kaelej star ki shiksha purn karne ke bad hi jatak adhyayan ke us kshetra ki or kadam barhata hai jise vah apne karya kshetra ke rup men apnana chahta hai ‘‘arthat kaelej ke bad prapt ki jane vali shiksha (uchch shiksha) ka sanbandh jatak ke vyavsay arthat karya kshetra men rahta hai.’’ adhyayan kshetra v karm kshetra men antr
1. panchm/panchmesh tatha navm/ navmesh ka yadi dashm/dshmesh se kaisa bhi koi jyotishiya yog nahin ban raha ho to ‘adhyayan kshetra’ tatha ‘karm kshetra’ alag ho jate hain. yadi kisi karan se koi jyotishiya yog inke madhya ban bhi raha ho lekin pap grahon ka prabhav is yog par ho to vah yog falibhut nahin hota hai.
2. uchch shiksha ke pramukh ghatkon ka varnan upar diya hai. in ghatkon par parne vale prabhav ke anurup hi jatak apne ‘adhyayan kshetra’ ka chunav karta hai. jaise ki janm kundli ka chatha bhav ‘aushdhi’ tatha ‘kanun’ ka karak bhav hai. yadi chathe bhav ka sanbandh uchch shiksha bhav (pancham ya navm) se sthapit ho jae to jatak inmen se kisi ek kshetra men adhyayan karega. lekin yadi isi janmakundli men chathe bhav ka kaisa bhi sanbandh dasham ya dashmesh se n ho to jatak ka karm kshetra aushdhi ya kanun men prapt shiksha se alag hi hoga. nishkarsha: jo grah ya bhav jatak ke ‘‘adhyayan kshetra’ ko nishchit karne men purnarup se prabhavi ho yadi un grahon/bhavon ka kaisa bhi sanbandh ‘karm kshetra’ ke pramukh ghatkon (bhav v grahon) ke sath n ban raha ho to jatak ke ye donon kshetra (adhyayan v karma) alg-alag hote hain.
3. is vishay se sanbandhit sutron ka vishleshan ati sukshm rup se karna avashyak hai kyonki ‘karm kshetra’ se sanbandhit ghatkon ki sankhya bahut adhik hai. udahrn: ab uprokt sutra par vichar karen- mana ‘adhyayan kshetra’ ko prabhavit karne vale chathe bhav ka sanbandh dashm/dshmesh se nahin hai ya ham samanya bhasha men kah sakte hain ki adhyayan ke kshetra ko prabhavit karne vale grah aur bhavon ka sanbandh vyavsay kshetra men mukhya rup se vicharniya dashm/dshmesh se bilkul nahin hai. - lekin yadi janmakundli ke ekadash bhav (labh bhav) se inka yani chathe bhav ka sanbandh sthapit ho raha hai tab bhi jatak ke vyavsay kshetra par inka prabhav a jaega arthat jatak ka adhyayan kshetra aur vyavsay kshetra ek hi ho jaega.
atah ati sukshm vishleshan karna avashyak hai. 1. adhyayan kshetra se sanbandhit ghatak grahon v bhavon ka sanbandh nimn men se kisi bhi vyavsayik ghatak ke sath nahin hone se jatak ka ‘‘karm kshetra’’ v adhyayan kshetra alg-alag hote hain. dasham, dashmesh, labhesh tatha dhanesh (dhan v labh bhav) - dashmesh ka grahkant rashish - dashmesh ka navanshpti - dashmesh ka nakshatra svami - dashmesh se rashi tatha drishti vinimay karne vale grah. dashmesh ke nakshatra svami se sthiti, drishti, yuti sanbandh tatha paraspar rashi ya drishti vinimay karne vale grah. dashmesh se yuti v drishti sanbandh banane vale grah. dasham bhav men sthit grah tatha dasham par drishti nikshep karne vale grah. - 10 ven bhav ka svami tatha 10 ven bhav ka nakshatra svami. not: uprokt vichar tinon kundliyon (janm, chandra v surya) se vicharniya hai. - janm kundli ke sarvadhik bali grah ka sanbandh yadi donon kshetron (adhyayan v karma) ke ghatak grahon v bhavon se nahin hai.
