dipavli lakshmi ji ka parva hai evan aj ke yug men lakshmi ka mahatva sarvadhik hai. atah yah parva vishesh ho jata hai. is din lakshmi ji ke lie ki gai puja-archana ka mahatva anek guna adhik ho jata hai. bhagvti mahalakshmi chal, achal sanpurn sanpattiyon evan asht siddhi nav nidhiyon ki adhishthatri sakshat narayni hain. agrapujya dev shri ganesh riddhi- siddhi, buddhi, shubh, labh ke svami evan sakal amanglon, vighnon ke vinashak hain, arthat dipavli ke shubh muhurt men shri lakshmi evan ganesh ji ka sanyukt pujan karne se ghar men sabhi prakar ke sukh, aishvarya evan anand ka agaman hota hai. sarva pratham pujan samagri ko puja sthal par ekatrit karke apne sammukh rakhen, purva ya uttar disha ki or mukh karke sthir asan par baithen.
dipavli men parad dhatu se nirmit ganesh lakshmi ke pujan ka vishesh mahatva hai.
parad lakshmi ganesh: in murtiyon ka ganga jal se snan karakar panchamrit se abhishek karen tatha roli ka tilak karen. tatpashchat pushp, dhup, dip, naivedya, pushpamala, vastra, gandh, akshat, fal v dakshina arpit karen.
sfatik shri yantra: sfatik shriyantra puja ka vishesh mahatva hai. lakshmi ganesh ki murtiyon ke samaksh sfatik shriyantra ko panchamrit v gangajal se snan kara kar sthapit karen. tilkadi karne ke pashchat panchopchar pujan karen. iske prabhav se vyavsayik jivan men dino-din unnati hoti hai tatha man-samman ki prapti hoti hai.
mahalakshmi yantra: mahalakshmi ke mantron ka uchcharan karte hue is yantra ko gangajal v panchamrit se abhishikt karen tatha sthir lakshmi prapti hetu fal, ful, dhup, dip, akshat, sindur, naivedyadi arpit karen.
kuber yantra: dhan ke devta tatha devtaon ke dhanadhyaksh kuber ka avahan karne hetu inke mantra ka uchcharan karte hue is yantra ko gangajal v panchamrit se snan karaen tatha pushpanjli arpit karen. lakshmi pujan ke pashchat is yantra ko tijori men rakhen. iske prabhav se vyavsay athva karyakshetra men ay men vriddhi hoti hai.
shri yantra laeket: dipavli ke din pujan karke is yantra laeket ko lal dhage men dalakar shraddha vishvaspurvak gale men dharan karen.
kamal gatte ki mala: lakshmi ke mantron ka jap karne ke lie kamal gatte ki mala ko sarvashreshth mana gaya hai. sanpurn dipavli pujan ke uprant is par shri mahalakshmi mantra ka jap karen.
gomti chakra: gomti chakra ko shuddh jal se snan karakar unka chandan, roli, pushp adi se pujan karke unhen apne pujaghar men rakhen. ye lakshmi prapti men sahayak hote hain tatha shubh mane jate hain.
kauri: dipavli adi shubh muhurton men kauriyon ka pujan tatha sthapan shubh faldayak mana jata hai. inhen gandh, akshat, dhup, dip se pujan karke apni tijori ya galle men rakhen, isse, vyavsay adi men barakat hoti hai.
sindur: lakshmi ji ko sindur ka tilak atyant priya hai. dipavli pujan ke samay par is abhimantrit sindur ka man anamika ungli se lakshmi ko tilak karen, isse lakshmi ji ki adhik kripa prapt hogi.
dipavli ke din lakshmi evan samriddhi prapti hetu nimnalikhit vishesh upay kie ja sakte hain:
prachur matra men dhanagaman hetu - dipavli se purva dhan trayodshi ke din lal vastra par dhatu se bane kuber evan lakshmi yantra ko pratishthit karke unki lal pushp, ashtagandh, anar, kamalagatte, kamal ke ful, sindur adi se puja karen. fir kamalagatte ki mala par kuber ke mantra ka jap karen tatha mala ko gale men dharan kar len. ¬ yakshay kuberay vaishravnay dhanyadhiptye, dhan dhanya samriddhin me dehi dapay svaha.
dhan sangrah hetu - dipavli ke din pratah kal snanadi karke man bhagvti ke shrisukt ka path karen. lakshmi ji ki pratima ko lal anar ke danon ka bhog lagaen aur arti karen. ghar ki uÿar disha ki or se prasthan karke bel ka chota per ghar men laen aur use lakshmi sukt parhte hue ghar ki uÿar disha men kisi gamle men lagaen. fir pratyek sayankal vahan shuddh deshi ghi ka dipak jalaen.
karj mukti hetu - dakshinavarti ganesh ji ki upasna karen tatha ‘gajendra moksha’ stotra ka path karen. dakshinavarti ganesh ji ki murti ke sath ganpti yantra ko bhi sthapit karen. is yantra ke dayin or kuber yantra ko sthapit karna chahie. jap ke pashchat havan, tarpan, marjan adi karna avashyak mana gaya hai.
vyapar men dhan vriddhi hetu - shaligram ko shvet kamal evan lakshmi yantra ko lal kamal ke pushp par sthapit karke purush sukt tatha lakshmi sukt ko apas men sanputit kar path karen. kshutpipasamlan jyeshthamalakshmin nashyamyaham. abhutimsmriddhin ch sarvan nirnud me grihat.
nimnalikhit kisi ek mantra ka jap kamal gatte, sfatik ya lal chandan ki mala par karna shreshth hai. pratidin ek mala jap lakshmi dosh ko sarvada ke lie dur karne men saksham hai.
1. ¬ shrin hrin shrin mahalakshmyai namah.
2. ¬ shri shri lalita mahatripursundaryai shri mahalakshmyai namah..
3. ¬ shrin hrin shrin kamle kamlalye prasid prasid shrin hin shrin ¬ mahalakshmyai namah..
4. mahalakshmyai ch viùhe vishnupatnyai ch dhimhi tanno lakshmiah prachodyat.
5. ya devi sarvabhuteshu lakshmirupen sansthita. namastasyai namastasyai namastasyai namonmah..
dipavli pujan sthir lagn men hi karna chahie, taki lakshmi ji ghar men sthirta se vas kare. dipavli par sthir lagn sandhya kal men vrish evan sinh lagn hote hain. dilli men vrish lagn 19.20 se 21.15 tak rahega evan sinh lagn madhya ratri uprant 1.54 se 4.11 tak rahega. vrish lagn grihasth ke lie evan sinh lagn tantrikon ke lie uttam hai. vyapariyon ke lie din men kunbh lagn men 14ah52 se 16ah20 tak apne pratishthanon men lakshmi pujan uttam rahega. pujan ke lie lakshmi-ganesh ji ke chitra, ya murti lene chahie. sfatik, rajat ya svarn ki murtiyon ki vishesh mahima hai. sath hi koi shri yantra adi bhi sthapit karna lakshmi vas ke lie uttam mana gaya hai. in sabka pujan kar shri sukt ya lakshmi sukt adi ka path dhan ki kami ko dur kar, sthir lakshmi ka vas deta hai.