shankh men gun bahut hai sada rakhie sang  

shankh men gun bahut hain sada rakhie sang pan. kishor ghildiyal pauranik kathaon ke anusar shankh samudra mathann ke samay prapt chaidah anmol ratnon men se ek hai. lakshmi ke sath utpann hone ke karan ise lakshmi bhrata bhi kaha jata hai. yahi karan hai ki jis ghar men shankh hota hai vahan lakshmi ka vas hota hai. puranon men shankh ki utpaÿia ke bare ek rochak prasang men kaha gaya hai ki bhagvan aur shankhchunr rakshas mane jab yuddh ho raha tha tab bhagvan shankar ne bhagvan vishnu se prapt trishul se shankhchunr ka vadh kar uske tukre kar asthi panjar samudra men dal die aur unhin asthi panjron se shankh ki utpatti hui. is prasang ka ullekh brahmavaivart puran ke prakriti khand ke 18 ven adhyay men bhi hai. nau nidhiyon men bhi shankh ka ullekh hai. anya granthon men shankh ke vishay men kaha gaya hai- shankh chandrarkadaivatyan madhye varundaivatam. prishthe prajaptin vidhadagte ganga sarasvatim.. trailokye yani tirthani vasudevasya chagyaya. shankhe tishthanti viprendra tasmat shankh prapujyet.. darshanen hi shankhasya kin punah sparshanen tu vilyan yanti papani himavad bhaskarodme. arthat shankh surya v chandra ke saman devasvarup hai jiske madhya men varun, prishth men brahma tatha agra men ganga aur sarasvati nadiyon ka vas hai. tirthatan se jo labh milta hai, vahi labh shankh ke darshan aur pujan se milta hai. isilie shankh ki puja ki jati hai. jis prakar dhup ki garmi se barf pighal jati hai, usi prakar shankh ke darshan matra se pap nasht ho jate hain. atharva ved men shankh ko paphari, dirghayu pradata aur shatruon ko parast karne vala kaha gaya hai. ramayan, mahabharat adi kavyon men bhi shankh ka ullekh milta hai. kai devi devtagan shankh ko astra (ayudh) rup men dharan kie hue hain. mahabharat men yuddharanbh ki ghoshna aur utsahavardhan hetu shankh kiya gaya tha, jiska ullekh gita mane is prakar aya hai- panchajanyan rishikesho devdÿan dhananjay paundran dadhyamau mahashankh bhimakarmo vrikodar. mahabharat men suryoday ke samay yuddharanbh aur suryast ke samay yuddhavsan donon ki ghoshna shankhnad se hi ki jati thi. adi granthon men shankh ko vijay, yash v pavitrata ka pratik kaha gaya hai. sanatan dharm sanskriti men iski vishesh mahatta hai. iski isi mahatta ke karan iski puja hoti hai aur sabhi shubh avsron par ise bajaya jata hai. yah bat vaigyanik janch men bhi siddh ho chuki hai ki shankh nad se vatavaran hanikarak jivanuon v prakopon se mukt rahta hai. prapti sthan: vaise to shankh lagabhag har samudra men paya jata hai, parantu bharatavarsh men yah mukhyatah bangal ki khari, madras, puri tat, rameshvaram, kanya kumari aur hind mahasagar men milta hai. shankh ke pramukh bhed: shankh ke mukhyatah tin prakar prakar hote hain - vamavarti, dakshinavarti tatha ganesh shankh. vamavarti shankh ka prayog sabse jyada hota hai. iska upyog puja anushthan aur anya manglik karyon ke samay bajane v kahin-kahin sajavat ke lie kiya jata hai. ise pratah aur sayan kal arti ke pashchat bajane ki pratha hai. ise do prakar se sidhe hothon se v dhatu ke belan par rakhakar bajaya jata hai jinhen kramshah dhaman v puran kahte hain. shankhvadan ke aushdhiya gun bhi hain. ise bajane se shvas rog se bachav hota hai. yahi nahin, ismen rakhe jal tatha iski bhasm ka sevan karne se anya anek bimariyon se bhi raksha hoti hai. iske in aushdhiya gunon ka ayurved men vishesh ullekh hai. dakshinavarti shankh ko lakshmi ka sakshat svarup mana jata hai. yah atyant mulyavan hota hai aur sarvatra sulabh nahin hota. yah dain or se khula hota