manav sharir ka ek mahatvapurn tantra hai ‘‘gurde’’ jiska mukhya karya rakt ko shodhit karna hai. sharir ki koshikaon ko apna karya sanpann karne ke lie protin ki avashyakta hoti hai. jab koshikaon dvara protin ka vibhajan kiya jata hai, to avshesh ke rup men naitrojan rah jata hai. gurde is naitrojan ko chan kar bahar nikal rakt ko shodhit karte hain. gurde prati minat lagabhag ek litar rakt ka shodhan karte hain aur tatpashchat shodhit rakt vrikkiya dhamni dvara punah sharir men avantit karte hain tatha avshesh svarup mutra rah jata hai. gurde rogi hone par rakt ka shodhan nahin kar pate, jisse vishakt padarth rakt dvara sare sharir men fail jate hain aur manav ki karyakshamata kam ho jati hai.
fir manav rogi ho jata hai. gurda rog ke lakshan gurda rog ka ek mukhya karan madhumeh hai. madhumeh ke rogi ko niyamit rup se insulin ki avashyakta hoti hai. jab rogi ko svasth ho jane ka ahsas hone lagta hai, to vah insulin ki matra kam kar deta hai ya uska upyog bilkul samapt kar deta hai. jab rogi men sharkara ka star kam hone lagta hai, to use lagta hai ki vah thik ho raha hai. darasal yrih gurde ke rog ki shuruat hai. am logon ki apeksha rogi ke peshab men jalan, mavad ana, ya peshab bar-bar ana jyada hote hain. rogi ke gurdon men khun ke pravah men kami hona bhi madhumeh ke prabhavon men ek hai. gurde ki yah khas bimari keval madhumeh ke rogi ko hi prabhavit karti hai. lekin yah bhi jaruri nahin ki yah bimari pratyek madhumeh rogi ko ho. is rog ke mukhya lakshanon men pairon men sujan, peshab men protin ya albumin ka jana, insulin ki avashyakta kam ho jana adi hai.
gurda kam n karne ke anya lakshan hain bhukh n lagna, ulti ana, pilapan, peshab ka kam hona. gurde jab puri tarah kam nahin karte, to yuriya tatha naitrojan jaise nashile padarth rakt men ikatthe hone lagte hain. khun men inki barhti hui matra hi rog ki antim avastha ka sanket hai. upchar: praranbhik avastha men rog par niyantran pane ke lie davaon ka sevan kiya jata hai. lekin rog ke antim charan men chikitsak ke pas keval do hi vikalp rahte hain: gurda pratyaropn: gurde ka badlvaya jana. ismen kisi rishtedar sanbandhi ka gurda dan ke rup men lekar rogi men laga diya jata hai. yah sarvashreshth vikalp hai.
daylisis: is prakriya men mashin se kritrim gurde dvara rakt ka shodhan kiya jata hai.
saptah men do-tin bar aspatal jakar yah prakriya karvani parti hai. savdhaniyan -rog par niyantran pane ke lie jald hi khun ki janch karvai jae.
- madhumeh hai, to is par niyantran karke gurde par hone vale bure prabhavon ko roka ja sakta hai.
- uchch raktachap ko niyantran men rakhen. gurde ke rogon men gurde ka dard, gurde ki pathri adi hai. is par niyantran pane ke lie ayurved men kai aushdhiyan hanai jinke kuch gharelu nuskhe is prakar hain.
-mausmi falon ka taja ras pratidin lene se labh hota hai.
- tarbuj ke bijon ki giri ko pani men gholakar pine se bhi labh hota hai.
- gokhru ke bijon ko pisakar bakri ke dudh men milakar sevan karen. -kalaunji ko pani men pisakar, shahad milakar lene se labh hota hai.
- sukhi tulsi ki pattiyan, ajvain, sendha namak tinon ko pisakar churn bana kar, subah sham gungune pani ke sath lene se turant labh milta hai.
jyotishiya drishtikon jyotish ki drishti se kalpurush ki kundli men saptam bhav gurde ka sthan hai. saptam bhav ka karak grah shukra hota hai. islie shukra, saptamesh, saptam bhav ka dushprabhavon men rahne ke karan gurde ka rog hota hai. iske sath agar lagnesh bhi dushprabhavon men ho, to gurde ke rog ke karan jatak ki mrityu bhi ho jati hai. vibhinn lagnon men gurda rog ke karan mesh lagna: lagnesh mangal shashth ya ashtam bhav men shukra ke sath ho, budh saptam bhav men ast n ho par rahu-ketu se yukt ya drisht ho to gurda rog ho jata hai.
vrish lagna: saptamesh mangal ashtam bhav ya dvadash bhav men guru lagn ya saptam bhav men, rahu-ketu se yukt ya drisht ho to gurda rog de sakta hai.
mithun lagna: lagnesh budh ast hokar shashth ashtam ya dvadash bhav men ho, mangal chaturth bhav, saptam bhav men rahu-ketu se yukt ho, shukra lagna-saptam ya ashtam bhav men ho to gurda rog ho sakta hai.
kark lagna: shani lagn men, chandra saptam bhav men rahu ketu se yukt ya drisht ho, guru shashth bhav evan shukra ashtam bhav men ho to gurda rog ki sanbhavna rahti hai.
sinh lagna: shani lagn, pancham ya dasham bhav men, shukra se yukt, drisht ho, lagnesh surya rahu-ketu se yukt ho to jatak ko gurda rog ka samna karna par sakta hai.
kanya lagna: mangal saptam bhav men chandra se yukt ho, budh, shukra surya se ast ho aur rahu-ketu se yukt ya drisht ho, guru shashth ya ashtam bhav men ho to jatak ko gurda rog ho sakta hai.
tula lagna: lagnesh shukra shani se yukt hokar tritiya bhava/shashth bhav ya ashtam bhav men ho, guru saptam bhav men mangal se yukt aur rahu ketu se drisht ho to jatak ko gurda rog se kasht hota hai.
vrishchik lagna: budh-lagn ya saptam bhav men shukra se yukt ho aur rahu-ketu se drisht ya yukt ho. mangal shani se yukt ya drisht hokar shashth ya ashtam bhav men ho to jatak ko gurde jaise rog se jujhna parta hai.
dhanu lagna: saptamesh ast hokar shashth ya ashtam bhav men, shukra saptam bhav men rahu-ketu se yukt ho, guru ast ho to jatak ko gurda rog ho sakta hai.
makar lagna: guru saptam bhav men rahu-ketu se yukt ho, saptamesh chandra shashth bhav men mangal se yukt ya drisht ho aur lagnesh nich ke hon to jatak ko gurda rog se kasht ho sakta hai.
kunbh lagna: chandra saptam bhav men rahu-ketu se yukt ho, guru lagn, tritiya ya ekadash bhav men mangal se yukt ho, shukra ast ho to jatak ko gurde ka rog hota hai.
min lagna: shani shashth bhav men, shukra ashtam, bhav men, rahu saptam bhav men, mangal se yukt ya drisht, guru ast ho to jatak ko gurde ke rog ka kasht hota hai.
uprokt sabhi yog sanbandhit grahon ki dasha-antardasha aur gochar ke pratikul rahne par hota hai, iske uprant rogi svasth ho jata hai. yadi dirgha-ayu yog prabal ho to thik hai. anyatha rog jan leva ho sakta hai.