vartaman yug men shiksha v vyavsay ke kshetron men vividhta v simayen itni vistrit hain ki chayan v disha nirdharan ek prashn hai. is kathin nirnay men jyotish ek achcha marg darshak ho sakta hai jyotish ke madhyam se kuch prashnon ke uttar ki disha khoji ja sakti hai.
1. balak ke adhyayan ki kshamatayen kya hai.
2. balak ke lie kis prakar ke vishyon ka chunav ho.
3. kya jatak ko vyavsayik kshetra men saflta milegi.
4. kya naukri se ajivika prapt hogi.
5. vyavsay v naukri ki prakriti kaisi hogi.
in prashnon par samay par kiya gaya vichar bhavishya ki uljhnon se kafi had tak vyakti ko bacha sakta hai athva kabhi parivartanashil svabhav ke karan vyakti ek kshetra men sthir nahin ho pata, sahi disha nirdesh ke bina bhatkav men rahta hai. kabhi-kabhi adhyayan ke turant bad mukhya grahon ki mahadshaon men parirvatan ke karan vyakti ke karya shiksha v vyavsay nirdharrarraran men jyotish ka yogdan da. anjna joshi, jaypur ki disha badal jati hai. aisa bhi dekhne men aya hai ki kshetra vishesh men achchi shiksha prapt kar bhi vyavsay ka kshetra alag hota hai. jaise jatak vakalat ya injiniyaring ki shiksha prapt kar vyapar karne lag jata hai. shiksha men avval v agrani chatra jivan ki daud men pichad jata hai aur samanya ya ausat chatra susthapit ho jata hai. ajivika ke sambandh men shastriya manadand spasht kahe gaye han.
lagn ya chandrama se dasham sthan men surya ho to pita se, chandrama to mata se, mangal ho ta shatru se, budh ho ta mitra se, guru ho to bhrata se shuk ho to stri se aur shani ho to das se dhan prapti hoti hai
.1 dravyapraptirjanakajananishatrumitranujastri bhrityebhyah syadudyshshinormangaimitramukhyaiah. vritin kheshasthalavapavashallagnachandrarunebhyo bruyatuneg balini tarnavatmano vikmatsvam.. (karmabhavadhyay shlok-13, jatak bhushanam-acharya mukund daivagya parvatiya krit vyakhyakar da. suresh chandra mishra - ranjan pablikeshan, pratham sanskarana-1993) yadi lagn v chandrama se dasham men koi grah n ho to lagn, surya evan chandrama in tinon se dasham sthanon ke svamiyon ki vritti v karyakshetra ke adhar par jivika batani chahiye. yadi balvan surya svochch men sthit ho to vyakti apne bal v parishram se jivika chalata hai. lagn ya chandrama se dasham sthit sabhi grah dhanaprad hote hain. unki dashantardasha men avashya dhan labh hota hai. udyachchashino vapi ye graha dashamasthitaah. te sarverthapradagyaeyaah svadshasu yathoditaah.. lagnarkaratrinathebhyo dashmadhiptigrrahah. yasminnavanshe tatkalan vartate tasya yah pati.. tadvritya pravded vittn jatasya bahvo yada. bhavanti vittadastashshpi svadshasu vinishchitam.. yah gargacharya ka kathan hai. is sambandh men shastriya manadand brihatparashar men is prakar kahe gaye hai. tinon lagnon se dasham ke navanshesh suryadi grahon ke hone par bali dashmesh ke navanshesh ka fal kaha hai. chandra, surya v janm lagnon ke 10ven bhav men baithe ya dekhne vale grahon se bhi rojgar v dhan labh ka vichar kiya jana chahie. yahan par surya, chandra, mangal, budh, guru, shukra v shani ke dasham men rahne par kramshah pita, mata, shatru, mitra, bhai, stri aur naukar se dhan labh kaha hai.
2tinon lagnon se dasham bhav ke navanshesh suryadi grahon ke hone par shastriya fal kahe gaye hain. lagn ya chandrama se dasham ka navanshesh surya ho to aushadh, dava, uni vastra ya un, ghas, pani se utpann hone vale dhan se sona, moti adi ke vyapar se idhr-udhar dut ka karya karne se dhan kamata hai.
3 isi prakar chandrama yadi navanshesh ho to moti, singhada, machli, adi ke karya karne se ya vyapar se dravya kamata hai. aisa jatak kheti se mitti ke khilaune adi vastuon se baje adi vinod ke sadhnon se vastra banana ya vyapar se ya rani ki kripa se ajivika chalata hai.
4 mangal yadi dasham ka navanshesh ho to sangram se, koyle se, svarn se, vivad se, kala v sahas karyon tatha chor vritti se kamata hai.
