shankh dhvani ka gupt rahasya  

shankh dhvani ka gupt rahasya pan. dinesh kumar tripathi dhvanin vigyan ki satta-mahatta ko vishva ke sabhi vaigyanik ek mat se svikar karte hain. akashvani aur duradarshan ke avishkar ne dhvani ki mahatta ko siddh kar diya hai. bhartiya-minishiyon ne drishya aur adrishya, pratyaksh aur kalpanik sabhi padarthon ka sukshm vivechan kar prakriti ke anekanek rahasyon aur gupta-shaktiyon ka udghatan kiya. shankh bhi unhin rishi muniyon ki khoj hai, jismen prakriti ke kai rahasya chipe hue hain. shankh dhvani ke chamatkar: anek manishiyon ne shankh dhvani men sare brahmand ko samahit mana hai. unke kathnanusar, shankh dhvani akhil vishva-brahmand ka sankshipt rup hai. kuch aisa hi bhav ‘shankhnad- brahma’ shabd se bhi prakat hota hai. jis prakar kisi padarth se, rasaynik-prakriya dvara usmen nihit tatvon ko prithak karke unka vishleshan kiya jata hai, usi prakar visheshagyaon ne dhvani men antarnihit shaktiyon ki khoj karke, unke prayog dvara vibhinn prabhavon ka vishleshan kiya tha. apne parikshanon se ashvast hokar unhonne un prayogon ko ‘siddhant’ ki sangya di. age chalakar dusre vidvanon ne un siddhanton ko viksit kiya. aj ka viksit vigyan bhi shankh dhvani ki kshamata ko svikar karta hai. iske niyamit-prayog ke prabhavavash sukshmatam hanikar baiktiriyaon ka nash ho jata hai. vaigyanikon ne dhvani-prabhav ke astitva aur uski sarthakata par gahan shodh kiya hai. shankh dhvani ke vishleshan men ek vidvan ne likha hai: jab shankhnad hota hai, tab usse vayu men ek vishesh kism ki tarangen utpann hoti hanai. ye tarangen vayumandal men vyapt ithr-tatva ke madhyam se kuch hi kshanon men brahmand ki parikrama kar dalti hain. is parikrama ke dauran jahan unhen anukul tarangen prapt hoti hanai, ve unse mil jati hanai aur uske prabhav se sadhak ki abhilasha puri ho jati hai. kintu yah sab itni shighrata se hota hai ki iske sidhe prabhav ka gyan hamen tatkal nahin ho pata. shankh dhvani ke prabhav ka varnan anek granthon men milta hai. sangit ke hi ek purak ang (vadya-shankh dhvani) ke madhyam se aj bhi anek kshetron men chamatkarpurn karya sampadit ho rahe hain. tajjaur ke ek vidyalay men vanaspati-shastriyon ne shankh dhvani ke madhyam se vanaspatik utpadan (paidavar) men vriddhi ke safal prayog kar dikhae hain. shankh dhvani ke dvara pashu-pakshiyon ko sammohit karne ke kitne hi prasang itihas men milte hain. samrat vikramaditya, udayan baba haridas, sannyasi sachchidanand, ajay krishnanand, lal baba tantrik aur tansen dhvani kshetra men devtaon ki bhanti pujya hanai, kyonki unhonne shankh dhvani ki shakti ke prayog men siddhi prapt ki thi. jangli janavar bhi shankh dhvani se prabhavit hote hain. mrig ka ‘vani-prem’ vikhyat hai. samudri jivon men daelfin aur sil jati ki machliyan shankh dhvani se mugdh hokar apni raksha karna bhi bhul jati hain tatha samudra se bahar a jati hain. ki sanp, chuhe tatha anya jiv-jantu bhi shankh dhvani se prabhavit, stabdh, pramit, bhaybhit athva vashibhut ho jate hain. pashu-manovigyan ke prakand pandit jaerj kervinsan ka kathan hai ki shankh ki dhvani se mugdh hokar chuhe din men bhi nirbhay hokar pas a jate hain. kutte, ullu aur garur bhi is dhvani se prabhavit hote hain. isi prakar narve ke vidvan dae. hansan ka kahna hai ki shankh dhvani ka anand lene men madhumakkhi ka sthan sarvochch hai. jar padarthon ko bhi shankh dhvani se prabhavit hote dekha gaya hai. aestreliya ke melabarn nagar men ek bar bina petrol, bijli ya dijal ki kar ko shankh dhvani se chalane ki khabar ai thi. yah chamatkar