aj ke yug ko yadi ‘‘midiya yug’’ bhia kah diya jae to koi atishyokti nahin hogi. loktantra ke is chaithe stanbh ki aj ke yug men bahut hi mahti bhumika hai iske akarshan se koi nahin bach pa raha hai. kairiyar ke rup men bhi yah bahut pasandida ban gaya hai khasakar aj ke yuva varg ko is men apne lie bahut kuch dikh raha hai. yah galat bhi nahin hai is men achcha paisa aur nam jo milta hai aie janen ki ank jyotish ki drishti se kaunse yog hain, jo ki midiyakarmi banate hain? sabse pahle to yah janen ki janmank ki ruprekha kya hai? vyakti ke janmank ke tin bhag hote hain-
muladhar ank bhagyank aur chalit ank is muladhar ank ke bhi tin bhag hain-
1. mulank yani janm ki dinank
2. masank yani janm ke mahine ka ank
3. varshank yani janm ke varsh ank tinon ka shatabdi sahit yog karne par prapt ‘‘antim mahayogank’’ ko ‘‘bhagyank’’ kahte hain chalit ank ko janne ke lie yah dekhna hota hai
ki vyakti ka janm kis avdhi men hua hai?
buy detail numerology report
kisi vyakti men is ankon ki prabhavi tivrata is bat par nirbhar karti hai ki ukt ank kis pariman men jivit ya mrit hai? ab bat karte hain- mulank ki dinank 1,10,19 aur 28 ko janme logon ka mulank 1 hota hai. dinank 2,11,20 aur 29 ko janmen logon ka mulank 2 hota hai. dinank 3,12,21 aur 30 ko janme logon ka mulank 3 hota hai. dinan 4,13,22 aur 31 ko janme logon ka mulank 4 hota hai dinank 5,14 aur 23 ko janme logon ka mulank 5 hota hai. dinank 6, 15 aur 24 ko janme loegon ka mulank 6 hota hai dinank 7,16 aur 25 ko janme logon ka mulank 7 hota hai. dinank 8,17 aur 26 ko janme logon ka mulank 8 hota hai dinank 9,18 aur 27 ko janme logon ka mulank 9 hota hai
bhagyank gyat karne ke lie janm ke sabhi ankon ko jor lijie ab is ka mahayog kar lijie jaise ki kisi ka janm 13 disanbar, 1956 ko hua hai, to yahan ham 13$12$1956 ko jorenge is jor ka agla charan bana-13$12$21 ab agla charan hai- 4$3$3 is ka yog bana- 10 ab is ka mahayog bana- 1 yah is vyakti ka bhagyank hai chalit ank janne ke lie kailendar varsh ke vibhajan ko janna parega saur varsh surya ke 21 se 23 march tak vishuvkal men pravesh karne se aranbh hota hai surya rashi-chakra ke pratyek pratik men se 30 digri par se gujrta hai is prakar 365 dinon ka ek varsh mana jata hai.
is ek varsh ka vibhajan is prakar kiya gaya hai-
1. 21 march se 20 aprail-ank 9 (dhanatmaka)
2. 21 aprail se 20 mai-ank 6 (dhanatmaka)
3. 21 mai se 20 jun-ank 5 (dhanatmaka)
4. 21 jun se 20 julai-ank 2-7
5. 21 julai se 20 agasta-ank 1-4
6. 21 agast se 20 sitanbr-ank 5 (rinatmaka)
7. 21 sitanbar se 20 aktubr-ank 6 (rinatmaka)
8. 21 aktubar se 20 navanbr-ank 9 (rinatmaka)
9. 21 navanbar se 20 disanbr-ank 3 (rinatmaka)
10. 20 disanbar se 20 janvri-ank 8 (oj)
11. 20 janvri se 19 farvri-ank 8 (saumya)
12. 20 farvri se 20 marcha-ank 3 (dhanatmaka)
ab is bat ki charcha ki jae ki midiyakarmi banne ke lie kin ankane ki bhumika rahti hai? ‘‘midiyakarmi’’ shabd bahut vyapak hai.
is men riportar, prodyusar, nyuz, editar, kaepi raitar yahan tak ki si.i.o. bhi a jata hai.