5 dasham se navanshesh budh ho to shilp karya se chitra, pustak adi ke lekhan se, vastra adi nirman se, kavya se, agam se, shastra marg se arthat sanhitadi shastra gyan se jyotish se porohitya karm se ved mantron ke jap se aur vedadhyayan se labh hota hai.
6 tinon lagnon se dasham sthan ka navanshesh brihaspati ho to devtaon ke aur brahmanon ke pujan se, padhane se, puran shastra adi se, dharm updesh se aur sud se ajivika hoti hai.
7 yadi chandradi se dasham ka navanashesh shukra ho to svarn, mukta, manik adi ratn ke karya, gud se, chini se, dahi se, gayon ke vyapar se logon ke manoranjan ke lie yatha sinema adi aur striyon ke pralobhan men ajivika hoti hai.
8 yadi shani dasham ke navansh ka svami ho to kutsit marg se, lakdi ke karya ki karigri se, vadh se dusron ko pida pahunchna se, bojha dhone se aur logon ko dhokha dene se tatha paraspar ladai se dhan labh hota hai.
9 vartaman badli hui paristhitiyon se suryadi grahon ke karakatva men vibhinnata ai hai. surya se davai sambandhi kam, jivan data, chandrama se krishi mausam vibhag, jal vibhag, samudri vibhag, mangal se injiniyari, ankgnit hisab-kitab, sharirik shiksha, khel kud, pulis, fauj, chir-fad ka kam v vyayam v kampyutar ko dekha jata hai. budh se patrakarita, bainkang, jyotish, vaigyanik v vaigyanik khoj ko dekha jana chahie. guru se vitt vibhag, rupye ka len-den, baink, bima, vanijya aur patrakarita, vakalat, vyakaran shastra ko dekha jata hai. shukra se rasayan vibhag, krishi, jiv vigyan, sangit, nach, gana tatha sangit se sambandhi shiksha tatha kanun shastra ka gyan hota hai. shani se darshanashastra, janglat vibhag kampyutar shiksha, pahad par chadhai ko dekha jata hai. in grahon se sambandhi hone par bhi jatak naukri karega ya vyavsay yah bhi mahatvapurn hai sath hi vyakti se grahon ki sthiti shiksha men kis kshetra se ajivika pradan karegi ya jatak vyavsayi hoga yah bhi mahatvapurn hai.
naukri: 1. shashth bhav-bhavesh janmang men lagn evan saptam bhav-bhavesh, se apekshakrit bali ho to naukri se ajivika ki sambhavnaain prabal hoti hai.
2. lagn, saptam bhav, chandra lagn v dhan karak guru ke shubh grah se sambandh hone par naukri karne vala jatak hota hai.
3. yadi jatak ki yuva avastha ke dauran nirbal yogkarak grah tritiyesh, shashthesh ya ekadshesh ki dasha ati hai to naukri ki sanbhavna prabal hoti hai.
4. yadi adhikansh grah jivatmansh grahon ke nakshatra men hokar bhu evan jal tatva rashi men ho to naukri se ajivika ki sanbhavnaen adhik hoti hain.
vyavsay: 1. yadi lagn evan saptam bhav-bhavesh, shashth bhav-bhavesh se apekshakrit bali evan shobhan ho to vyavsay se ajivika ki sanbhavnaen prabal hoti hain.
2. yadi kundali men yuva avastha tak rajyog karak grah ki dasha prabhavi ho kundali men vyavsay ka yog ho to jatak uchch star ka vyapar karta hai.
3. navam v dasham tatha dvitiya v ekadash bhavon ka sambandh ho aur saptam bhav bali ho to jatak safal vyavsayi hota hai. kuch mahatvapurn tathyon par vichar avashya kiya jana chahie. dasham sthan v dashmesh se sambandhi grah hone par kis prakar ke kal ki sanbhavna ki ja sakti hai. surya yadi dasham sthan men sthit ho ya dashmesh se sanyog kare to jatak prashaskiya karyane se sambaddh hoga. chandrama dasham sthan men ho ya dashmesh se sambandh kare to vyakti shangar sambandhi vyavsay, bainkig karya se sambaddh ho sakta hai. mangal dasham bhav sambandhi ho ya dashmesh se sambandh kare to jatak prashasan sambandhi karyon v agni sambandhi ho sakta hai. budh dasham bhav sambandhi ho ya dashmesh se yog kare to bhautik v rasayan vigyan ke karyon, anu urja adi vyavsay kar sakta hai. guru yadi dasham bhav men ho ya dashmesh se sambandh kare to shasan, prashaskiya v adhikar, kisi shikshan sansthan ka pramukh ya ved-vedant sambandhi hoga. shani dasham bhav ya dashmesh sambandhi ho to, int, patthar se nirman sambandhi karya, lauh v chamde se sambandhi vastuon ke vyavsay se sambandhit ho sakta hai. rahu dasham men ho ya dasham se sanyog kare to sanchar sadhnon ilektraniks, fotografi, kampyutar se sambaddh ho sakta hai.
