prithvi ke sarvadhik nikatasth hone tatha man ka karak hone ke karan chandrama ko jyotish-marmagyaon ne atyant mahattva diya hai. saras, safal, sarthak, uttaradayi aur santusht dampatya ke yapan hetu pati-patni men parasparik, mansik, samanjasya apekshit hai. vaicharik samya asantoshaprad vaivahik sthitiyon ka parishaman karta hai. aj ki parmukhapekshi paristhitiyon men jab sambandhon men aupcharikta ka atishay sammishran ho gaya hai tab is mansik madhurta ki avashyakta atyadhik hai. chandrama ki sthiti bhinn nakshatron par bhinn prabhav dalti hai; atah ‘janma-nakshatra-melapk’ janmang melapak men anivarya ang hai.“
1 janmanga-melapak men ‘nakshatra-melapk’ ka sthananusar ganna men bhed hai - ‘vindhya ke uttar men varn, vashya, tara, yoni, grah maitri, gan, bhakut (rashi) aur nari ye ath bhed mukhyatah dekhe jate hain.’
2 ”kahin-kahin varn, vashya, tara, nridur, yoni, grah-maitri, gan-maitri, bhakut aur nari - yah navvidh melapak dekha jata hai. ismen 45 gun hote hain. inhin men varg milakar dash bhed ka bhi melapak kahin dekha jata hai, us avastha men 55 gun hote hain.“
3 ”kahin brahman ke lie dash bhed ka, kshatriya ke lie ath bhed ka, vaishya ke lie chah bhed ka tatha shudra ke lie char bhed ka hi melapak likha gaya hai.“
4 gautam rishi ke anusar, ”varn, vashya, tara, nridur, yoni, grah maitri, gan maitri, varg, bhakut aur nari men dash bhed brahman ke lie, inmen nridur aur varg ko chor dene se ath bhed kshatriyon ke lie, varn aur vashya chor dene se chah bhed vaishya ke lie tatha yoni, grah-maitri, gan-maitri aur bhakut ye char bhed shudra ke lie hain.“
5 ek mat ke anusar ”brahman ke lie nari aur grah-maitri, kshatriya ke lie varn aur gan, vaishya ke lie tara aur bhakut tatha shudra ke lie nridur aur varg ka vichar karna chahie.“
6 ”dakshin desh men dusre prakar ke dashvidh melapak dekhe jate hain. inka nam is prakar hai - din, gan, mahendra, stri-dirgh, yoni, bhakut, grah-maitri, vashya, rajju aur vedh.“
7 ”garg rishi ne atharah prakar ka melapak batlaya hai jo is prakar hai - 1. mahendra, 2. gan, 3. din, 4. yoni, 5. stri-dirgh, 6. rajju, 7. vashya, 8. varn, 9. bhakut, 10. grah-maitri, 11. vedh, 12. nari, 13. bhutling, 14. varg, 15. jatikut, 16. pakshikut, 17. yogini, 18. gotrakut.“
8 jatkadesh marg (chandrika) dakshin bhartiya granth ne bhi ”pradhan rup se var aur kanya ki janmakundaliyan milane men ath baton ka vichar kiya hai - 1. rashi, 2. rashish ya rashi svami, 3. vashya, 4. mahendra, 5. gan, 6. yoni, 7. din aur 8. stri dirgh.“
9 janm kundali melapak ke lie inhonne ‘anukulya prakrn’ men anukulya ka arth anukulta- ”pati-patni ek dusre ke anukul hon - pratik ul n hon - ek d usre ko svasthya, jivan (dirghayu), santan, svabhav, dhan, dharm, samriddhi ki drishti se mafik hon. donon vivah janit sukhopalabdhi karen.“
10 ”narmada se uttar ke pradeshon men prayah bangal se panjab tatha gujrat tak 8 prakar ka nakshatra melapak sarva jati ke lie vyavhar men prasiddh hai aur yahi shastra sammat hai.“
11 ashtavidh melapak vichar varn - ”var aur kanya ke janm nakshatra se unki rashi ka nishchay kiya jata hain jinka janm kark, vrishchik aur min rashi men ho uska varn brahman hota hai. jiska janm mesh, sinh ya dhanu rashi men ho to kshatriya varn ka hota hai. jiska janm mithun, tula ya kumbh rashi men ho vah shudra varn kahlata hai. vrish, kanya aur makar rashi ka varn vaishya hai. yadi kanya ke varn se var ka varn uchch ho to 1 gun milta hai. var evan kanya ka varn saman hone par kuch vidvan 1/2 gun tatha adhikansh vidvan 1 gun mante hain. yadi var ke varn se kanya ka varn uchch ho to gun shunya milta hai.“
12 dae. shukdev chaturvedi ke anusar ”varn karya kshamata ka dyotak hai. kanya ki karya kshamata se var ki karya kshamata adhik ya saman hona parivar ki gari chalane ke lie avashyak hota hai.“
