dharm, arth, kam v moksh manav jivan ke mukhya lakshya kahe gae hain. har vyakti in lakshyon ki prapti hetu yathasanbhav prayas karta hai. lakshyon ki prapti hetu shastron men vibhinn jyotishiya samagriyon ke upyog ka ullekh hai, jinmen rudraksh ka sthan pramukh hai. rudraksh bhagvan shiv ka ansh hai aur shiv sanharak hain, to kalyankari bhi. rudraksh men bhagvan ka kalyankari rup samahit hai. yahi karan hai ki ismen kashton se mukti ka samathrya hai. rudraksh dharan se jahan sharirik aur mansik rogon se mukti milti hai, vahin vibhinn rudraksh vibhinn karyon ke sanpadan aur lakshyon ki prapti men sahayak hote hain.
yahan kis lakshya ki prapti hetu kaun-sa rudraksh dharan karna chahie, iska vivaran prastut hai. vidya prapti men saflta vidya prapti men saflta ke lie tin mukhi evan chah mukhi rudraksh dharan karna chahie. tinmukhi rudraksh sakshat agnidev ka svarup hai. iske dharan se anek vidyaon ki prapti sanbhav hai. ise dharan karne se mandbuddhi balkon ki buddhi ka vikas bhi hota dekha gaya hai. ise satva, raj aur tam tinon gunon ka svarup mana jata hai. chah mukhi rudraksh bhagvan shadanan ka pratik hai. iske devta bhagvan kartikey hain. yah sankalp shakti aur gyan pradan karta hai. isi ke saman ganesh rudraksh bhi vidya prapti men sahayak hota hai.
ise dharan karne se parhai men man lagta hai aur budvi kushagra hoti hai. jin vidyarthiyon ko vidya prapti meen badhaen ati hon, unke lie yah bahut upyogi hai. dhan prapti, naukri evan vyavsay men saflta hetu sat mukhi rudraksh dhan prapti evan vyapar vriddhi men vishesh sahayak mana jata hai. is rudraksh ke devta saptarishi hain. vrish, kanya aur kunbh lagn ke jatkon ke lie yah rudraksh atyant labhaprad hota hai. iske atirikt barhmukhi rudraksh bhi naukri men ane vali sabhi kathinaiyon ko dur karta hai. ise dharan karne se daridrata se mukti milti hai. prashasnik adhikariyon ke lie yah rudraksh atyant labhaprad hai. dampatya sukh men vriddhi hetu do mukhi rudraksh dharan karne se vivah yogya var ya kanya ka vivah shighra hota hai. yah ardhanarishvar ka rup hai. ise dharan karne se dampatya jivan sukhamay hota hai.
isse mansik shanti bhi milti hai. dampatya jivan ko sukhamay banane men gauri shankar rudraksh bhi sahayak hota hai. yah sabhi lagn ke jatkon ke lie shubh mana gaya hai. ise dharan karne se pati-patni ke madhya prem pragarh hota hai tatha parivar men sukh-shanti bani rahti hai. yah talak ya algav jaisi paristhiti ka bhi shaman karta hai. uttam santan ki prapti hetu santan prapti men ane vale vighn ko dur karne men bhi rudraksh sahayak hota hai. is hetu pati ko chah mukhi aur patni ko gyarah mukhi rudraksh dharan karna chahie. gauri ganesh rudraksh dharan karne se putra santan ki prapti hoti hai aur santan ke sabhi prakar ke kashton ka nivaran hota hai. unnati evan man-samman ki prapti hetu unnati tatha pragti ke lie naumukhi rudraksh dharan karna chahie. iski devi bhagvti durga hanai.
ise dharan karne se sahas evan karmathata men vriddhi hoti hai. yah rudraksh gale men athva bayin bhuja par dharan karna chahie. isse jatak ki kundli ka navam bhav bali hota hai, jisse bhagya hamesha uska sath deta hai. jivanacharya men ane vali badhaon evan anya kashton se mukti hetu kort kachhri ke mamlon men saflta tatha durghatanaon evan shatruon se raksha ke lie athmukhi rudraksh dharan karna chahie. ise vinayak ka rup mana gaya hai. vighnaharta shri ganesh iske devta hain. ise dharan karne se sabhi prakar ke kashton aur badhaon se mukti milti hai.
yadi bhagya sath n de raha ho, to dasmukhi rudraksh dharan karna chahie. yah bhagvan vishnu ka svarup hai. trijuti rudraksh bhi sabhi prakar ke kashton ka nivaran karta hai. ismen tin rudraksh prakritik rup se jure hote hain. uttam svasthya hetu achchi sehat har vyakti ki kamna hoti hai. kaha bhi gaya hai, ‘pahla sukh nirogi kaya.’ svasthya ko anukul banae rakhne ke lie chaidah mukhi rudraksh dharan karna chahie. yah hanuman ji ka svarup hai. ise dharan karne se vyadhiyon se mukti milti hai tatha arogya ki prapti hoti hai. yah shani aur mangal ke ashubh prabhav se bhi jatak ki raksha karta hai.
is rudraksh ki mala par bhagvan purushottam ke mantron ka jap karne se svasthya anukul aur raktachap niyantrit rahta hai. tin mukhi rudraksh hriday sanbandhi rogon se mukti ke lie, ek mukhi mansik pareshani v sans ki bimari se, do v char mukhi livar ke rog se, panch mukhi vataj tatha asadhya rogon se aur sat mukhi tatha naumukhi shani dosh ke karan utpann rogon se mukti ke lie aur ath mukhi rudraksh akasmik durghatanaon se bachav ke lie dharan karna chahie. mansik shanti evan adhyatmik unnati hetu pandrahmukhi rudraksh ko purnima ke din dharan karne se mansik tanav se mukti milti hai, manokamnaen purn hoti hain aur manobal men vriddhi hoti hai. yah bhagvan pashupti ka svarup hai.
ise dharan karne se jatak papmukt ho jata hai. ekagrata men bhi yah rudraksh sahayak hota hai. sadhu-sannyasi rudraksh ko kanth ke atirikt kalaiyon men bhi pahnte hain. barhmukhi v chaidhmukhi rudraksh adhyatmik unnati hetu dharan kie jate hain. dharan vidhi rudraksh shubh muhurt men dharan karna chahie. iske lie somvar uttam rahta hai. brihaspativar ko evan mahashivratri ke avasar par bhi rudraksh dharan kar sakte hain.
rudraksh yathasanbhav sone ya chandi men marhvakar athva keval lal dhage men dharan karna chahie. pratah kal snanadi ke pashchat rudraksh ko gangajal tatha kachche dudh se dhokar chandan, ful v dhup-dip se puja karen. fir rudraksh ke mukh ke anurup 108 bar bij mantra ka uchcharan karen athva ¬ namah shivay ka ek mala jap kar purva ya uttar ki or mukh karke shraddhapurvak dharan karen.