upayon ka mul uddeshya mitu sahagal mahabharat men likha hai - keval grah evan nakshatra shubh-ashubh fal nahin dete. vah hamare karmon ka hi fal hota hai. kaha jata hai ki grah fal de rahe hain, kintu vastav men grah keval shubh-ashubh ghatnaon ka samay batate hain. manav apne karmon se hi apne bhagya ka nirman karta hai. ham jane anjane kitne hi achche-bure karm karte hain jinka fal hamen milta hai. isi karan hamare purvajon ne jap, dan, dharm ke niyam banaye jinhen ham nitya karm ke rup men apnate hain. jase hamare karm hote hain vaise hi hamare sanskar bante hain jo hamare bhagya ko nirdharit karte hain. pratyek grah se sanbandhit kuch gun, lakshan v vyavhar hain.
jab ham kisi grah se sanbandhit achar vyavhar ka palan karte hain to ve grah hamen achcha fal dete hain aur yadi ham aisa nahin karte to hamen us grah se bure fal milte hain. udaharan ke lie, shani aisa grah hai jo raja ko bhikhari aur bhikhari ko raja bana deta hai. shani grah kisi ki kundli men achcha aur kisi men bura fal kyon deta hai? shani garibon, shudron aur sevkon ka pratik hai. yadi kisi vyakti ne is janm ya purva janm men inka niradar kiya hota hai to unhen shani ka prakop sahna parta hai. is tarah se shani us vyakti ko har insan ke prati namra vyavhar karna sikhata hai aur uske ahankar ko nasht karta hai. isi karan shani ka sarvottam upay hai din dukhiyon ki seva karna aur har vyakti ka adar karna. upayon ka mul uddeshya hai-manushya ko anushasit karna jisse vah moksh ke path par chal sake jo ki manushya jivan ka lakshya hai. hamare dharmagranth moksh ke path ke 8 paravon ka varnan karte hain jo is prakar hain- yam, niyam, asan, pranayam, pratyahar, dharna, dhyan v samadhi.
yam : ahinsa, satya bolna, kisi bhi prakar ki chori n karna ityadi yam hai.
niyam : sharirik evan mansik shuddhata, santushti, tap, svadhyay v puja niyam hai.
asan : sharir ko svasth rakhna har prakar ke jap aur tap ke lie avashyak hai jiske lie yog asnon ka varnan kiya gaya hai.
pranayam : sharirik star par sanyam ke bad pran par sanyam kiya jata hai.
pratyahar : pran par sanyam kar lene par sukshm evan sthul sharir par niyantran ho jata hai jise pratyahar kahte hain.
dharan : kisi ek vastu par chitt ko ekagrit karna.
dhyan : us vastu se ekikaran ho jana jaise arjun ka machli ki ankh par; ise dhyan kahte hain.
samadhi : jab us vastu ka bahya rup lop ho jaye aur keval uske antrik gun ka dhyan ho, use samadhi kahte hain.
samanyatah bataye gae upay yam aur niyam ke ang hain.
aisa mana jata hai ki jab manushya apne adarsh path se vichlit hota hai to vah asantulan aur dukhon ka samna karta hai. jab vah niyamon ka palan karta hai, dan, tap v jap, sabka adar v apna karya imandari se karta hai aur pratidin yog evan pranayam karta hai to uska sharir, man aur atma shuddh ho jate hain. aisa vyakti bure karm nahin karta aur uske jivan men badhaen, rukavten aur dukh nahin ate. moksh ke path par pratyek grah ki kirnon aur unki visheshtaon ki avashyakta hoti hai. grah upchar ki pramukh vidhiyan hain- ratn dharan, mantra, yantra, puja, havan adi vaidik aur yogik vidhiyan. sahi khan-pan, rahn-sahan aur adhyatmik jivnshaili se bhi grah upchar kiya ja sakta hai.
