narendra modi ke jivan men ghatit kuch mahatvapurn ghatnaon ka akalan is lekh ke madhyam se ham paithagoriyan paddhati se karenge tatha vyakhya karenge ki kyon us samay ve ghatnaen unke jivan men ghatit huin. hamara uddeshya apko is paddhati ke bare men sikhana hai atah unke jivan men purva men ghati ghatnaon ka vishleshan yahan prastut kiya ja raha hai kyonki bhavishya ki ghatnaon ki vyakhya ke lie adhik badi ank kundli banane ki avashyakta hogi aur yah is lekh ke lie di gai jagah ke antargat samahit nahin ho paega. iske bare men kabhi bad men charcha karenge. shri narendra modi ka janm 17 sitanbar 1950 ko hua tha. inki 1995 se lekar 2007 tak ke bich ki ek choti avdhi ki kundli banai gai hai tatha iska vishleshan karte hue unke jivan men ghatit mukhya ghatnaon ki samiksha ki gai hai. prastut hai shri narendra modi ki ank kundli: shri narendra modi ji ki ank kundli men sabhi dharatlon men se adhikatam ank bhautik dharatal par hai tatha iske uprant mansik dharatal par hai. ank 10 ank 1 ka uchchatam ashtak hai tatha ise bhagya chakra ki sangya di gai hai. bhautik dharatal par ank 10 asadharan urja evan sharirik shakti ka dyotak hai. mansik dharatal par ank 6 abhivyakti ki shakti pradan karta hai, sath hi vyakti ko atyadhik buddhiman, srijnshil tatha manvtavadi banata hai tatha asadharan mansik, tarkik evan kalpanashilta pradan karta hai. inka yogyata ank 23/5 hai, jismen tin ankon 2 (sahyog), 3 (srijnshilta evan atmabhivyakti) tatha 5 (rachnatmak svatantrata) ka samanvay hai. sath hi bhagyank 16/7 bhi tin ankon 1 (netritva kshamata, sutrapat), 6 (atmabhivyakti evan srijnshilta) tatha 7 (vishleshan kshamata tatha vaigyanik mansikta) ke gunon se ot-prot hai jisne unhen asim mansik yogyata evan urja pradan ki jo unke parti tatha rajya ke lie kiye gae ullekhniya evan yadgar karyon ke lie uttaradayi hai. apni asadharan vakpatuta, srijnshilta tatha rajya ke lie kiye gae apne asadharan karyon ke lie n sirf ve apne rajya ke ek lokapriya neta hain varan pure desh ke sarvapriya evan sarvamanya neta hain. keval thode samay men hi inhonne apne atulya karyon se apne rajya gujrat ko desh ka sabse shant evan samriddhashali rajya bana diya. yahan tak ki desh-videsh ke udyogpti bhi gujrat ko apne nivesh ke lie surakshit evan labhdayak sthan samjhte hain kyonki unhen aisa lagta hai ki yahan kisi bhi tarah ka lal fitashahi evan prashasnik bhrashtachar vidyaman nahin hai. inka hriday ank 22/4 hai jise janmank 8 evan adat ank 22/4 ka purn sahyog prapt hai jo unke bade evan durgami lok kalyankari evan manvtavadi udyamon ko shuru evan sanpann karne ki kshamata ko darshata hai. unka bhagyank 16/7 hai jo ki ek karmik ank hai. sath hi unka hriday ank 22/4, ek pramukh tatha karmik ank hai. shayad ye ank hi unke avivahit rahne ke lie uttaradayi hain. inhin karmik ankon ke karan ve hamesha kisi n kisi vivad men ate rahe hain khasakar godhra kand men.
Kya aapko lekh pasand aaya?
Subscribe