manav ka samagra vikas shiksha par hi hota hai aur ajakal antim lakshya bhi yahi hai. dvitiya ya pancham bhav men budh, brihaspati ho athva dvitiyesh, panchmesh budh, brihaspati se sanbandh kare to jatak kushal vakta aur prabuddh tarkashakti vala hota hai. vakalat ke lie yah jaruri hai. kanuni vidya men saflta pane ya vakil banne ke lie nimnalikhit binduon ko dekhna chahie. vakalat ki shiksha ke lie grah 1 brihaspati gyan ka karak - jaj 2 shani kanun, nyay shastra, kale kapre vala vakil 3 budh tark vitark ki shakti, vani ka karak vakalat ki shiksha ke lie bhav dvitiya bhav vani ka bhav pancham bhav shiksha ka bhav shasht bhav shatruta, karj, shadyantra ityadi ye sab hogen to hi kanun ki jarurat padegi. sahayak grah dvitiyesh: dvitiya bhav vani ka aur dvitiyesh vani ka pratinidhitva karne vala grah aur vani ka karak budh panchmesh pancham bhav buddhi ka, vidya ka aur panchmesh vidya ka pratinidhitva karta hai. shashtesh: rog, shatru v karj, shadyantrakari yojnaen in sab kamon se fansne par kanun vijay prapti ke lie shashtesh ki avashyakta hoti hai. shasht bhav rog, shatru v karj adi to shashtesh inka pratinidhitva karne vala grah hai.
navmesh: arthat bhagyesh janm kundli men bhagyesh ki dasha-antardasha in yogon ki mil jae to saflta shighra aur badha rahit milti hai. is prakar in bhavon, bhavesh v karkon men tatha grahon men sanbandh ho to jatak safal vakil ho sakta hai aur bhagya banta hai. vakil hone ke vishesh yog
- panchmesh lagn men budh, guru tatha shani se yukt ya drisht ho.
- dvitiyesh lagn men budh shani se yukt ya drisht ho.
- janm lagn se kendra men budh, guru evan shani ho ya guru shani donon men sanbandh ho. - dvitiya ya pancham bhav men budh-guru ya guru-shani ho.
- dvitiya bhav tatha dvitiyesh budh-guru tatha shani se yukt ya drisht ho.
- dvitiyesh panchmesh kendra men ho tatha budh-guru tatha shani se drisht ya yukt ho.
- dvitiyesh, navmesh ya panchmesh, navmesh kendra men ho tatha budh shani athva guru shani tatha budh guru se yukt ya drisht ho.
- navamasth guru par chandra, guru ki drishti ho.
- panchmesh balvan ho tatha budh guru kendra men ho to jatak tikshn buddhi ka hota hai.
- char nakshatron men janma jatak shighra vidya prapt kar leta hai aur apne kshetra ki taraf age barhta hai.
- guru aur shani navam, pancham ya sam saptam ho ya inki yuti ho. vishesh sthan yuti ke lie 2, 5, 9, 10. - shani-guru mesh, sinh, tula, dhanu, kunbh rashi men ho.
- shashtesh bali hokar dasham bhav men ho aur dashmesh se drisht ho aur shani se sanbandh kare. kin dashaon men jatak vakil banta hai nimnalikhit dashaen/ antardashaen hon to jatak vakalat men edmishan lekar safal vakil banta hai. jis jatak ki kundali men shiksha prapti arthat vidya prapti yog hota hai vahi jatak gunagun se alankrit medhavi aur gyan vigyan samman banta hai. kanun ki shiksha grahan karne ke lie ya el. el. bi. men pravesh pariksha men saflta ke lie 3, 6, 12 ke svamiyon ki dasha aur inke sath guru/shukra/ shani dvitiyesh-panchmesh-dashmesh navmesh ki dashaen hoti hai. kundli sankhya 1 lagnesh guru svayan hi hai aur shani vani ke karak v dvitiyesh hai. donon grah janm lagn se kendra men hain.
- safal vakil hone ke lie shashthesh ka dvitiya se sanbandh hai donon parmmitra hai aur lagnesh ke sath hai.
- lagnesh ekadshesh arthat labhesh v dhanesh shani ke sath hai arthat apne vakalat ke vyavsay se dhanoparjan dega.
- chandra mangal yog dvadash bhav men. chandra viprit rajyog bana raha hai tatha prabhavshali sthiti ketu/rahu ke bich sare grahon ki jatak hare ka sahara ban sakta hai. akhiri kadam par kes paltne ki takat deta hai yah kalasarpayog.
