ashtakut milan manak ashtakut milan men ath mankon ke adhar par milan ki vyavastha hai yatha- varn, vashya, tara, yoni, grah-maitri, gan, bhakut evan nari. inke ank is prakar nirdharit kiye gaye hain. varn - 1, vashya - 2, tara - 3, yoni - 4, grahmaitri - 5, gan - 6, bhakut - 7, nari - 8 uprokt ankon ka yog 36 hai.
inmen se tara, yoni, gan evan nari ka adhar janm nakshatra hai to vashya, varn, grahmaitri evan bhakut ka adhar janm rashi hai. agar var aur vadhu ke ashtakut milan ka harishchandra prasad arya, patna gunank 18 se 20 tak ata hai to sadharan, 20 se adh iak aur 25 tak gunank ane par madhyam, 25 se adhik gunank ane par uttam mana jata hai.
ab prashn hai ki kya matra ashtakut gunank ke adhar par vaivahik sukh milne ki udghoshna ki ja sakti hai? shastron ke anusar jyotishiya adhar par jatk/ jatika ke ekal kundli ke adhar par bhi vaivahik sukh milne ki vivechna ki jani chahie anyatha ashtakut milan ke bad bhi vaivahik sukh ki prapti mrigtrishna hi rahegi. kundli ke kuch yog aise hain jo vaivahik sukh ko prabhavit karte hain.
kundli men vidyaman santanhinta ka yog, alpayu yog, vaidhurya ya vidhva hone ka yog, ganbhir bimari se pirit rahne ka yog, daridra yog, vyabhichar yog adi kuch aise yog hain jo vaivahik sukh ko prabhavhin bana denge aur var-vadhu ke jivan ko vivahoprant unke jivan men nairashya evan andhera la denge. yahan kuch aise yogon ki charcha ki gai hanai: alpayu yog shastron ne 20 varsh se 32 varsh tak ki ayu ko alpayu mana hai.
agar itne alp samay hi var ya vadhu ka jivan ho to ek ki mrityu dusre ke lie vidhur ya vidhva hone ki sthiti hogi. fir dampatya sukh ka nash hoga aur ashtakut milan se fayda hi kya? alpayu yog:
ashtamesh ketu ke sath lagn men ho.
ashtamesh lagn men ho tatha lagnesh balhin ho.
lagn aur chandra lagn donon hi dvisvabhav rashi men ho.
mangal pancham men, ketu lagn men tatha shani ashtam men ho. daridra yog bharn-poshan ke lie uchit sadhnon arthat paryapt amdni ka n hona dampatti ke lie kashtakari hoga aur vaivahik sukh tirohit ho jayenge. kabhi-kabhi patni ke grah yogon ke karan bhi parivar men daridrata a jati hai.
jyotishiya yog
chandrama aur ketu lagn men ho.
lagnesh ashtam bhav men, dvitiyesh ya saptamesh ke sath ho ya inse drisht ho.
labhesh nich ka hokar ast ho.
dhanesh dvadash bhav men dvadshesh ke sath ho.
dvitiyesh trik bhav men ho.
pap grah dvitiya bhav men ho. santanhinta santan prapti vaivahik jivan ka ek mukhya uddeshya hai aur danpatti ko apas men sneh bandhan men bandhe rahta hai. dampatya jivan nasht hone men iski ek bari bhumika hoti hai. santanhinta ke anya yogon ke atirikt santan aprapti ka karan purvajanmakrit kuch shapon ko bhi mana gaya hai jaise- sarp shap se santanhinta, pitri evan matrishap se santanhinta.
kuch anya yog is prakar hain-
mangal, shukra aur shani tinon saptam bhav men ho.
guru pancham bhav men ho tatha guru se pancham bhav men pap grah ho.
guru panchmesh hokar papdrisht evan papyut ho.
pancham bhav men mandi ho aur panchmesh pancham ya saptam bhav men ho.
shani aur mangal pancham bhav men sinh rashi men aur panchmesh surya shashth bhav men ho. napunsatva var ki kundli men uske napunsatva hone ka sanket milte hon to bhi aise var se vadhu ka vivah vaivahik jivan men tanav, asantosh aur talak ko hi janm deta hai. ku
yog-
shukra aur shani paraspar shashthashtam hon.
lagn, chandrama tatha shukra tinon visham rashi tatha visham navansh men hon.
shukra aur shani donon ashtam bhav men ho aur un par shubh grah ki drishti n hon.
chandrama aur surya, shani aur budh, mangal aur budh in tin grah yugmon men se ek grah sam men tatha dusra grah visham men baith kar ek dusre ko dekhte hon to jatak napunsak hota hai.
uprokt ke atirikt bhi anya kai aise yog hain jinke karan vaivahik jivan niras, tanavpurn, duahkhi rahta hai evan talak ya algav ki sthiti a jati hai. ye yog hain-vyabhichari hone ke yog, unmad ya pagal hone ka yog, ganbhir bimari jaise kainsar, kushth rog, kshay rog, adi hone ka yog. atah var-vadhu ka shadi se pahle ashtakut milan ke sath in yogon par bhi samyak vichar vidvan jyotishi se karvakar vaivahik jivan ko adhik sukhamay banaya ja sakta hai.