grahon se juri jivnshaili surya
- aradhya-surya dev mantra : un suryay namah, ram nam ka uchcharan. jivan shaili : svatantrata aur atm nirbharata ke karya karen, khud ki jimmedari len, suryoday se pahle uthakar surya ko jal arpit karen, surya namaskar karen, kale bhure rangon se dur rahen. kesar ka tilak karen. chandra -aradhya-shivji, parvati mantra : un chandray namah jivan shaili : purnima ka vrat, bhakti yog, chandra mantra par dhyan karna, vishvas, bhakti aur daya se jivan vyatit karna, apne nirnay svayan lena, vyavasthit jivan, manvjati ki seva karna, khule dil se logon se milna, shatavri, chandan ka tel adi jari butiyon ka upyog, safed aur halke rangon ka prayog. mangal -aradhya-hanuman/ kartikey mantra : un manglay namah jivan shaili : adhikaron ka durupyog n karen, samaj ke kamjor varg ki sahayta karen, alasya n karen, sahsi, sakriya, urjavan jivan yapan karen, kisi bhi prakar ka sharirik vyayam pratidin karna chahie, jivan men sharirik, mansik aur adhyatmik star par anushasan avashyak hai,
haldi, kali mirch, ghritkumari adi ka khane men prayog. budh -aradhya-ganesh mantra : un budhay namah, un gan ganeshay namah jivan shaili : gyan yog ka palan karen, adhyayan, lekhan ya bhashan se apne apko vyakt karna sikhen, bahya aur bhitri duniya se jagruk, salah karne par hi nirnay len, shikshakon ka samman karen, prakriti men adhik se adhik samay vyatit karen. jari butiyon men tulsi, bhringraj, jatamansi adi aur rangon men prakritik tarike se nirmit hare, nile ya bhure rangon ka prayog karen. guru -aradhya-vishnu mantra : un brihaspataye namah hari un ka uchcharan, jivan shaili : adhyatmik jivan vyatit karen, vyasnon se dur rahen, guru ka adar samman karen, bhakti, karm, gyan v adhyatm jise raj yog kahte hain- is path par chalen, vinamra banen. ashvagandh, jinseng, badam adi ka upyog karen. shukra -aradhya-lakshmi mantra : un shukray namah jivan shaili : striyan apne bhitri saundarya ko pahchanen, purush striyon ka adar karen, jivan men vibhinn rangon ka prayog karen, apni kala nikharen, gulab, kamal adi fulon aur shatavri, ghritkumari jaisi jari butiyon ka prayog karen. vatavaran saf suthra rakhen. shukra ka mukhay gun bhakti aur atmasamarpan hai.
shani -aradhya -shiv, mahadev, kali mantra : un shanye namah, un namah shivay jivan shaili : apne se baron ka adar aur choton ka samman, din ke prati vinamrata ka svabhav, vyasan se dur rahna, bure kam jaise chori, beimani adi n karna, atm anushasan, svachchata, shanti vala jivan, tirth yatra, dan, tap, sansarik moh maya se duri adi. rah/ketu -aradhya -shiv, rudra, durga mantra : un rahve namah, un ketve namah jivan shaili : bhakti yog sabse uttam upay hai. vyasnon aur sanvednshil sthalon, ghatnaon se dur rahen, kritrim aur banavti vastuon se bhi dur rahen jaise aprakritik rahan sahan aur khan pan. rahu aur ketu sanchit karm darshate hain. islie achche karm aur dan karna avashyak hai.
satsang karen, sankirn drishtikon n rakhen. rahu aur ketu jab pirit hote hain to vyakti galat nirnay le sakta hai. vyakti ko chahie ki vah mahatvapurn karyon ko baron v visheshagyaon ki salah se hi karen. apne ap par bharosa rakhen. bhautik sansadhnon ke piche n bhagen kyonki usse kabhi santushti nahin milegi. yadi rahu-ketu se milne vale dukhon ka vyakti himmat aur drirhta se samna karta hai to vah chaya grah adhyatmik paksh ki unnati bhi karte hain. yadi apke jivan men kisi grah se sanbandhit samasya a rahi hai to us grah se juri jivan shaili apnaen, mantra jap aur sanbandhit jari butiyon se snan labhkari hota hai.