- navmesh dashmesh surya budh ka labh bhav men sanbandh hai.
- budh shukra ka dasham ekadash bhav men rashi-parivartan guru v shukracharya donon niti nyay ke karak hai aur shani (vakil) karm bhav men hai. in sab baton se saumyata se vani ka prayog karke dhan kamane vala yog.
- is prakar is kundli men safal vakil banne ke yog hain.
- jatak ki kundli men vartaman samay men shukra ki mahadsha men rahu ki antardasha chal rahi hai.
- shashtesh shukra ki mahadsha men rahu ki antardasha aur guru ki pratyantar dasha men jatak ne el. el. bi. men dakhila liya hai. (shukra men rahu/guru 19.04.2008 se 13.09.2008) shiksha ki saflta uski vidvata se jhalkti hai is samay men liya gaya dakhila vakalat ki lain men mil ka patthar sabit hoga. kanudli sankhya 2 is kundli men navamasth guru uchch rashi ka hai. dvitiyesh v panchmesh hokar bhagyesh ke sath gajkesri yog bana raha hai. vani v vidya ka svami svayan guru hi hai aur vani ka karak budh tatha lagnesh mangal se yah yog drisht hokar safal adhivakta banne ka yog darshata hai. jatika ne em. e., bi. ed karne ke pashchat abhi achanak saptamesh-dvadshesh ki mahadsha men aur isi ki antadarsha shukra/shukra/rahu 17/12/2007 se 17/06/2008 men vakalat ke lie el. el. bi. men dakhila lekar shiksha aranbh kar di.
- dvitiya bhav men baithe niti shastra ke gyata shukracharya ki dasha men yah hua. dvitiyesh ya dvitiya bhav men baithe grah ki dasha men dhanoparjan ki shiksha milti hai.
- isi saptamesh ki dasha-antadarsha men jatika ki sagai ek vakil se ho gai kyonki shukra saptamesh hai aur vivah ka karak bhi hai. vakil banna sunishchit hai. isi prakar kundli sankhya 3 jo ki siniyar v safal apradhik adhivakta ki hai. janm tarikh 21.10.1966, 06.32, sonipat. is jatak ki janm kundli men - tritiyesh-shashtesh guru balvan hokar dasham bhav men dashmesh chandra se drisht hokar baitha hai aur shasht bhav men chaturthesh - panchmesh shani ko dekh raha hai shani yogkarak hai.
- vani bhav ka svami mangal svayan vani sthan ko dekh raha hai tatha vani ka karak lagn men hai aur budhaditya yog bana raha hai.
- dvitiyesh mangal chaturthesh panchmesh yogkarak shani ko bhi dekh raha hai.
- lagnesh shukra v yogkarak shani ke bich sanbandh hai. aj jatak shreshth adhivaktaon ki shreni men gine jate hain aur safal hone ke sath-sath vinamra bhi hai. inhonne san 1990 men rahu men guru ki dasha (10.04.1990 se 1.9.1992 tak) men yani shashtesh ki antardasha men vakalat ki shiksha aranbh ki aur fir rahu men shani ki dasha men apni praiktis praranbh ki. vishesh- safal adhivakta hone ke sath ek kushal rajnitik banne ka bhi yog hai yahi guru jo ki vakalat ka bhi karak hai mahatvapurn bana raha hai. panch mahapurush yog men se hans yog, gajkesri yog.
- lagnesh shukra vargottami hai.
- lagnesh shukra yogkarak shani se sanbandh karke rajyog bana raha hai. atah ham dekhte hain ki aise jatak safal adhikavakta hone ke sath-sath safal v prasiddh rajpurush arthat safal rajneta ban sakte hain. janta ka karak chandra chaithe bhav men janta men lokapriya banata hai aur saflta hasil karvata hai. yah yog kab ghatit hoga jab yogkarak shani v shashtesh brihaspati ki dasha-antadarsha (jo ki vartaman men chal rahi hai 2010 tak) men uchit gochar ka sakaratmak paksh mil jae to kyonki guru yahan gajkesri v panchmhapurush namak hans yog bana raha hai. is samay shani ki ashtam dhaiyya bhi chal rahi hai jo ki 10/9/2009 tak chalegi. is prakar ham dekhte hain ki kisi bhi jatak ki kundli men pahle uske yog ho jis kshetra men vah jane ki yogyata rakhta hai aur fir dasha antadarsha v gochar hona chahie to jatak ka jivan safal ho jata hai.