen jod dvara ek dijit men parivartit kar mulank rup men late hain. isse vyakti ki prakriti, vyavhar, pravriti v bhagya adi ke bare men pata laga sakte hain. is vishva men jitne bhi vyaktiyon ka janm hua hai ya age hoga, unki janm tarikh, tithi uparyukt 9 ankon ke antargat hi ati hai, chahe vah kisi bhi mah men kyon n ho. bhagyank/sanyuktank: bhagyank ka mul adhar, janmatithi hota hai, jo janm tarikh, janm mas, aur janm varsh ke ankon ka yog kar, ek dijit men uparyukt ki tarah mul ank nikalte hain, jo bhagyank ya sanyuktank hota hai. arthat bhagyank/sanyuktank = janmatithi (= mulanka)+janm masa+janm varsh. vyakti ke jivan men mulank se jyada bhagyank ya sanyuktank prabhavshali hota hai. isse vyakti ke charitra, svabhav, bhagya, unnati, avnti adi ke bare men pata laga sakte hain. namank: namank ka arth vyakti ke nam vishesh se hota hai. ek vyakti ka shreshth nam hi uski shreshthata ko darshata hai. ek vyakti ke nam (namakaran sanskar) ka uske jivan, karya-kalap evan charitra adi par gahra prabhav padta hai. atah vyakti ko shreshth ya shubh nam ka chayan karna chahie taki jivan par sakaratmak prabhav pade. ismen vyakti ke bhagyank ya sanyuktank arthat janmatithi (= janm tarikh (mulank)+ janmamasa+janmavarsha) ke sath-sath vyakti ke nam ke ‘‘vargon’’ ko bhi mahatvapurn mana gaya hai jismen pratyek varnon ke apne-apne ank nirdharit hote hain, unke yog se us vyakti ke namank ka nirdharan kiya jata hai. jo mukhyatah nimn tin paddhatiyon- - kiro - seferiyal - paithogoras men prachlit hai. (namank = bhagyank + varna) jatak ke nam ke varnon/aksharon ke man ke yog (ek dijit men) ko namank kahte hain. uparyukt vivechan se yah spasht hota hai ki mulank, bhagyank v namank ka apas men gahra sanbandh hai. uparyukt tinon paddhatiyon men kiro ki paddhati ko prathmikta dekar prabhavshali mana gaya hai, jo vartaman men desh-videsh men kafi prachlit bhi hain. kiro paddhati: kiro ki is paddhati men uparyukt mulank, bhagyank v namank tinon ka upyog faladesh ke lie kiya jata hai. isi ke adhar par vyakti ka shubhashubh falakathan kiya jata hai. ismen kiro ne pratyek varnon ke sath ankon ka nirdharan apne siddhanton ke adhar par kiya tatha sanbandhit varnon ke yog se vyakti ke namank ka pata lagaya jata hai. kiro ne apni talika men 9 ank ka prayog nahin kiya. vyakti ke mulank v bhagyank ko to badla nahin ja sakta kyonki ye prarabdh ke anusar hi vyakti ko prapt hote hain tatha parmatmakrit prakritik bhi hain. lekin namank ko badal sakte hain arthat namank men parivartan kar nam ko shubh bana sakte hain, jisse pure jivan bhar sakaratmak prabhav mil saken. seferiyal paddhati: yah paddhati hibru yani yahudi ki paranpragat paddhati hai. seferiyal, hibru arthat yahudi kabala paddhati ke ank shastri mane jate hain. is paddhati men pratyek varsh ke sath-sath apne paranpragat ankon ka bhi nirdharan kiya gaya hai. isne bhi kiro ki bhanti ank 9 ka chayan nahin kiya hai. lekin yah paddhati kiro ki paddhati se thodi si bhinn hai. ismen grahon ke apsi sanbandhon ki bhi ganna ki jati hai. ismen jatak ki janmatithi ke ankon ko ek sarni ke nirdharit khanon men likhakar uske atmik, mansik evan vyavharik tinon gunon ke bare men jan sakte hain. lekin janmavarsh ke charon ankon/aksharon men antim 2 hi lie jate hain. paithagoras paddhati: paithagoras ko pashchimi jagat men ankshastra ka janak mana jata hai. inhonne apni pustak ‘‘durlabh parisanvad’’ men yah ullekh kiya hai ki vyakti ke vichar, vyavhar v akriti, ankon dvara hi niyantrit hoti hain. arthat sabhi ke mul men ank hi urdayi hote hain. ismen pratyek varn ke sath-sath ankon ka nirdharan kiya gaya hai, jo kiro aur seferiyal paddhati se thoda alag hai. inhonne talika men 9 ankon ko bhi ganna men liya hai. ismen bhi pahle namank gyat kiya jata hai. ankon ki mitrata aur shatruta : jis prakar grahon ki apas men mitrata, shatruta hoti hai, thik usi tarah ankon men bhi apas men mitrata evan shatruta ka sanbandh hai. grahon ke apsi mitrata-shatruta ke adhar par ankon ki mitrata-shatruta nirdharit ki jati hai, kyonki pratyek ank ka ek svami grah nirdharit hai. grahon ko nimn do samuhon men banta gaya hai- grup-1. surya, chandra, brihaspati, mangal. gurap-2. budh, shukra, shani, rahu, ketu. grup-1 charon grah apas men mitrata ev ati mitrata rakhat h tatha gapura -1 ke charon grah grup-2 ke panchon grahon se shatruta evan ati shatruta rakhte hain. thik isi prakar iska vilom bhi satya hai arthat grup-2 ke panchon grah apas men mitrata v ati mitrata rakhte hain tatha grup-2ke sabhi grah, grup-1 ke sabhi grahon se shatruta v ati shatruta rakhte hain. inmen kuch grah sam svabhav bhi rakhte hain. ye panchdha maitri chakra ke antargat ata hai. ankshastra ke sabhi ank, inhin grahon se niyantrit rahte hain tatha jinke gun, vyavhariktaen, dishaen, ling, prakriti adi vyakti ke jivan ko sada prabhavit karte hain. inmen mulank ka sanbandh tan evan man se, bhagyankka sanbandh bhagya v saflta se tatha namank ka sanbandh charitra, prakriti v vyaktitva se hota hai. ank jyotish ke upyog arthat faladesh vidhi ka udaharan sahit praman: jivn-sathi ke chayan men: ismen ladka, ladki donon ki janmatithi v nam ke adhar par mulank, bhagyank evan namank nikalakar maiching sahi ane par isko antim rup vivah ke lie dete hain taki jivan sukhamay rahe. yadi namank men kuch kami hai to paddhatiyon dvara nam men kuch parivartan kar lete hain. is tarah se jivan sathi ka chunav karke shreshth jivan ka sukh bhogte hain.