tab bhi jatak ka adhyayan v karm kshetra alg-alag hone ki prabal sanbhavnaen rahti hain. - sarvadhik bali grah jatak ke ‘adhyayan kshetra’ ko prabhavit kare lekin ‘karm kshetra’ ko prabhavit n kare. - sarvadhik bali grah ka sanbandh ‘‘karm kshetra’ se sanbandhit ghatak grahon/bhavon se ho lekin ‘‘adhyayn-kshetra’’ se sanbandhit grahon v bhavon se n ho tab bhi jatak ka ‘‘adhyayan kshetra’’ v karm kshetra alg-alag hi rahte hain. - jyotish shastra ka ek vishvasniya sutra yah bhi hai ki grah, rashi tatha bhavon ke mukable men nakshatron ka prabhav jyada asrdar (prabhavi) hota hai. - iska yah arth bilkul nahin hai ki grah, bhav tatha rashiyon ko bilkul hi prabhavhin man liya jae aur unke prabhav ki ganna nahin ki jani chahie, arthata‘‘grah, bhavon tatha rashiyon’’ ki upeksha karne ka sujhav yah sutra bilkul nahin de raha hai. - yah sutra, vishleshan men, nakshatron ko prathmikta pradan karne ki sifarish kar raha hai. jyotishiya yog: yadi dashmesh dasham ka vidya bhav v vidya (adhyayan kshetra) se sanbandhit grahon se kaisa bhi jyotishiya yog nahin ban raha hai to yah sanbhavna utpann hoti hai ki jatak ka adhyayan kshetra v karyakshetra alg-alag hai.
lekin yadi dashmesh ke nakshatra svami ka sanbandh ‘‘adhyayan kshetra ke’’ grahon, bhavon, rashiyon se sthapit ho jae ya fir adhyayan kshetra se sanbandhit grahon ke nakshatra svami/svamiyon ka sanbandh ‘karm kshetra’ ke pramukh ghatkon se sthapit ho jae to uprokt sanbhavna ki donon kshetra alg-alag honge, ke falibhut hone ki sanbhavnaen bahut hi kam rah jati hai. uprokt sthiti ke thik viprit sanbhavnaen bhi ho sakti hain jaise ki yadi donon kshetron ke nakshatra svamiyon men paraspar yuti, drishti, vinimay yog ban rahe hon lekin donon kshetron ke ghatak grah, bhavon v rashiyon men kaisa bhi pi. e. si. sanbandh n sthapit ho raha ho tab bhi sanbhavnaen asmanjas men dalne vali hi hongi. aisi paristhitiyon men grah dasha ka vishleshan satik falakathan men sahayak siddh hota hai. - 16 se 24 varsh ki ayu ke dauran hi uchch shiksha grahan ki jati hai aur is ayu men jatak apne ‘karm kshetra’ ko chun kar usmen pravesh karta hai.
is dauran ane vali mahadsha v antardasha ke svami grahon tatha un grahon ke nakshatra svamiyon ka vishleshan karke yah anuman lagaya ja sakta hai ki janm kanudli men banne vale kaun se yog falibhut honge aur kaun se yog nirbal siddh honge. udahrn: mana ki janmakundli men dashm/dshmesh tatha vidya (uchch shiksha) se sanbandhit grahon men ghanishth sthiti,drishti, yuti sanbandh ban rahe hain jiske falasvarup jatak ka ‘‘adhyayan kshetra’ aur ‘karm kshetra’ ek hi hone ki purn sanbhavnaen hain. lekin yadi dasha vishleshan men yah paya jae ki adhyayan ke samay chal rahi grah dasha keval adhyayan kshetra se hi sanbandh rakhti hai kintu ‘karm kshetra’ se is chal rahi dasha ke svamiyon ka koi sanbandh nahin hai to jatak ka ‘karm kshetra’ ‘‘adhyayan kshetra’ se alag ho jaega. is bat ko purn bal mil jata hai. - lekin yadi uprokt parithitiyon men nakshatra svamiyon par vichar karen- yadi nakshatra svamiyon arthat dasha patiyon ke nakshatra svamiyon ka sanbandh ‘‘karm kshetra’’ se sthapit ho jae to jatak ka adhyayan v karm kshetra ek hi hone ki sanbhavnaen utpann ho jati hain. nakshatra svamiyon men paraspar pi. e. si. sanbandh ho to adhyayan v karm kshetra ek hi hote hain anyatha alg-alag rahte hain.
