shankh ek adhyayn  

shankh ek adhyayan yashakaran sharma bhartiya sabhyata aur sanskriti ke itihas men ruchi rakhne vale pratyek hindu dharmavlanbi ke man men shankh ke prati vishesh astha hai. pratyek dharmik anushthan tatha jivan men hone vale 16 sanskaron tatha anya karmakandon men shankh ka apna alag mahatva hai. hindu dharm ke sabse pavitra aur gopniya karm ‘guru diksha’ men shankh ka mahatva kisi se chipa nahin hai. guru shankh se shishya ke kan men guru mantra funkta hai. is prakriya ke prati astik samaj men vishesh shraddha hai. arti ke samay mandiron men shankh dhvani ki jati hai. manyata hai ki arti ke samay shankh dhvani karne vale vyakti ke samast pap samul nasht ho jate hain. shankh dhvani ka vaigyanik adhar bhartiya vaigyanikon ke anusar shankh dhvani ka vatavaran par vishesh prabhav parta hai. shankh dhvani jahan tak pahunchti hai vahan tak ke vatavaran men rahne vale sabhi kitanu purnataya nasht ho jate hain. is tarah ke sabhi jivanu v rog vatavaran men lagatar shankh dhvani hote rahne se purn rup se samapt ho jate hain. brahmavaivart puran ke anusar shankh men jal bharne ke bad mandir men rakh dena chahie aur fir ghar ki sabhi vastuon par chirak dena chahie. jis tarah se kisi bhi dhatu ke bartan men rakhe hue jal men us dhatu ke gun a jate hain, usi prakar shankh men rakhe hue jal men bhi shankh ke gun a jate hain. is jal ko manav sharir par chirkne se sankramak rog se uski raksha hoti hai aur uske jivanu nasht ho jate hain. kisi bhi dharmik anushthan ka aranbh shankh dhvani se kiya jata hai. hindu dharm men ise prarthana karne ki mukhya vastu mana jata hai. pratyek shankh ka ek vishesh nam hota hai. vishnu ka shankh panchajanya shankh kahlata hai. arjun shankh devadatt, bhim ka paundra, yudhishthar ka anantvijay, nakul ka sughosh aur sahdev ka shankh manipushpak nam se jana jata tha. vaigyanik mahatva: shankh ko kanon ke karib le jane par samudra ki hiloron ki si halki-halki dhvani sunai parti hai. shankh ki dhvani se utpann kanpan prithvi ki nakaratmak v vidhvansak shaktiyon ko rokne men samarth ho sakte hanai. iske atirikt in kanpnon ke falasvarup pradushan aur global varming se bachav ho sakta hai tatha ojon leyar ke surakh bhar sakte hain. vigyan ke anusar shankh bajane se bajane vale ke andar sahas, drirh ichchashakti, asha v utsah jaise gunon ka sanchar hota hai. keval vadak men hi nahin, us vatavaran men rahne vale anya logon men bhi in gunon ka sanchar hota hai. lokashruti ke anusar shankh ki dhvani se pashuon ko ghabrahat hone lagti hai, jisse puja sthal men ishvar dhyan men pujari ko sarp ityadi khatrnak jiv badha nahin pahunchate. aisi bhi manyata hai ki shankh dhvani se buri atmaen dur bhagti hain. shankh ke inhin gunon ke karan purvi bharat men prakritik apdaen v bhuchal ityadi ane par shankhnad karne ki paranpra aj bhi prachlit hai. iske piche bhavna yah hoti hai ki bhakt jagat ke palanakarta (sanrakshaka) ko raksha ke lie pukar raha hai. shankh ka ayurvedik ya aushdhiya mahatva ayurved shastra ke anusar shankh ka vishesh aushdhiya mahatva hai. savdhnipurvak shankh bhasm nirmit davaen bahut se rogon ko dur kar deti hain. yog sadhna karte samay niyamit rup se shankh bajane se shvas nali majbut hoti hai, hriday rog dur hota hai tatha rogapratirodhak kshamata viksit hoti hai. shankh se jure sabhi dharmik vishvas vaigyanik adhar lie hue hain. vaigyanikon ka manna hai ki dhvani ke prasaran men surya ki kirnen badha utpann karti hain. islie shankh dhvani ka upyukt samay pratah kal ya sayankal mana gaya hai, jab surya ki kirnon ka ghanatva kam hota hai. shankh dhvani samast sankramak rogon ke kitanuon ko nasht karti hai. bhartiya vaigyanik jagdish chandra bos ne is tathya ko prayogon ke madhyam se satya sabit kiya. shankh dhvani ka shravan haklahat tatha bahrapan ko dur karta hai. jo vyakti niyamit rup se shankh bajata hai, use shvas rog, asthama tatha fefron ke rog men aram milta hai. shankh dhvani kai prakar ke rogon ko dur kar sakti hai. niyamit rup se ki gai shankh dhvani hava tatha vatavaran ko shuddh rakhti hai. aisa manyata hai ki jab shankh bajaya jata hai to yah punya ki pap par vijay ka ailan karta hai. bhagvan shrikrishn ne atyant uchch svar men mahabharat ke yuddh men shankhnad karke pure sansar ko chakit kar diya tha. shankh ke prakar shankh kai prakar ke hote hain. inmen pramukh is prakar hain. dakshianavarti shnakh vamavarti shankh ganesh shankh gaumukhi shankh kauri shankh moti shankh dakshinavarti shankh: jo shankh dahini (dakshin) or khulta hai, dakshinavarti shankh kahlata hai. yah bara durlabh hota hai. yah safed rang ka hota hai tatha is par bhuri rekhaen hoti hain. dhan ke devta kuber ki disha dakshin hai, islie dakshinavarti shankh dhan sanpatti v aishvarya ka pratik mana jata hai. iska akar anaj ke dane jaisa tatha nariyal jitna bara ho sakta hai. yah bahut gahre samudra men milta hai. vamavarti shankh: yah shankh bainn or khulta hai, isilie yah vamavarti shankh kahlata hai. yah shankh asani se mil jata hai tatha sabhi dharmik karyon men iska prayog hota hai. adhikatar shankh vamavarti hote hain. jyotishigan in shankhon ko rinatmak urjaon ko dur karne hetu prayog karne ki salah dete hain. vamavarti shankh ke bajane se samast rinatmak urjaen samapt hoti hain tatha as-pas ke vatavaran v atma ka shuddhikaran hota hai. ganesh shankh: yah shankh kimti aur sarvadhik prabhavshali rajya shankhon men ek hai. is shankh ki puja vighnon ke nash tatha saflta prapti hetu ki jati hai. is shankh ko vidya prapti aur saubhagya tatha parivarik unnati ke lie shreshthatam mana gaya hai. gaumukhi shankh: is shankh ka akar gay ke munh jaisa hota hai. is pavitra shankh ki upasna se sukh, saubhagya, saundarya v samriddhi ki prapti hoti hai. kauri shankh: is shankh ko prachin bharat men aishvarya tatha vaivahik sukh ka pratik mana gaya hai. ise santan, sanpÿia v man-samman ki raksha hetu prayog kiya jata hai. moti shankh: moti jaisi chamak rakhne vale is shankh ko saubhagya ka pratik mana gaya hai. yah shankh jagdish chandra bos bhi atyatan dalu bhar a mana gaya hai.