13 dae. shukdev chaturvedi ke anusar ”brahman varn ki karya kshamata hai ki vah nishkam bhav se fal ki chinta kie bina paropkari bhav se karm karta hai. kshatriya varn ki prabhavotpadan ki bhavna se karya karne ki pravritti, vaishya varn ki arthotpadan ki bhavna se tatha shudra varn ki lagatar dabav men karya karne ki pravritti hoti hai.“
14 vashya vichar mridula trivedi ke anusar ”janmangon se yah spasht ho jata hai ki var-vadhu men parasparik akarshan ki saghnta kitni hai. mesh rashi sinh aur vrishchik ko, vrish rashi kark aur tula ko, mithun rashi kanya ko, tula rashi makar aur kanya ko, vrishchik rashi kark ko, dhanu rashi min ko, makar rashi mesh ko aur kumbh ko, kumbh rashi mesh ko min rashi makar ko akarshit karti hai.“
15 parantu shukdev chaturvedi vashya ko is prakar svikarte hain. ”vashya panch prakar ke hote hain - 1. chatushpad, 2. manav (dvipd), 3. jalachar, 4. vanachar, 5. kit. ye rashi ki akriti ke anusar hai jaise mesh, vrish, sinh v dhanu ka uttararddh tatha makar ka purvarddh chatushpad sangyak hote hain. inmen se sinh rashi chatushpad hote hue bhi vanachar mani gai hai. makar ka uttararddh min tatha kark rashi jalachar hoti hai. inmen se kark jalachar hote hue bhi kit mani gai hai. mithun, kanya, tula, dhanu ka purvarddh tatha kumbh rashi dvipad ya manav sangyak mani gai hai. is prakar var aur kanya ke vashya ka nirdharan unki rashi se kar lena chahie.“
16 ukt panchon vashya apne svabhav evan vyavhar ke karan char vargon men vibhakt kie gaye hain- 1. vashya, 2. mitra (sakhya), 3. shatru (vairi), 4. bhakshya. jaise vrishchik ko chor kar sabhi rashiyan sinh ke vash men rahne ke karan iski vashya mani gai hain. chunki vrishchik (bichchu) sinh ke vash men nahin rahta sinh ko chorakar anya chatushpad manav ke vashya hain, kintu jalachar uske bhakshya hain. pratyek vashya ki apne varg se mitrata tatha ghatak varg se shatruta hoti hai.“
17 ”var evan kanya ki rashiyon se unke vashya ka nishchay karke fir unke svabhav ke anusar unmen vashyabhav, mitrabhav, shatrubhav ya bhakshya bhav par dhyan dena chahie. yadi in donon ke vashyon men mitrata ho to 2 gun, yadi ek vashyabhav evan dusra shatrubhav rakhta ho to 1 gun, yadi ek vashya bhav aur dusra bhakshya bhav rakhta ho to adha gun tatha donon paraspar shatru bhav ya bhakshya bhav rakhte hon to koi gun nahin milta.“
18 tara - ”tara nau prakar ki hoti hai. tara ki shubhashubhatva ko janne ke lie var ke janm nakshatra se kanya ke janm nakshatra tak tatha kanya ke janm nakshatra se var ke janm nakshatra tak ginna chahie. prapt sankhya ko nau se bhag den. jo shesh bache us shesh se tara ki sankhya ka bodh hota hai. is prakar donon ki tara ka nirdharan kar lena chahie. tara sankhya 3 hai to ‘vipat’, 5 hai to ‘pratyari’ aur 7 hai to ‘vadh’ tara hai, jo namarth ke saman ashubh hai tatha shesh sankhya 1 hai to janm, 2 hai to sampat, 4 hai to kshem, 6 hai to sadhak, 8 hai to mitra tatha 9 hai to atimitra hota hai jo shubh hai.“
19 ”kundali milan men tara kut ke hamare rishiyon ne tin ank die hain. donon tara shubh hone par 3, ek shubh v d usra ashubh hone par 1) tatha donon ashubh hone par shunya ank prapt hota hai.“
20 yoni ”yoni melapak ka vichar n keval var-vadhu ke melapak men hi vicharniya hota hai, apitu yah sajhedari, malik, naukar evan raja tatha mantri ke paraspar melapak men bhi vicharniya mana gaya hai.“
21 dae. shukdev chaturvedi ke anusar - ”yoni jatak ki manovritti ko prakat karta hai. yoniyan 14 hoti hain, jinke nam hain - 1. ashva, 2. gaj, 3. mesh, 4. sarp, 5. shvan, 6. marjar, 7. mushak, 8. gau, 9. mahish, 10. vyaghra, 11. mrig, 12. vanar, 13. nakul evan 14. sinh. yoni vichar men nakshatron ki sankhya 28 svikar ki gai hai.“