atah dashmesh ka nakshatra svami, dasven bhav ka nakshatra svami - panchmesh/nvmesh ka nakshatra svami - karak guru ka nakshatra svami - 10ven v 5ven bhav ka nakshatra svami mukhya rup se vicharniya hai . not - grah, bhav v rashiyon se srijit yogon ki punravritti yadi nakshatra svamiyon dvara srijit yogon se ho rahi ho tatha adhyayan v karm (vyavsay) ki uchit ayu ke dauran chal rahi dasha ka sanbandh bhi uprokt yogon ke ghatak grahon, bhavon, rashiyon v nakshatra svamiyon se ho raha ho to purn vishvas ke sath falakathan kiya ja sakta hai. adhyayan v karm kshetra ke alg-alag hone ka ek mukhya karan hai-dasha ka sahi milan n hona 1. kabhi-kabhi janmakundli men banne vale prabal yog bhi apna fal pradan karne mane asafal rah jate hain.
2. iska ek karan sahi samay par sahi grah ki dasha ka n ana arthat yogon ka srijan karne vale grahon ki dasha ka sahi ayu men n ana hota hai.
3. jaisa ki pichle pej par varnit hai: û adhyayan ki ayu men adhyayan kshetra se sanbandhit grahon ki dasha ka hona jatak ko janmakundli ke anusar nishchit kshetra men uchch shiksha pradan karne men sahayak hota hai.
û isi prakar ‘karm kshetra’ ko prabhavit nishchit karne vale grahon ki dasha yadi sahi samay par ae to sanbhavit ‘‘karm kshetra’ men jatak sanlagn ho jata hai anyatha karmakshetra se bilkul bhi sanbandh n rakhne vale grahon ki dasha yadi adhyayan ke turant bad ae to jatak ki shiksha ka kshetra tatha ‘karm kshetra’ badal jata hai. arthat alg-alag hota hai.
û dashaon ka yah mis maich bhi ‘‘karya kshetra’’ aur ‘‘adhyayan kshetra’’ ke alg-alag hone ki sanbhavnaen utpann karta hai. dashmesh ka navanshesh bhi vicharniya hai yadi janmakundli men jatak ka ‘‘adhyayan kshetra’’ tatha ‘‘karya kshetra’’ alg-alag hone ke yog hon to is yog ki pushti ke lie dashmesh ke navanshesh par vichar karna avashyak hai.
û yadi dasham bhav men koi grah sthit n ho tatha dashmesh ke navanshesh ka ‘‘adhyayan kshetra’’ ke kisi bhi bhav, grah, rashi v nakshatra se pi. e. si. sanbandh n ho to uprokt yog (adhyayan v karm kshetra ke alg-alag hone) ko bal prapt hota hai. udaharan kundli nan. 1 is jatak ne injiniyaring ke kshetra men uchch shiksha prapt ki tatha kuch samay tak jatak ka karm kshetra bhi injiniyaring ka hi raha.
guru jo ki lagnesh bhi hai tatha uchch shiksha bhav navam ka svami surya, in donon ki yuti labh bhav men hai tatha labhasth shukra (labhesh) bhi inse yuti bana raha hai. - yah yog spasht sanket de raha hai ki jatak apni uchch shiksha ko safltapurvak purn karega tatha isi ‘adhyayan kshetra’ ko adhar banakar dhan labh bhi karega. lekin jatak ka vyavsay kshetra badlega iske yog bhi jatak ki kundli men maujud hain.
- dashmesh ki sthiti vyay bhav men hai. arthat jatak ke vyavsay ka vyay hoga. - hani bhav men sthit vyayesh tatha vyay bhav men sthit dashmesh ke madhya paraspar drishti sanbandh ban raha hai.
- nich rashisth surya aur shani ke madhya men sthit hokar dashmesh pap madhyasth hai. - ashtamesh chandrama dasham bhav men sthit hai.
- naisargik vichchedak rahu bhi dasham bhav men sthit hai.
- dasven bhav ki sthiti vyayesh (mangl) ke nakshatra men hai. jyotish shastra - dhanesh (shani) lagnasth hai tatha dasham bhav par drishti dal raha hai.
