shankhon ki utpatti aur mahima prem prakash ‘vidrohi’ saflta v unnati ki prapti hetu shankh ka vishesh mahatva hai. prachin rishi muniyon ne adhyatmik sadhna men shankh ko vishesh mahatva diya hai. sab devalyon men shankh dvara bhagvan ka pujan kar uske jal ke chinte bhakton ko isilie die jate hain ki unhen bhagavat kripa, moksh aur arogya ki prapti ho aur unki manokamnaen puri hon. shankhon ki utpatti: shastron ke anusar shankhon ki utpatti samudra manthan ke samay hui. panch janya shankh samudra manthan se nikla tha jise bhagvan vishnu ne atyant upyogi janakar svayan dharan kar liya. katha hai ki durvasa rishi ne kanuti ko shankh dekar kaha tha ki iska pujan karne se vanchit fal ki prapti hogi. kunti ne surya bhagvan ka ahvan kiya jisse surya dev prakat hue. fir kunti ne unse unhin ke saman tejasvi putra manga. vah avivahit thi, parantu shankh ki kripa se use karn jaise vir v dani putra ki prapti hui. tatparya yah ki shankh santan hin ko santan, nirdhan ko dhan aur moksharthi ko moksh dene ke sath-sath sadhak ki anya sabhi kamnaen bhi puri kar sakta hai. atah har vyakti ko apne puja sthal par iski sthapna karni chahie. shankhon ki prapti: shankh samudron men pae jate hain. samudron men jab jvar bhate ate hain to kuch shankh, sip adi kinare chor jate hain. iske atirikt gotakhor gota lagakar uÿam shreni ke shankh nikalte hain. samudron ke atirikt kuch shankh ganga aur us jaisi anya bari nadiyon men bhi pae jate hain. shankh vibhinn akaron ke hote hain. puja anushthanon ke atirikt ayurvedik chikitsa paddhati men vibhinn rogon ke upchar men inki bhasm ka upyog kiya jata hai. pata: jyotish anusandhan kendra mohalla-bohran, po.-rajagarh, alavar (rajasthan) pin-301408 prem prakash ‘vidrohi’ shankhon ke bhed: shankh ke panch pramukh bhed hain - puja shankh, dakshinavarti shankh, moti shankh, ganesh shankh aur kachua shankh. doshmukt shankh mulyavan hote hain. inhen vishvasniya pratishthanon se hi kharidna chahie aur kharidte samay yathasanbhav savdhani bartni chahie. shankhon ke vividh prayog: puja anushthan tatha anya manglik karyon ke avasar par shankhnad kiya jata hai. shankhnad se aspas ke hanikarak jivanu nasht ho jate hain. is bat ko vidvanon ne prayog karke siddh kar diya hai. aksar dekha gaya hai ki nitya shankhnad karne valon ka svasthya uÿam rahta hai. shankh men rakha pani hanikarak jivanuon ko nasht karta hai. yahi karan hai ki mandiron men pujarigan bhakton par shankh se jal chirkte hain v usi ko charnamrit svarup bhakton men vitrit karte hain. ganesh shankh ki akriti bhagvan ganesh ke sadrish hoti hai. pujan men iske prayog se abhisht ki siddhi hoti hai. vanchit fal ki prapti ke lie kisi shubh muhurt men chaiki ya patte par chandi, tamra ya sone ke patra men svastik par shri ganesh shankh ko vidhipurvak sthapit kar bhagvan ganesh aur shankh ka shodshopchar vidhi se pujan karna chahie. santan prapti ke ichchuk sadhkon ko nimnalikhit ganesh stotra ka path karna chahie. santanaprad ganpti stotra: namo'stu gannath siddhi yutay ch. sarvapraday devay putra-vriddhi praday ch.. guru daray guruve goptre suhyasitayte. gopyay gopitashesh bhuvnay chidatmane.. vishvamulay mivyay vishva srishti karate. namo namaste satyay satya purnay shundine.. ek datan ay shuddhay sumurvay nama e namah. payra tn jan palay prantarti vinashine.. sharnan bhav devesh santti sudrirha kuru. bhumishyanti ch ye putra matkulegnnayak.. te sarvetav pujarth nirtaah syurvaro matah. putra prad midan stotra sarvasiddhi pradayakam.. moti shankh ghar ke mandir men rakhakar iske samaksh kankdhara stotra ka nitya path karne se nirdhan ko dhan v berojgar ko rojgar ki prapti hoti hai. shankh vadan ka apna vishesh mahatva hai. ise dhyan se sunne par ¬ ka svar sunai deta hai. yah dhvani mokshapradayini hai. shandnad ke inhin gunon ke karan sabhi mandiron men pujan ke pashchat shankh bajaya jata hai. ek chota shankh, chandi ke chand aur suraj, tanbe ka paisa tatha chandi ka chota mahamrityujany yantra bachche ko pahnane se najar dosh v bimair se uski raksha hoti hai. shighra vivah hetu ganesh shnkh ka pujan kar nimnalikhit mantra ka sava lakh jap karna chahie. mantra: ¬ vakratundai danshtraye klin inin shri gan ganpteshvar varad sarvojan me vashmanay svaha. vidvanon se shankh ki pahchan karakar uski sthapna karni chahie. sthapna ke purva ishtadev ki puja karni chahie. fir shankh ka panchagavya tatha panchamrit se sanskar tatha puja kar ¬ shan shankhay namah mantra ka ek mala jap karna chahie. is puja se vanchit fal ki prapti hoti hai.
Kya aapko lekh pasand aaya?
Subscribe