22 dae. shukdev chaturvedi ke anusar - ”sabhi yoniyon ki ek manovritti hoti hai. jaise ashva chusti, sfurti, gaj men laprvahi, mesh sidhe-sidhe anukaran karna, shvan anukrniya tatha vafadari, marjar ekaki tatha akramak, mushak dabbu, gau dayalu tatha paropkari, mahish aram priya tatha sust, vyaghra krodhi, mrig unmukt, vanar chalak tatha sinh men parakrami ki manovritti hoti hai. sarp ki manovritti ashishnuta tatha nakul ki manovritti vyavharikta hoti hai.“
23 ”yoni vichar men saman yoni shubh mani gai hai. mitra yoni evan bhinn yoni grahya hoti hai; kintu vair (shatru) sarvatha varjit hoti hai. yoni vichar men purn shubhta ke 4 a nk, mitra yoni ke 3 a nk, sam yoni ke 2 ank, mitra yoni ka 1 a nk tatha shatru yoni ke shunya ank mane jate hain. yoniyon ki shatruta pati-patni, sajhedar evan naukr-malik ki manovritti tatha unke jivan men svabhavik antar ki dyotak hoti hai. sam yoni ke logon ki manovritti, ruchi evan jivan ke mulya saman hote hain, tatha aise logon men mitrata evan sahaj prem bhav dikhlai deta hai.“
24 grah maitri ”melapak men grahmaitri ka kafi mahattva hai. janm ke samay chandrama jis rashi men hota hai, vah rashi tatha uska svami grah, ye donon vyakti ke sahaj savbhav ke dyotak hain. chandrama man ka pratinidhi grah hai islie janm rashi ka svami grah vyakti ke mansik ya svabhavagat vishleshan ke lie sabse achcha upakaran mana gaya hai.“
25 ”ismen var-kanya ki janm rashi ke adhiptiyon ki naisargik maitri par vichar hota hai. inmen samanjasya hone par dampatya jivan sukhamay vyatit hota hai, yadi var-vadhu ke janm rashi adhiptiyon men katuta-shatruta ho to unka vaivahik jivan kashton ka bhandar ban jata hai. unmen vaicharik matbhed, klesh aur dvesh bana rahta hai.“
26 ”var evan kanya ki rashi ke svami paraspar jo sambandh banate hain, unko sat vargaen men rakha gaya hai - 1. paraspar mitra, 2. ek sam dusra mitra, 3. ek mitra dusra shatru, 4. paraspar sam, 5. ek sam dusra shatru, 6. paraspar shatru tatha 7. donon ka ekadhipti hona.“
27 ”paraspar mitra ya donon ka ekadhipti ke gunank 5, ek sam dusra mitra ke gunank 4, ek mitra dusra shatru ka gunank 1, paraspar sam ke gunank 3, ek sam dusra shatru ka gunank 1/2 tatha donon shatruon ka gunank shunya hota hai.“
28 dae. shukdev chaturvedi ke anusar - ”do sachche mitra dainandin jivan men len-den, tatkalik matbhed, shudra vyavhar ya anya choti-moti baton par dhyan nahin dete aur apni mitrata ko sarvadhik mahattva dete hain. thik usi prakar melapak men rashishon ki mitrata hone par gan dosh, bhakut dosh evan anyanya chote-mote dosh dampatti ke sambandhon ko dushit nahin kar pate apitu unmen sahaj sneh ya prem bhav bana rahta hai. gan dosh evan bhakut dosh ka ek matra parihar grah maitri hi hai islie melapak men jyotish shastra ke acharyon ne grah maitri arthat rashishon ki mitrata ko sarvadhik mahattva diya hai.“
29 gan kut ”samast nakshatra dev, manushya tatha rakshas tin ganon men vibhakt hain. isse jatak ke svabhav ki abhivyakti hoti hai. dev gan ke nakshatra men utpann jatak udatt, manushya gan ke nakshatra men utpann jatak parishrami, medhavi, mahattvakankshi, vyavhar kushal, rakshas gan men utpann jatak krur-dusht hota hai. atah viprit ganon ke jatkon men dampatya bandhan hone par jivan men pag-pag par pratirodh prakat hota hai saman ganon men athva manushya aur dev gan men vivah uttam hai, kintu rakshas gan ka vivah rakshas gan men hona chahie.“
30 dae. shukdev chaturvedi alg-alag ganon men utpann jatkon ke gun bhi alg-alag hote hain aisa svikar karte hain. jatak ki gan ke anusar unki prakriti banti hai, yah prakriti aprivartaniya hai (mulak prakriti abhikriti). unke anusar - ”dev gan men utpann vyakti svabhavtah sattvik hota hai.