- navansh kundli men shani dasham bhav men ‘nich bhang raj yog’ ka srijan kar raha hai. - dashmesh budh ki sthiti shani ke nakshatra men hai. nishkarsha: lagnasth shani tatha dashmesh budh v dhan bhav ke sanyogavash jatak ne jyotish shastra ko apne ‘karm kshetra’ ke rup men apnaya. udaharan kundli nan. 2 is jatak ne videsh men rahakar viman urane ka kors saflta purvak pura kiya lekin pailat ki naukri jatak ko nahin mil pai. - jatak ki angreji bhasha par achchi pakar hai. jatak yuropiyan shaili men dharapravah tarike se angreji bolne men daksh hai. isi adhar par jatak un apravasi bhartiyon se sanbandh banane ka karya karta hai jo bharat men apni jamin-jaydad bechna chahte hain. praeparti dilar ki ek sanstha ka jatak sadasya hai.
- jatak apni bhasha shaili ke bal bute par vikreta se milakar kharid-farokht ki dil karvata hai.e jyotishiya vishleshn
1. uchch shiksha bhav (navm) tatha dasham donon ka svami shani hai.
2. dasham bhav men vayu karak rashi kunbh ka uday ho raha hai. yah rashi payalat ka bhi karak hai.
3. payalat ka karak grah rahu dasham bhav men sthit hai.
4. uchch shiksha svami shani ke upar rahu (paylt) ka rashi adhishthit prabhav hai jisse jatak ne yah kors kiya.
5. rahu ka lagn par, lagnesh par dasham kendriya prabhav hai. ‘‘uprokt jyotishiya yogon ke karan jatak ne payalat ka kors kiya. lekin jatak ka karm kshetra (dhan uparjan ka madhyam) upar varnit prapt shiksha kshetra (adhyayan kshetra) se alag hai. nimn jyotishiya yog is tathya ko spasht karne men kafi had tak saksham hain.
1. dashmesh ashtamasth hai.
2. nirayan kundli anusar vyayesh bhi dasham bhavasth hai.
3. dashmesh vakri hokar shatru kshetriya hai.
4. chandra kundli men bhi vyayesh dasham bhavasth hai.
5. chandra kundli men dashmesh aur ashtamesh ki yuti hai. ‘‘uprokt sabhi yog jatak ke dasham bhav se sanbandhit upar varnit sabhi yogon ke falibhut hone ki sanbhavnaon ko nirbal bana rahe hain. adhyayan kshetra se alag karm kshetra sanbandhit yog
1. janmakundli men sarvadhik bali grah budh hai.
2. budh panchamash hone ke karan shubh hai tatha navansh varg chart men budh uchch rashi men sthit hai.
3. lagn ka sabse bali grah budh lagn men hai.
4. janm ke samay jatak ki shesh vinshottari dasha shani ki thi jo ki 5 varsh, 7 mah v 21 din thi iske bad 17 varsh ke lie budh ki dasha jatak ke jivan men ai jisne jatak ko puri tarah prabhavit kiya.
5. budh dhan bhav ka svami hokar lagn men sthit lagnesh tatha labhesh se yut hai. -budh vani ka karak grah hai. - budh bhasha ki dakshata ka bhi karak hai. - buddhi, vani, vyapar adi ka karak hone ke sath-sath budh dhanesh/panchmesh hokar jatak ke lie dhan pradayak hai. vishesh: budh ke sath-sath shukra tatha guru bhi lagnasth hai. lekin budh inse adhik prabhavi hai kyonki - guru jatak ka akarak grah hai. - shukra lagnesh hone ke sath-sath shashthesh (trikesh) bhi hai tatha navansh kundli men nich ke vyayesh se shukra ki yuti hai tatha navansh kundli men shani ki shatru drishti bhi shukra par hai.
navansh kundli men akarak guru dasham bhavasth hai. karm kshetra ka jamin jaydad se sanbandh not: chaturtha/chaturthesh (jamin jaydad) ko darshata hai tatha mangal ko jamin jaydad ka karak mana gaya hai. budh ka sanbandh uprokt ghatkon se ban raha hai. - chaturthesh ka rashi adhishthit prabhav budh se hai. mangal ki drishti dhan bhav par hai. - mangal ka grahkant rashish (guru) bhi budh se tatha lagnesh shukra se lagn men yuti bana raha hai. ‘‘uprokt sabhi yog jamin jaydad se sanbandhit ‘‘karm kshetra’’ ko dhan uparjan ka madhyam bana rahe hain.