amerika ke graham aur nil nam ke do vaigyanikon ne kiya tha. pratham vishva yuddh (1914-1919) ke samay jarman sena ne yuddh ke dauran shankhnad kiya tha. yah shankh panchajanya tha. kahte hain ki isse ek aisi vishisht dhvani utpann ki jati thi, jiski shakti mrityu-karan jaisi ghatak thi. us shankh se ek aisi aur use is tarah se vayumandal men prasarit kiya jata tha ki uske prabhav se shatru sainik nishchesht aur anttah nishpran ho jate the. chikitsa men bhi shankh dhvani ka upyog kiya jata hai. ghav, netra vikar, snayudosh, dama, sannipat, hridyrog, madhumeh, mastishk rog adi ki chikitsa men shankh dhvani ka prayog kiya jata hai. yahan tak ki dhvani ka sanbal lekar aepreshan jaise jatil karya bhi safltapurvak sanpann kie gae hain. chikitsa jagat ka navinatam avishkar altrasaund dhvani vigyan par hi adharit hai. itna hi nahin, ab to vatanukulan men bhi dhvani ki upadeyta siddh ho chuki hai. shankh dhvani ke kuch anya chamatkarik prasang: pitsavarg (amerika) ke ek chikitsak ne shankh dhvani chikitsa pranali ko viksit karne ke lie ek sanstha ka srijan kiya hai jahan adhikatar rogon ka upchar shankh dhvani se kiya jata hai. is sanstha ka nam rikarding shankh faer rilaikjeshan, rispans end diskavari hai jise sankshep men ar faer ar kaha jata hai. bharat men bhi shankh aur shankh dhvani ke madhyam se rogon ki chikitsa ki jati hai. prachin-kal ke sandarbhon ko bhale hi kapol-kalpit kah len, par madhyayugin itihas ko nakar nakar nahin sakte. kai udaharan is bat ke gavah hain. is sandarbh men miyami vishvavidyalay (amerika) ke dae. richards ka ullekh avashya hai. unki upalabdhi bhi chakit karne vali thi. vah shankhadhvani se mugdh karke samudra se machliyan pakra karte the. shikari log pal ka sahara lete the, parantu dae. richards shankhnad ka ashray lekar yah asanbhav jaisa karya sanbhav kar dete the. frans bhi, jo apne vaibhv-vilas ke lie yurop men chirkal se prasiddh hai, is kshetra men piche nahin raha. vahan peris ki ek mahila maidam kinlang shankh dhvani ke prati purnataya samarpit thi. vah shankh dhvani ke sahare vibhinn prakar ki akritiyan bana kar paryatkon ke man ko moh leti. dhvani prabhav ke chamatkar ka yah adbhut udaharan hai. lekin age chalakar is par pratibandh laga diya gaya. ameriki antriksh shodh sansthan nasa ki riport ke anusar shankhadhvani se khagoliya urja ka utsarjan hota hai. yah urja aspas ke hanikarak jivanuon ka nash aur logon men shakti tatha sfurti ka sanchar karti hai. sthul ki apeksha sukshm ki shakti ko aj ka bhautik-vigyan aur vaigyanik bhi svikar karte hain. barud aur uski gais ki prabhav-bhinnata sarvavidit hai. yahi siddhant dhvani aur mantra ke sandarbh men bhi lagu hai. bhartiya manishiyon ne dhvani ke mahatva ko samjha aur use mantra ke rup men upadey ghoshit kiya tha. mantra vidya ke vikas ka yahi vaigyanik adhar raha hai ki dhvani (shabda) ki shakti anya bhautik padarthon ki shakti se kahin adhik sukshm aur vibhedak hoti hai. aj ke anu siddhant ki utpatti men is dhvani siddhant ka bhi yogdan hai. dhvani tarangon ke madhyam se kisi bhi vyakti athva vastu ko, vah kahin bhi ho, prabhavit kiya ja sakta hai. tatparya yah ki shankh dhvani ka apne ap men ek vishesh mahatva hai. dhvani ka nash nahin hota. dur sanchar tatha rediyo iske praman hain jo hajaron mil dur bole gae shabdon ko logon tak pahunchate hain. shankh nad se bhautik, adhyatmik tatha mansik sukhon ki anubhuti ho hai. is tarah shankh nad ka adhyatmik mahatva to hai hi, vaigyanik mahatva bhi hai aur yah bat aj ke vaigyanik shodhon se siddh ho chuki hai.