ved sarvavidh gyan aur vigyan ke prapti sthan hain. sabhi prakar ki vidhaon ka udbhav vedon se hi hua hai. ved se abhipray sanpurn vaidik sahitya se hai. ismen n keval rik, yaju, sam aur atharvaved hi hai apitu shiksha, kalp, vyakaran, nirukt, chand aur jyotish adi chah vedang, brahman, aranyak, upnishad aur sutra sahitya ki ganna bhi hai. bhartiya vastuvidya ke mul men bhi ved hi hai. vedon ke sath vastuvidya ka do prakar ka sanbandh hai. eke to atharvaved ka upved sthapatyaved vastuvidya ka mul hai aur dusra chah vedangon men se kalp aur jyotish vedang se bhi vastuvidya ka sanbandh hai.
jyotish vedang ke sanhita skandh ke antargat vastuvidya ka vichar kiya jata hai. bhartiya vastushastra ka sanbandh bhavnnirman kala se hai. iska mukhya uddeshya manushya ke lie aise bhavan ka nirman karna hai jismen manushya adhyatmik aur bhautik unnati karta hua sukh, shanti aur samriddhi ko prapt kare. apne isi uddeshya ki purti ke lie vastushastra ke acharyon ne bhavan nirman ke vibhinn siddhanton ka updesh kiya hai unhin siddhanton men se ek hai - shalyashodhan siddhant. shalyashodhan siddhant bhumi ke shalyadosh ke nivaran ki ek vidhi hai. bhumi ki gunavatta usmen doshon ki nyunta hone par badhti hai aur bhumi ke doshon men se ek dosh shalyadosh bhi hai. shalya se yukt bhumi par bhavan nirman sadaiv ashubh parinamon ko pradan karta hai.
atah bhavan nirman se purva shalyashodhan vidhi ka prayog avashya karna chahie. shalyashodhan ke vishay men vastushastriya granthon men ‘shalyoddhar’ ke nam se ek vidhi ka varnan kiya gaya hai jiske anusar shalyashodhn kar shalyarhit bhavan ka nirman kiya ja sakta hai. shalya shabd ka arth gau, ghoda, kutta ya kisi bhi jivan ki asthi se hai. is asthi ke bhavan ki bhumi men rahne par us bhumi ko shalyayukt mana jata hai. bhasm, vastra, khappar, jali hui lakdi, koyla adi ko bhi shalya ki shreni men hi parignit kiya jata hai. in sab vastuon ka bhavan ki bhumi se nishkasan hi shalyashodhan ke nam se jana jata hai. vastushastriya granthon men shalyashodhan ki kai prakriyaen varnit hain jaise - prashnachakra se shalyavichar. iske anusar jis bhumi par bhavan nirman karna ho us bhukhand ke nau bhag kie jate hain. un nau bhagon men kramshah ”a -k - cha- ta- e - ta- sha- pa“ varg purvadikram se likhe jate hain. madhya men yavarg likha jata hai.
brahman ke dvara svastivachan, punyahvagnadi manglik mantron ka uchcharan karne ke bad sthapati grihpti ko kisi devta, fal ya vriksh ka nam puchta hai. grihpti ke dvara uchcharit shabd ka pahla akshar jis koshthak men ho, bhukhand ki usi disha men shalya hai. us disha men khanan kar shalya nikal kar bhavan ka nirman karna chahie. tadyatha- prashnatrayan chapi grihadhipen devasya vrikshasya falasya chapi vachyan hi koshthake'ksharasansthite ch shalyan vilokyan bhavneshudrishtayi. a ka cha ta e ta sha pa y vargaah prachyadisansthe koshthake shalyamuktam.. keshangraah kashthalohasthikadyastasmat karyan shodhnan bhumikayaah. isko ek talika ke madhyam se bhi samjha ja sakta hai. tadyatha - ashubh parinamon ka varnan bhi vastu granthon men prapt hota hai. jaise gau ka shalya hone par rajabhay, ashva ka shalya hone par rog, kutte ka shalya hone par klesh aur gadhe ka shalya hone par santan ka nash hota hai.
tadyatha - ”shalyan gavan bhupbhyan hayanan rujan shunotvoah kalahapranashau. shvaroshtrayorhanimapatyanashan strinamajasyagnibhyan tanoti.. iske atirikt shalyagyan ki ek aur vidhi ke anusar grihpti grihnirman ya pravesh ke samay apne sharir ke jis ang par khujli karen, vastupurush ke sharir ke usi ang men shalya hota hai. ek anya vidhi ke anusar, brahman svastivachan adi kar nirikshan kare ki grihpti apne nirmit ya nirmanadhin bhavan men akar apne sharir ke kis ang ka sparsh karta hai.
