jay indar malik vavastav men vastu shastra men prakriti ke niyamon aur siddhanton ke anusar kisi bhavan ka nirman kahan hona chahie ya kis disha men kya banna chahiye aur kya nahin banna chahiye, iska margadarshan hota hai. kya karne se bhavan ke svami ke jivan men sukh-shanti v samriddhi ae iski vyakhya bhi vastu ke siddhant bakhubi karte hain. is lekh men vastu shastra ke mul siddhanton evan uski vartaman jivan men barhti upyogita par prakash dala gaya hai. stu siddhant ke adhar par aisa bhavan nirman kiya ja sakta hai jo sarva prakar se anukul hone ke sath-sath prakriti se bharpur labh karaye. vastu adharit nirman sukh samriddhi ka karak hai. halayudh kosh ke anusar vastu se tatparya hai- vastu sankshepto vakshye grah do vighnanashanam. ishan konadarabhya hyakashiti pade tyajet. arthat vastu sankshep men ishanyadi kon se praranbh hokar grih nirman ki vah kala hai jo grih ko vighn, prakritik utpaton upadravon se bachati hai. vastu ka kshetra bahut bara hai. vastu shastra ka jyotish se nikat ka sanbandh hai. vastu nirman men shubhashubhta v muhurt gyan ke liye jyotish ka sahara lena parta hai. iska bhugol evan bhugarbha-vidya aur ganit se bhi ghanishth sanbandh hai. vastu shastra ka palan karne se ap svasthya, mansik shanti, saflta aur sukh samriddhi pa sakte hain aur vastu-siddhanton ko apnakar niji jivan men ashcharyajanak parivartan la sakte hain. jo iska palan nahin karte ve duahkhi aur tanavagrast hone ke sath-sath anek samasyaon se jujhte hain. sab se pratham rigved men vastu ka pahla prayog mila. tabhi vastu shastra ka udbhav hua. vastu shastra ke udbhavkon men vishvakarma tatha may ke nam adhik lokapriya hain. vishvakarma ko devtaon ka vastuvid aur may ko asuron ka vastuvid mana gaya hai. vastu chahe choti ho ya bari uska nirman panchmhabhuton se arthat bhumi, gagan, vayu, agni evan nir se hua hai. inhen prakritik sroton se kaise adhik se adhik paya jaye iska gyan vastu shastra se hota hai. vastu shastra saur urja, chunbkiya pravahon, dishaon, vayu prabhavon, gurutvakarshan, urja aur prakriti ki anant shaktiyon ka manushya aur avas sthan men santulan pradan karta hai. urja do prakar ki hoti hai. 1. surya urja (char urja) 2. chunbkiya urja (sthir urja), donon ka samayojan = vastu. pratah 6 baje se 12.00 baje tak ilektro maignetik kirnen 12.00 baje se sham 6.00 baje tak jivnyapi urja. disha ka nirdharan uttar se kiya jata hai. jivndhariyon ko sarni men di hui baten sarvadhik prabhavit karti hain. in panch tatvon ke saman mishran se manushya ko dharm aur aishvarya ki prapti hoti hai. adhunik vigyan ka adhar vaidik gyan bhi hai. vastu ka mulbhut siddhant hai prakriti ke sthul aur sukshm prabhavon ko manav matra ke anurup prayog men lana. vastu shastra ke siddhant hamare purvajon ke adhyayan, anusandhan aur anubhvon ke prakash stanbh hain. inki satyata, vyavharikta aur vaigyanikta aj svatah siddh ho rahi hai. yah prithvi apni dhuri par lagabhag 23)0 ansh par jhuki hui hai aur lagabhag 24 ghante men ek chakkar pura karti hai. ise dainik gati kahte hain. sath hi yah lagabhag ek varsh men surya ke charon or ek parikrama bhi puri karti hai, ise varshik gati kahte hain. dainik gati ke karan rat aur din aur varshik gati ke karan rituen ati hain. 21 march aur 23 sitanbar ko prithvi apni parikrama path par aisi avastha men hoti hai ki surya ki kirnen bhumadhya rekha par sidhi parti hain. in dinon uttari golarddh aur dakshini golarddh donon men surya ka prakash saman rup se parta hai isliye in dinon men din rat barabar hote hain. 21 march ke bad prithvi age barhte huye aisi sthiti men a jati hai ki uttari golarddh men din ki avdhi ratri ki apeksha adhik hoti hai aur garmi ki ritu a jati hai. 21 jun ko surya ki kirnane kark rekha par sidhi parti hain. yah din sabse lanbi avdhi ka hota hai aur rat sabse choti. iske bad 14 julai se din ki avdhi ghatne lagti hai aur ratri ki avdhi barhne lagti hai. 23 sitanbar ko punah saman avdhi ke din-rat hote hain. ab surya ki kirnen dakshin golarddh men sidhi parti hai. 21 disanbar ko surya ki kirnen makar rekha par sidhi parti hain. yah din dakshini golarddh men sabse lanbi avdhi ka hota hai aur rat sab se choti. vahan garmi ki ritu rahti hai. iske viprit is din uttari golarddh men adhik shit ritu rahti hai. rat sabse lanbi aur din sabse chota hota hai. 14 janvri se iska viprit kram shuru ho jata hai. 14 janvri se 14 julai tak ki avdhi men kramshah vriddhi hoti jati hai. atah surya dakshin se uttar ki or chalta hai. yah uttarayan avdhi kahlati hai. 14 julai se 14 janvri tak iske viprit sthiti hoti hai. yah avdhi dakshinayan kahlati hai. jyotish shastra men uttarayan avdhi ko sabhi karyon ke liye shubh mana jata hai. adhunik vigyan ne yah siddh kar diya hai ki pratyek padarth anuon v parmanuon se rachit hota hai aur protraen, nyutraen v ilektraen sabhi parmanuon ke mul kan hote hain. ilektraenon ke gati karne ke falasvarup vidyut chunbkiya tarangane utpann hoti hain jiske vibhinn prakar ke prabhav utpann hote hain jaise rediyo, ti. vi. ya telifon ki karya pranali ko kisi vishesh avastha men rakhne se labh milta hai. bhavan nirman ya bana banaya bhavan kharidne ki yojna banate samay apni grah-dasha, yog adi par jarur vichar kar lena chahiye. surya adi ki sthiti ko dhyan men rakhakar bhavan banana ya kharidna chahiye. yadi yah sab vastu ke anurup hoga to sone men suhaga hoga. janmakundli ke anusar bhavan sukh ka yog dekh len. kuch yog is prakar hai: bhumi ka grah mangal hai. janmakundli ka chaitha bhav bhumi ya bhavan sukh hai. chaithe bhav ka svami kendra ya trikon men hona bhavan sukh ka yog hai. mangal aur chaturthesh, lagnesh v navmesh ka bali hona ya shubh grahon se yut ya drisht hona bhavan prapti ka achcha yog hota hai. iska vichar vyakti svayan ya vidvan jyotishi se karva sakte hain. aj ke samay men vastushastra ki upyogita kafi adhik hai tatha iska prayog bahut jaruri hai. ajakal jindgi ke tanavon aur kathinaiyon ko jhelte huai tan-man aur jivan men santulan banaye rakhna bahut jaruri hai.
Kya aapko lekh pasand aaya?
Subscribe