aie janen ki rashi/lagn dvara ap kaisi dresing tebal pasand karti hain
♣ mesh
mesh rashi /lagn ki mahilaen gochar men pahle parne vali rashi ko prastut karti hain aur isi karan inke svabhav men thori jaldabaji rahti hai jiske chalte ye shringar ka saman to jarurat ka hi kharidti hanai kintu ek bar men ikattha leti hanai aur dresing tebal par bhi madhyam staek menten karti hain yani saman to bahut jyada nahin hota lekin jaldi-jaldi kam karne ke karan bahut sanvar kar nahin rakh patin. inke shringardani men barhiya chijen to hongi lekin kost ifektiv bhi hongi.
♣ vrishbh
vrishabh rashi mahila par shukra dev ki khasa mehrbani hoti hai jisse inhen saf suthra aur saja kar saman rakhna pasand hota hai. mekap ka saman inki dresing tebal par dusre lagna/rashi ki mahilaon ki apeksha kafi kam hota hai jiske karan safai aur kayde se lagakar rakh pati hain. uttam gunavatta aur branded saman jaise parafyum ityadi ka khasa shauk rakhti hanai.
♣ mithun
ap buddhimatta ke karan soch samajhakar, dam parakhakar saman kharidti hain aur apki dresing tebal par bahut mahangi brand ka saman kam hi dekhne ko milta hai. apki dresing tebal par purani chijen bhi bahut milti hain yani jo salon pahle kharidi ho. sabse khubsurat n bhi sahi par thik-thik saji hoti hai. tarh-tarah ke rangon ka saman apki dresing tebal par paya jata hai yani fasrt luk men apki dresing tebal malti kalard si lagti hai.
♣ kark
apne rishton aur baki saman ki tarah hi apka jurav bhi apni dresing tebal se sabse anokha hota hai. hay fay samanon aur itra ka khasa shauk rakhti hain. apke dresing tebal par bahut jyada saman bhara nahin hota aur bari achchi tarah se mentend hota hai. sari chijen alg-alag tarah ke staind men saji dikhai parti hanai. saman darajon men kam aur upar jyada laga hota hai fir bhi khubsurti se saje hone ke karan bahut lubhata hai. ap apna kafi samay lagakar chijen kharidti hain aur fir inhen istemal bhi khub karti hain.
♣ sinh
apko mekap ka saman kharidne ka kafi shauk hota hai aur pichli botal khali hone se pahle hi nai-nai chijen aur kharid leti hain. apke dresing tebal par adhi-adhi bhari kai chijen hoti hain aur shringar ka dher sara saman jitna dresing tebal ke upar hota hai utna hi andar bhi hota hai. apko purana saman bhi sanjo kar rakhne ki adat hai aur khatm hone se thora pahle use bacha kar rakh deti hain. tebal par saman jyada hone ke karan bhir bharaka sa hota hai fir bhi apko bharakar dresing tebal par saman rakhna hi pasand hai.
♣ kanya
ap bahut bare brand ke piche n bhagne vali stri hain jise mitron dvara gift mila saman bhi khub pasand ata hai. sahi mayne men kaha jae to apke lie dresing tebal ka koi khas mahatva nahin hai kyonki ap kam hi chijen lagati hain aur apni unhin regular brand ko apne pas dekhakar khush rahti hain. samanon ki madhyam list hone ke karan kabhi to sara saman upar hota hai to kabhi daraj men.
♣ tula
shukra pradhan aur shaukin mijaj hone ke karan ap apni samathrya ke anusar barhiya se barhiya mekap ka saman kharidti hain aur apki dresing ka saman bhi sabse bare saij ki dresing tebal men hi aega. har prakar ke saj shringar ka saman ismen upalabdh hoga aur ise sabse jyada salike aur kayde se bhi ap hi saja kar rakhti hain jaise heyar esesherij ki ek daraj, nel pents ka alag baeks, lipastik ka alag baeks adi. apka saman upar tebal par kam aur darajon men jyada sanjoya rahta hai.
♣ vrishchik
ap svabhav se rahasyamyi stri hoti hain aur mekap ke saman ke lie bhi bara anokha tebal rakhti hain. apka dresing tebal bhi ap ki hi tarah miksd svabhav vala dikhta hai jo aise samanon se bhara dikhai deta hai jiski kuch chijen bahut mahangi hoti hain to kuch ekadam sasti. jo apke man ko lubha le vahi apka brand hai. bahar rakhe saman ko dekhakar yah pata lagana mushkil hai ki andar darajon men kis tarah ka saman ho sakta hai. apko dresing tebal ka bahut shauk n hone ke karan kabhi dil men ae to sanbhalti hain nahin to simit saman hone ke karan vah khasa nahin badltin.
♣ dhanu
dhanu lagna/rashi ki mahila hone ke karan ap bahut sahaj rang ke mek ap ka saman istemal karti hain. ap samajik pratishtha se juri aisi mahila hain jise mekap ke saman bahut kam hi chahie hota hai. n jyada saman, n jyada bikhrav aisa apka manna hai aur saman bare hisab se tebal ke upar hi saja ho. ek staindard ka barhiya saman kharidti hain aur usi ko bar-bar pratisthapit karti hanai. naya saman cheshta karna kam pasand hota hai islie lanbe samay tak dresing ek si dikhti hai.
♣ makar
apko behad mahanga saman upyog karna pasand hai. adhikatar vyapari varg se sanbandhit hone ke karan mahange aur branded saman ki taraf apka jhukav adhik rahta hai kintu apka dresing tebal sabse kam vel mentend hota hai. kahen to saman simit hoga, botal bhi madhyam akar ki hi kharidengi lekin use bikher kar rakhti hain. kabhi-kabhi jarurat ka saman dhunrhne men apko mushkil hoti hai. saman ko alg-alag jagah rakhne ki apki adat ke karan jarurat parne par hamesha chij ki kami si dikhai deti hai.
♣ kunbh
apki chote saij ki saf suthri dresing tebal hoti hai aur ismen selektiv saman hi paya jata hai. desh-videsh ke kai konon se kharidi gai nayab aur kam milne vali chijen ikattha karna apko pasand hai aur in sabhi chijon ke piche unke dam, dukan aur kharidne ki kahani bhi apko khub yad rahti hai aur inki visheshtaon ka bakhan karna bhi apka shauk hai. saman ko samuchit kram men rakhti hain aur lagav bhi mahsus karti hain.
♣ min
ap nae se nae faishan trend ko turant apnana chahti hain aur samay ke sath rang birange nakhun paelish, lipastik aur lainars ka dher laga leti hanai. lekin apni dresing tebal bakayda sanvarakar rakhne ki adat hoti hai. achchi se achchi brand ka prayog karti hain. bara sa, saja sanvra aisa dresing tebal hota hai jismen jagah ke hisab se sara saman achche kram men lagaya gaya ho. saj sajja ka sabse jyada shauk bhi ap hi ko hota hai aur islie khub lagan se yah sara saman istemal bhi karti hain.
uprokt lekh men apne bare men janne ke lie apni lagn anusar parhen. yadi lagn n malum ho to chandra rashi anusar. yah bhi n malum ho to janm tarikh anusar surya rashi gyat kar lekh parhen . lagn jo ki janm tarikh, samay v sthan par nirbhar karta hai apki chavi ko 100 pratishat charitarth karti hai jabki chandra rashi jo keval janm tarikh par nirbhar karti hai keval 50 pratishat aur surya rashi jo keval janm mah par nirbhar karti hai keval 25 pratishat chavi ka darshati hai.