mesh yah agni tatva rashi hai aur iska svami mangal grah hai. aise jatak garm aur masaledar khana pasand karte hain. mansahari khana adhik khate hain. ayurved anusar inmen pitt adhik rahta hai. motape se rahat ke liye inhen taral padarth adhik pina chahiye taki vishaile tatva bahar nikal saken. salad khana chahiye. alkohal se bachna chahiye. dahi, sabjiyon ka jus lena chahiye. vyayam ati avashyak hai. vrish yah prithvi tatva rashi hai aur iska svami shukra grah hai. aise jatak jivan ka bharpur anand lena chahte hain jis karan ve adhik khate v pite hain.
lajij khana inki kamjori hoti hai. vrat v daiting inhen pasand nahin ata. lanbe samay tak bhojan se dur nahin rah sakte. jim to pasand karte hain parantu fark kam hi parta hai. ayurved ke anusar aise logon men vat tatva hota hai aur kuch kaf bhi. motape se rahat ke liye inhen leman jus, fal, salad aur adhik faibar vala khana lena chahiye jaise bins, patta gobhi, palak adi. pani adhik pina chahiye. mithe padarth jaise kek, pestri, ganne ka jus adi nahin lena chahiye. yog karna chahiye. mithun yah vayu tatva rashi hai aur iska svami budh grah hai. ye log khane ke bahut shaukin nahin hote. kaisa bhi khana inhen pasand a jata hai.
ayurved anusar inmen tinon tatva pitt, kaf v vayu hote hain. motape se bachne ke liye inhen protin yukt khana lena chahiye jaise ki panir, dudh, soya, ande adi. ye adhik khane ki ichcha ko dabate hain. pyaj v lahsun ka prayog khane men khul kar karna chahiye. der rat khane se bachna chahiye, bargar pijja se dur rahna chahiye, makkhan, ghi, alu ko n kar dena chahiye. tivi dekhte samay ya parhte samay khana nahin khana chahiye. mithun rashi hamare sharir men nari tantra ki karak hai atah chay, kaefi ya dhumrapan ki adhikta ya adat bara nuksan kar sakti hai.
kark yah jaliya rashi hai v chandrama iska svami hai. amtaur par inki pachan kriya kamjor hoti hai. ye alkohal, chaval v mitha khana adhik pasand karte hain jiske karan bad men motape ka shikar hona parta hai. inmen kaf tatva adhik hota hai jo sardi ya khansi se pareshani deta hai. motape se rahat pane ke liye inhen rat men chaval aur dahi khane se bachna chahiye. adhik namak bhi nahin lena chahiye. hari patte vali sabjiyan leni chahiye. tairaki ki adat inhen apnani chahiye. sinh yah agni tatva rashi hai aur iska svami surya hai. ye log khane ke sath alkohal lena pasand karte hain. aise log tej gati se khana khate hain. akele khane ki bajay doston ke sath khana pasand karte hain. ayurved ke anusar inmen pitt tatva adhik hota hai. motape se rahat pane ke liye sukhe meve khasakar badam inke liye labhdayak hai.
tanduri sabjiyan bhi inke liye svasthyavardhak rahti hain. tala v mirch masale vale khane se bachna chahiye. jaitun tel, badam tel v surjmukhi ka tel inke liye makkhan ghi adi se achcha hai. inhen dil se jude vyayam karna chahiye. kanya yah prithvi tatva rashi hai aur iska svami budh grah hai. ayurveed anusar inmen tinane tatva vayu, pitt v kaf maujud rahte hain. motape se rahat pane ke liye inhen faibar yukt khana lena chahiye. grin salad, harbal chay, ankurit ahar inke liye labhdayak rahte hain. inhen kaektel v alkohal bhi pasand ate hain jinka adhik upyog hanikarak hota hai.
rojana ki dinacharya men yog avashya hona chahiye. tula yah vayu tatva rashi hai aur shukra iska svami grah hai. ayurved ke anusar inmen vayu tatva ki adhikta hoti hai. nirnay lene ki shakti inki bahut achchi nahin hoti jis karan motape se rahat pane ke liye inhen santulit ahar lena hi chahiye. mitha inhen pasand hota hai jisse inhen bachna chahiye. rat ko vasa yukt khane se parhej karna chahiye. pani adhik pina chahiye. nritya v tairaki inke liye labhdayak rahti hai. vrishchik yah jaliya rashi hai v iska svami grah mangal hai. sharirik vyayam inke liye achcha hai. inmen pitt tatva ki adhikta rahti hai.
inhen masaledar khana pasand ata hai lekin motape se rahat pane ke liye anar, lal cheri, tamatar, santre adi ka sevan svasthya ke liye labhdayak hai. 7 se 8 gilas pani pina inke liye achcha rahega. mansahari khane se bachna chahiye. salad jyada se jyada khana chahiye. dhanu yah agni tatva rashi hai aur iska svami grah guru hai. in jatkon ka vajan barhna ek samanya bat hai. isliye motape se rahat pane ke liye inhen jaeging v tej chalna apni adat bana lena chahiye. naye-naye tarah ka khana inhen pasand ata hai.
inmen kaf tatva adhik hota hai. gajar inka sabse uttam ahar hota hai. lal mans kam lena chahiye. dibba band bhojan se bachna chahiye. ghursvari v parvatarohan karte rahna chahiye. makar yah prithvi tatva rashi hai aur iska svami grah shani hai. inmen pitt aur vayu tatva donon hote hain. aise jatak khane ke prati thore laprvah hote hain ki unhen kya khana chahiye v kya nahin. motape se rahat pane ke liye inhen falon ke jus ki bajay fal hi khana chahiye. namak jo shani se sanbandhit hai, ka sevan kam karna chahiye. panvon ka vyayam adhik karna chahiye. rat ka khana jald khana chahiye. kunbh yah vayu tatva rashi hai aur iska svami grah shani hai. ye jatak kisi ek tarah ka khana pasand nahin karte. vaise jo mil jaye use bhi kha lete hain.
inmen vat ya vayu tatva ki adhikta rahti hai. motape se rahat pane ke liye inhen hari pattedar sabjiyan adhik khani chahiye. akhrot inke liye labhdayak rahte hain. chay ya kaefi inhen achche lagte hain. jim men panvon ka vyayam karna chahiye. min yah jaliya rashi hai aur iska svami grah guru hai. inmen kaf tatva adhik rahta hai.
apne ap men mast rahte hain. koi vyayam karna inhen pasand nahin ata. motape se rahat pane ke liye taje fal-sabjiyan khani chahiye n ki koi jank fud. harbal chay leni chahiye. tala khana chor dena chahiye. inhen dhumrapan v alkohal pasand ata hai jo hanikarak hai. yog, tairaki, subah thora chalna labhdayak rahega.