usmen bhavukta, udarta, sahnshilta, udatt bhav, prem, upkar, daya, titiksha, dhairya, atmavishvas, bandhutva evan lokapriyata paryapt matra men payi jati hai. manushya gan men utpann vyakti chatur, chaitanya, duradarshi, svabhimani, sahsi, apne hit ka chintak tatha apne hit ki raksha karne vala, saundarya premi, vyavhar-kushal, samajik karya-katrta, prabhavshali, pratishtha evan yash chahne vala tatha svayan ko paristhitiyon ke anurup dhalne vala hota hai. aisa vyakti bhogopbhog, prabhav evan pratishtha ko sarvadhik mahattva dena hai. rakshas gan men utpann jatak sahsi, krodhi, svarthi, dhurt, chalak, logon par ruab jamane vala, jiddi, laprvah, kshanikmti, balvan, abhimani, kathor evan drirh bhashi, parnindak, atmashlaghi evan apni ichcha ya apne hit ke lie kisi ko bhi hani pahunchane vala hota hai. vah svabhavtah ugra, drirh nishchayi evan ekadhikar men vishvas rakhne vala hota hai.“31 var evan kanya ka gan ek hi ho to un donon ke svabhav men samanta hone ke karan un donon men atyant prem rahta hai.
yadi un donon men se ek ka gan manushya tatha dusre ka dev ho to unmen prem madhyam darje ka rahta hai. is sthiti men ve svayan ko apas men vyavasthit karke bagair kisi virodh ya matbhed ke sath-sath rahte hain. kintu dev gan evan rakshas gan men utpann var-vadhu men prem ka abhav tatha svabhavik matbhed rahne ki sambhavna batlayi gai hai. tatparya yah hai ki jin yuglon men ek ka gan dev aur dusre ka rakshas athva ek ka manushya gan tatha dusre ka rakshas gan ho to svabhav, ruchi evan jivan ke mulyon men adharbhut matbhed hone ke karan un logon men prayah virodh, kalah evan vivad hota rahta hai. atah is sthiti men vivah karna varjit mana gaya hai.“32 dae. chaturvedi ke anusar ”yadi var evan kanya ke rashishon (rashi svamiyon) men naisargik mitrata ho athva un donon ki rashiyon ka svami ek hi grah ho to gan dosh apna dushit prabhav nahin dal pata. karan yah hai ki prakriti, manovritti evan ruchi men samanta ka vichar rashishon ki mitrata se kiya jata hai.“
33 bhakut ”bhakut ko nakshatra milan men 7 a nk pradan kie gae hain. isse var kanya ki janm rashiyon ki parasparik sthiti par alok parta hai. var-kanya ki janm rashiyon ko paraspar dvitiya-dvadash, shashtha-ashtam, panchm-navam nahin hona chahie. paraspar tritiya-ekadash, chaturtha-dasham, saptama-saptam tatha ek bhavasth hone par parinay uttam hota hai. janm rashiyon ki shadashtak sthiti (6/8) sarvadhik nikrisht hoti hai. iska sambandh svasthya aur ayushya se hai. dvitiya dvadashasth rashiyan jarjar arthik sthiti ko sanketit karti hanai. pancham navamasth rashiyan alp santti sukh v kshin mansik taratamya prakat karti hain.“
34 dae. chaturvedi ke anusar - ”nakshatra melapak men dvidrvadash, navm-pancham evan shadashtak ye tinon bhakut ashubh evan tyajya mane gaye hain. iska karan yah hai ki dusra sthan dhan ka tatha barhvan kharch ka sthan hota hai. dvidrvadash bhakut men ek ki rashi se dusre ki rashi barhven parti hai jo is bat ki pratik hai ki in donon logon ke kharche ko adhik barhayega. tatparya yah hai ki dvidrvadash bhakut bhavi jivan men kharche ko barhakar arthik santulan ko bigar deta hai. parinamtah jivan men dhan ki kami ya nirdhanata a jane ki sambhavna rahti hai.