yadi vah apne sir ka sparsh kare to usi sthan par dedh hath niche shalya hota hai. tadyatha - kanduyate yadang grihbhturyatra vadmrahutyam. ashubhan bhavennimittan vikritervagrah sashalyan tat.. ek anya vidhi ke anusar, sthapati nirikshan karen ki grih svami apne nirmit ya nirmanadhin bhavan men pravesh kar sanyogavash apne sharir ke kis ang ka sparsh karta hai, jis samay vah apne kisi sharirang ka sparsh kare, usi samay dipt disha men yadi pakshi shabd karen tatha grihpti bhavan ke jis bhag par khada hota hai, usi bhag par bhumi ke niche shalya hota hai. dipt disha ke vishay men kaha gaya hai
ki bhuvnbhaskar surya uday hone ke bad pahle pahar men purva, dusre pahar men agney, tisre pahar men dakshin, sayankal men nairritya men, punah ratri ke pratham pahar men pashchim, dusre men vayavya, tisre men uttar aur chaturth pahar men ishan men rahte hain. surya jis disha ka bhog kar chuke hain, vah angarin aur jis disha men hai, vah diptadisha kahlati hai, isse age ghumita aur shesh shanta dishaen kahlati hai. tadyatha- arddhanichitan kritan va pravishan sthapatirgrihe nimittani. avlokyedgrihptiah kk sansthitah sprishti kingankam. ravidipto yadi shakunistasmin kale virauti purusharavam sansprishtangmanan tasmin deshe'sthi nirdeshyam.. isi prakar se shakun ke madhyam se shalya gyan ka varnan karte hue kaha gaya hai ki dipt disha ke sammukh yadi hathi ashva adi jiv shabd karen to bhumi men usi jivan ka shalya hota hai aur jiv ke usi ang ka shalya hota hai jis ang ka sparsh grihpti sanyogavash karta hai.
ek anya mat sutrra prasaran kal se sanbandhit hai. sutra failane ke samay yadi gadha shabd karen to grihpti bhukhand men jahan khada ho usi sthan par shalya hota hai. ‘vastusaukhyam’ men bhi yahi prakriya varnit hai. ek anya mat ke anusar, sutra ko failate samay jo jiv use langhta hai, usi jiv ka shalya bhumi men hota hai. bhavan nirman se pahle yadi shalya ko nikala n gaya ho to bhi grihapravesh ke samay yah jana ja sakta hai ki bhumi men shalya hai ya nahin. jis bhavan men rahne vale logon ko dafahsvapn, rog aur dhan nash jaisi samasyaen rahti ho, us bhumi ke niche avashya shalya hota hai.
isi prakar bhavan nirman ke bad sat divas tak rat ke samay yadi gau shabd karen athva koi jangli pashu shabd karen to bhi bhumi men shalya hai. ‘vastusarsangrah’ namak granth men shakun ke madhyam se shalya gyan varnit hai. ‘brihadvastumala’ men yah vishay shalya adhikar nam se varnit hai. brahmanadi varnon se pushpadi ke nam puch kar shalyagyan ka varnan hai. ahibalachakra ke madhyam se bhi shalyagyan ki prakriya varnit hai. ath sidhi aur panch tedhi rekhaon ke madhyam se ahibalachakra ka nirman kiya jata hai. atthais koshthakon men atthais nakshatron ki sthapna ki jati hai.
inmen chaidah nakshatra surya ke aur chaidah chandrama ke hote hain. jis din shalyagyan karna ho, us din surya-chandra ki sthiti ahibalachakra men dekhi jati hai. yadi surya-chandra donon chandrama ke nakshatra men ho to bhumi men shalya aur yadi donon apne-apne nakshatron men ho to bhumi men n to shalya aur n hi nidhi hoti hai. tadyatha - udhrvarekhashtakan lekhyan tiryakpanch tathaiv ch. ahichakran bhavatyevamashtavinshtikoshthakam.. is prakar shalya ka gyan hone par bhumi men khanan kar shalya nikal lena chahie. khanan ke vishay men varnan prapt hota hai ki shalyashodhan hetu hone vala khanan jalant, prasrant athva purushant hona chahie. iska arth hai ki khanan karte samay jab jal dikhai de, patthar dikhai den to ek purush ki jitni lanbai ho, utna hi khanan karna chahie. isse age shalya ke hone par bhi vah ashubh prabhav nahin karta.
yathoktam- jalantan prastarantan va purushantamathapi va. kshetran sanshodhya chodritya shalyan sadnmarbhet.. is prakar se shalya gyan kar aur uska nishkasan kar hi bhumi par bhavan nirman karna chahie. sandarbh suchi 1. rajavallabhvastushastra - 1/19 2. rajavallabhvastushastra - 1/20 3. rajavallabhvastushastra - 1/21 4. vishvakarmaprakash 12/2 5. vishvakarmaprakash 12/3-7 6. brihatsanhita - 53/59 7. brihatsanhita - 53/105-106 8. brihatsanhita - 53/107 9. brihatsanhita - 53/108 10. vastusaukhyam - 3/48-53 11. vishvakarm prakash 12/9 12. vishvakarm prakash 12/15-32 13. vastusarsangrah - 5/8-23 14. brihadvastumala 1/166 15. vasturatnakar - 3/3 16. vishvakarm prakash 12/12