ank 4 aur 3 ki pradhanta honi bahut jaruri hai. ank 3 abhivyakti, gyan, sampreshan, vak kala, jansanpark, nirikshan, chunav, chayan, kalatmak abhiruchi adi ka hai. midiyakarmi ke lie ye sabhi tatva ati avashyak hai. yadi koi vyakti matra karyalay tak simit nahin rahna chahta, balki fild men apni kamyabi ke jhande garna chahta hai to in tatvon ka uske vyaktitva men samavesh atyant avashyak hai. ank 4 surya ka rinatmak hai,
ise rahu ka ank bhi kahte hain, yah mastishk, vichar, chintan, manan, manthan, parishkrit nirnay kshamata, netritva, tvarit kriyavidhi, pitrisÿaatmakata, adhikarikta ka ank hai. is ki prablta vyakti ko mastishk se bahut samriddh bana deti hai. yadi yahan ank 1 ki bhumika ho to patrakarita-tatva ka pariman barh jata hai ek udaharan se bat adhik spasht ho jaegi devarshi narad ko srishti ka ‘‘adi midiyakarmi’’ mana jata hai. unke ank tatha baedi laingvej, donon hi bilkul isi dhanche men hai
unka namank banta hai- 13 yahan nam ka mulank hai- 4 vrihdank 13 men ank 3 jivant rup men hain yahan ank 1 ki upasthiti se bhav ki saghnta barh gayi hai chukin ank 1 v 3 parasparik mitra evan lokapriyata bhav ki prabal yuti rakhte hain, is lie ank 1 v 3 ke parasparik samanvay ke karan narad devon, danvon, naron, yakshon, gandharvon adi sabhi men saman men saman mitra bhav se lokapriya the narad ki patrakarita kitni uchch koti ki thi in ankon ke sath ank 5 ki bhumika bhi ati avashyak hai
yah lipi-baddhata ka shreshthatam ank hai. isi karan maharshi ved vyayas ne ‘‘mahabhart’’ ko lipibaddh karne ke lie bhagvan ganesh ko chuna tha midiya men is lipibaddhata ki mahÿaa se bhala kaun inkar karega, bhale hi ab jyadatar kam kanpyutar par hi ho raha hai yah ank 5 purvabhas kshamata ka bhi hai ek safal patrakar hone ke lie is kshamata ka hona ati avashyak hai isi ke bal par kai patrakaron ne apurva khyati payi hai ank 5 baton ko pachane yani gopniyata ka bhi hai
midiya men vibhinn sandarbhon men gopniyata ki mahÿaa sabhi jante aur mante hain yah ank 5 chathi indriya ka bhi pratinidhitva karta hai midiya men yadi chathi indriya jagrat nahin hai to ap ke kiye-karaye par pani fir sakta hai is prakar yahan ank 3, 4 aur 5 ki to pradhan bhumika thahrti hai.
ab yahan yah svabhavik prashn bhi uthta hai ki jaisa ham ne pahle kaha ki ‘‘midiyakarmi’’ shabd ke antargat to kai rup ate hain, aise men bhala kis rup men kairiyar banane men kaun-se ank madad karte? age barhne se pahle yahan yah bat spasht rup se lene ki avashyak hai ki janmankon men sarvadhik prabhavi bhumika mulank aur bhagyank ki rahti hai inke bad chalit ank aur uske bad masank aur varshank ki bhumika rahti hai yadi 3 v 4 ke sath ank 1 ka pradhan trikon ban raha hai
to aisa vyakti fild riportar, prabhari, prodyusar, byuro chif ke rup men safal ho sakta hai. yadi is pradhan trikon men ank 6 hain to vyakti ko parde par ane vale ke rup men saflta mil sakti hai aisa vyakti safal nyuj enkar ya sakshatkarta ban sakta hai yadi yahan ank 5 ki pradhanta sammilit ho jae to aisa vyakti kaepi raitar, samachar sanpadak, desk prabhari, in put/aut put prabhari, stori mainejar ke rup men safal ho sakta hai yadi yahan ank 5 ke sath ank 2 ki bhi bhumika ban jati hai
to aisa vyakti ilektraenik ke sath-sath print midiya men bhi safal ho sakta hai. aise log apne chehre se kam, nam se jyada jane jate hain yani ki ye log parde par ane ki bajae parde ke piche rahakar jyada safal ho sakte hain. yadi ukt trikon men ank 7 ki pradhan bhumika banti ho to vyakti lagabhag sabhi tarah ki bhumikaon men kam chala sakta hai yadi ank 8 ki pradhanta ban jae to aise vyakti ko fild riportar ke rup men achchi saflta mil sakti hai. mangar aise logon ko apna karya-kshetra niyamit rup se badlte rahna chahie ye log agar ek hi jagah tike rahte hain
to pareshaniyan hone lagengi inhen studiyo-vark se bachna chahie yadi janmank trikon men ank 9 ki pradhanta a jae to aise vyakti ko disha-nirdeshan ka prabhav sanbhalna chahie yadi iske sath inke yahan ank 1 ki bhi balvti bhumika ho to yah log safal si.i.o. ya mukhiya siddh hote hain yadi ank 3 v 4 ki bahut prablta nahin hai,
magar ank 5 aur 6 ki prablta hai to aise vyakti ko midiya men marketing men jana chahie. yadi ank 3 v 5 ki to prablta to hai, magar ank 4 ki nahin, to use vigyapan sekshan men jana chahie. kis ke bhagya men kya banna likha hai, yah to us parimpita parmatma ne likha rakha hai,
magar in ank jyotishiya sanketon ka dhyan rakha jae to us likhe hue ko samjhne men tanik asani ho sakti hai. in sankenton ko samjhne ke bad purusharth ke path par to purn samarpan aur nishtha se chalna hi hoga bhagay purusharth ka vikalp nahin, apitu puurak hai.