“35 ”navm-pancham bhakut islie tyajya mana gaya hai ki dampatya sambandhon men virakti tatha santan ki hani karta hai. navam sthan dharm evan tap ka pratinidhi bhav hota hai. var-vadhu ki rashiyan jab apas men 5ven evan naven sthan men hon to dharmik bhavna, tap-tyag, darshanik drishti ya prabal ahan ki bhavna dampatya sambandhon men duri ya vairagya utpann kar deti hai. damapatya sambandhon ko sukhamay banane ke lie anurakti, akarshan evam asakti ka hona anivarya hai. kintu navm-pancham bhakut in tinon vrittiyon/bhavnaon ko daba deta hai. parinamasvarup dampatti ka grihasth dharm ki or dhyan n dene se santan ke abhav ki ashanka ban jati hai. tatparya yah hai ki anurag, akarshan ya asakti ke bina bhog evan sambhog ki kalpana karna sambhav nahin hai isilie virakti utpann karne vale navm-pancham bhakut ka parinam santan ka abhav batlaya gaya hai.“
36 ”shadashtak bhakut ek mahadosh hai kyonki chatha sthan shatruta ka tatha athvan sthan mrityu ka hota hai. yadi var evan kanya ki rashiyan apas men chathi evan athvin ho to in donon ke bhavi jivan men shatruta, vivad, kalah evan rojana ke jhagre-jhanjhat hote rahte hain. n keval talak apitu nav dampatti men se kisi ek ki hatya ya atmahatya ke sarvadhik mamle shadashtak bhakut men vivah karne par dekhe gaye hain.“
37 ”shesh tin bhakut tritiya-ekadash, chaturtha-dasham tatha prathamashsaptam shubh hote hain. prathm-saptam bhakut men dampatya sukh tatha achchi santan hoti hai, tritiya-ekadash men arthik sthiti tatha jivan star unnat hota hai tatha chaturtha-dasham bhakut men vivah karne se dampatti men atishay prem bana rahta hai. kintu yadi var evan kanya donon ki rashiyon ka svami ek hi grah hai ya rashishon ki mitrata hai to prakriti, manovritti v abhiruchi men samanta hone par dampatya sambandhon men madhurta rahti hai.“
38 nari kut ”samast nakshatron ko tin shreniyon men vibhakt karne vali nariyan adi, madhya aur anta; vat, kaf aur pitt ko abhisuchit karti hain. samast sharirik vyadhiyon ke mul men vat, kaf, pitt parak asantulan hi hota hai. var-kanya ki sam nari hone par parinay sukhamay nahin hota. bhinn nari hone par unki santti men kaf, pitt ka anupat uchit rahta hai. samnari vale dampattiyon ki santanane anshik asvasth, prayah mansik rupen aviksit hoti hain. aise bachchon men mansik doshon ki sambhavna adhik hoti hai. nari manushya ke daihik svasthya sutra ka darpan hai.“
39 ”yadi dampatti adi nari sandarbhit hai to dampatya anek sankton se apann hota hai tatha unki svasthya kshati hoti hai, madhya nari sandarbhit hone par ek ka dehavsan sambhav hai, ant nari sandarbhit hone par santti mrityu sambhav hai. var-kanya ke nakshatra ka charan bhinn ho to vivah ki anumti di jati hai tatha nari dosh nahin mana jata hai.“
40 dae. chaturvedi ke anusar - ”jaise sharir ke vat, pitt evan kaf in tin doshon ki jankari nari spandan dvara hoti hai, thik usi prakar do aprichit vyaktiyon ke man ki jankari adi, madhya evam ant nariyon se ki ja sakti hai. sankalp, vikalp evan kriya-pratikriya karna man ke sahaj karya hain in tinon ki parichayak ukt tinon nariyan hoti hain.“41 ”nakshatra melapak men nari ke sarvadhik gun hote hain. inki gun sankhya 8 hai. bhinna-bhinn nad i hone par 8 gun tatha ek nari hone par shunya gun milta hai.“42