hai. is shankh ke do bhed hote hain - purush aur stri. yah bajane ke kam nahin ata. ghar men lakshmi ke sthir vas tatha anya vanchit falon ki prapti ke lie iski sthapna ki jati hai. ganesh shankh piramidnuma hota hai. iski sthapna aur puja rin tatha daridrata se mukti aur vidya ki prapti hetu ki jati hai. ganesh in sabhi karyon ke dev hain islie ise ganesh svarup mana gaya hai. shankh ka jyotishiya mahatva jyotish men shankh ko budh grah se sanbandhit mana gaya hai. ise char varnon men bata gaya hai jiska adhar iska rang hai. is drishti se shankh char rang ke hote hain - safed, gajar ke rang ke saman v bhure, halke pile aur sleti. vaigyanik mahatva shankh ek samudri utpad hai, jise molaskash parivar men rakha gaya hai. yah ek vishesh kism ke samudri jiv ka kavach hai. upar iske vibhinn vaigyanik v aushdhiya gunon ka ullekh kiya ja chuka hai. upar varnit tin pramukh shankhon ke atirikt kuch anya shankhon ka vivaran is prakar hai. gomukhi shankh is shankh ki akriti gay ke mukh ke saman hoti hai. ise shiv pavarti ka svarup mana jata hai. dhan-sanpatti ki prapti tatha anya manokamnaon ki purti ke lie iski sthapna dakshinavarti shankh ke saman uttar ki or munh kar ke ki jati hai. manyata hai ki ismen rakha pani pine se gauhatya ke pap se mukti milti hai. vishakha, pushya, ashlesha adi nakshatron men iski sadhna vishesh rup se ki jati hai. ise kamdhenu shankh bhi kaha jata hai. vishnu shankh yah safed rang aur garur ki akriti ka hota hai. ise vaishnav sapranday ke log vishnu svarup manakar gharon men rakhte hain. manyata hai ki jahan vishnu hote hain, vahan lakshmi bhi hoti hain. isilie jis ghar men is shankh ki sthapna hoti hai, usmen lakshmi aur narayan ka vas hota hai. manyata yah bhi hai ki is shankh men rohini, chitra v svati nakshatron men gangajal bharakar aur mantra ka jap kar kisi garbhavati ko us jal ka pan karane se sundar, gyanvan v svasth santan ki prapti hoti hai. panchajanya shankh yah bhagvan krishn bhagvan ka ayudh hai. ise vijay v yash ka pratik mana jata hai. ismen panch ungliyon ki akri ti hoti hai. ghar ko vastu doshon se mukt rakhne ke lie sthapit kiya jata hai. yah rahu aur ketu ke dushprabhavon ko bhi kam karta hai. annapurna shankh yah anya shankhon se bhari hota hai. iska prayog bhagyavriddhi aur sukh-samriddhi ki prapti hetu kiya jata hai. is shankh men gangajal bharakar pratahkal sevan karne se man men santushti ka bhav jagrat hota hai tatha vyakulta samapt hoti hai. moti shankh yah akar men chota v moti ki abha lie hota hai. ise bhi lakshmi ki kripa ke lie dakshinavarti shankh ke saman pujaghar men sthapit kiya jata hai. iski sthapna se samriddhi ki prapti v vyapar men unnati hoti hai. ismen niyamit rup se lakshmi mantra ka jap karte hue 11 dane chaval lakshmi shighra hi prasann hoti hai. hira shankh yah sfatik ke saman dhaval, paradarshi v chamkila hota hai. yah aishvaryadayak kintu atyant durlabh hai. isse hire ke saman sat rang niklte hain. iska prayog prem vardhan v shukra dosh se raksha hetu kiya jata hai. iski sthapna se shukra grah ki kripa bhi prapt hoti hai. taigar shankh is shankh par bagh ke saman dhariyan hoti hain jo bahut hi sundar dikhti hain. ye dhariyan lal, gulabi, kali v katthai rangon ki hoti hain. iski sthapna se atmavishvas men vriddhi hoti hai tatha shani, rahu aur ketu grah ki vyadhiyon se mukti milti hai. sath hi sadhak ke man men tantra shakti ka sanchar bhi hota hai. tatparya yah ki shankh men anek gun hain. ye gun adhyatmik bhi hain, vaigyanik bhi aur aushdhiya bhi. inke in gunon ko dekhte hue inki sthapna avashya karni chahie.