in sabhi yogon v jyotishiya disha nirdeshon ko dhyan men rakhakar vyavsay nirdharan kiya jae to vyakti ko jivan men vyavsayik disha men margadarshan prapt ho sakta hai. yah margadarshan jatak ke adhyayan arambh kal men hi prapt kiya jae to anek bar dashaon ke kal men hone vali anavashyak disha parivartan se bacha ja sakta hai. kuch mahatvapurn yogon se karya ki nishchitta kafi had tak dikhti hai. chaturth sthan men surya ke sath yuti men shubh brihaspati ki sthiti jatak ko nyayadhish aur nyay karne yogya banati hai. chandra aur guru ki chaturth sthan men sthiti jatak ko ved vedadgon men panragat v is kshetra men vishesh sammanit banati hai. mangal v budh ki yuti chaturth se sambandh jatak ko mudran v lekhan sambandhi banati hai. vah rajdut v guptachar bhi ho sakta hai. shiksha sambandhi kuch vishisht yog disha nirdharit karne men sahyogi ho sakte hanai. krur grah, chaturthesh se yuti kare to vyakti ka vigyan sambandhi gyan v adhyayan ki or ruchi hogi.
chaturthesh rahu se sambandh banaye to shastra, sahityik vishay v videshi bhasha ki or ruchi hogi. shubh grahon se chaturthesh ki yuti kala, sahitya v kalatmak ruchi deti hai. yadi adhyayan samay rahu mahadsha ati hai tab anek badhayen ya kam se kam ek bar adhyayan men rukavat ayegi. udaharan - 1 tritiyesh v bhagyesh budh ki lagn men surya ke sath budharitya yog men sthiti buddhi kaushal ko dikhati hai. sva nirmit vyaktitva aisa vyakti hota hai sath dvitiyesh shani jo intelijains ko dikhata hai uski uchch hokar dasham men sthiti bhi buddhi gyan ki prachurta ko ingit karti hai. panchmesh shukra ki pancham par drishti vyavhar buddhi ki prachurta ko darshati hai.
21 varsh ki ayu men arambh hone vali lagnesh ki dasha aur uski dasham bhav men uchch sthiti naukri men uchch stariya saflta dikhati hai. sath hi lagn men surya v uchch ke guru ki lagn par drishti uchch prashasnik kshamata ko darshati hai. yahan surya, chandra v lagn men lagn ya surya lagn bali hai. yahan se dasham ka navanash pati mangal hai, shukra mangal ki rashi men hai. atah prashasan, sena se ajivika darshata hai. jatak ai.e.es. adhikari hai. guru, shukra, mangal jal rashi men aur surya v budh prithvi tatva rashi men hai atah pramukh grahon ki jal v prithvi tatva rashi men upasthiti rojgar (naukri) ka karan hai.
udaharan - 2 prastut kundali rahul bajaj ki hai jo ki ilaiktraniks evan vidyut upkrnon ke utpadan men agraganya hain. apki kundali men chandra lagn adh iak bali hai. chandra lagn se dasham ka navanshesh mangal agni pradhan vastuon ki suchna deta hai. shani bhagyesh, dashmesh, hokar ekadash men lauh se labh dikha rahe hanai. ek pidit budh ke surya ke sath kendra sthit hone ke atirikt koi rajyog nahin hai. atah bali grah se ajivika prapt ki.
udaharan - 3 surya lagnesh hai aur aushadhka karak hai. kendra trikon ka svami mangal apne ghar men baitha hai. surya budh ki chaturth men yuti achchi sampatti v dhan sthiti darshata hai jo dashmesh ke sath hai. guru ki panchmesh v ashtamesh hokar mangal par drishti hai. chandra rahu ki yuti vish prayog ki kshamata deti hai. atah jatak em.bi.bi. es.kar sarkari daktar hai. futnot: 1. jatak parijat (daivagya vaidyanath rachit) bhashyakar, gopesh kumar ojha, dvitiya bhag adhyay 15 shlok 44 2. vahin, adhyay 15 shlok 43 3. vahin, adhyay 15 shlok 44 4. vahin, adhyay 15 shlok 45 5. vahin, adhyay 15 shlok 46 6. vahin, adhyay 15 shlok 47 7. vahin, adhyay 15 shlok 48 8. vahin, adhyay 15 shlok 49 9. vahin, adhyay 15 shlok 50